ਗੈਜੇਟ ਡੈਸਕ - ਯੂਟਿਊਬ ਨੇ ਐਲਾਨ ਕੀਤਾ ਹੈ ਕਿ 15 ਜੁਲਾਈ, 2025 ਤੋਂ ਆਪਣੀ ਮੋਨੇਾਈਜ਼ੇਸ਼ਨ ਪਾਲਿਸੀ ਵਿਚ ਵੱਡੇ ਬਦਲਾਅ ਕੀਤੇ ਜਾਣਗੇ। ਇਸ ਨਵੀਂ ਨੀਤੀ ਦੇ ਤਹਿਤ, ਪਲੇਟਫਾਰਮ 'ਤੇ ਦੁਹਰਾਉਣ ਵਾਲੇ, ਕਾਪੀ-ਪੇਸਟ ਕਰਨ ਵਾਲੇ ਜਾਂ ਬਿਨਾਂ ਕਿਸੇ ਕੋਸ਼ਿਸ਼ ਦੇ ਬਣਾਏ ਗਏ ਵੀਡੀਓਜ਼ 'ਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਕ੍ਰਿਏਟਰਜ਼ 'ਤੇ ਵਿਸ਼ੇਸ਼ ਨਜ਼ਰ ਕੀਤੀ ਜਾਵੇਗੀ ਜੋ ਵਾਰ-ਵਾਰ ਉਹੀ ਵੀਡੀਓ ਜਾਂ ਏਆਈ ਦੁਆਰਾ ਤਿਆਰ ਕੀਤੀ ਸਮੱਗਰੀ ਅਪਲੋਡ ਕਰਦੇ ਹਨ।
ਯੂਟਿਊਬ ਦਾ ਮਕਸਦ ਆਪਣੀ ਸਾਈਟ 'ਤੇ ਯੂਜ਼ਰਸ ਲਈ ਸਿਰਫ ਅਸਲੀ, ਨਵੀਂ ਅਤੇ ਦਿਲਚਸਪ ਸਮੱਗਰੀ ਉਪਲਬਧ ਕਰਵਾਉਣਾ ਹੈ। ਇਸ ਲਈ, ਯੂਟਿਊਬ ਪਾਰਟਨਰ ਪ੍ਰੋਗਰਾਮ (ਵਾਈਪੀਪੀ) ਹੁਣ ਅਜਿਹੇ ਵੀਡੀਓਜ਼ ਦੀ ਸਖ਼ਤੀ ਨਾਲ ਜਾਂਚ ਕਰੇਗਾ ਜੋ ਦੁਹਰਾਉਣ ਵਾਲੇ ਅਤੇ ਵੱਡੇ ਪੱਧਰ 'ਤੇ ਤਿਆਰ ਕੀਤੇ ਗਏ ਹਨ ਯਾਨੀ ਬਿਨਾਂ ਕਿਸੇ ਕੋਸ਼ਿਸ਼ ਦੇ ਵੱਡੇ ਪੱਧਰ 'ਤੇ ਬਣਾਏ ਗਏ ਹਨ।
ਇਹ ਨੇ ਨਵੀਂ ਪਾਲਿਸੀ ਦੇ ਨਿਯਮ :-
- ਕੰਟੈਂਟ ਵਿਚ ਮੌਲਿਕਤਾ ਲਾਜ਼ਮੀ ਹੋਵੇਗੀ। ਕਿਸੇ ਹੋਰ ਦੀ ਸਮੱਗਰੀ ਨੂੰ ਮਾਮੂਲੀ ਬਦਲਾਅ ਨਾਲ ਦੁਬਾਰਾ ਅਪਲੋਡ ਕਰਨਾ ਸਵੀਕਾਰਯੋਗ ਨਹੀਂ ਹੋਵੇਗਾ।
- ਵਾਰ-ਵਾਰ ਇਕੋ ਜਿਹੇ ਟੈਂਪਲੇਟ, ਰੋਬੋਟਿਕ ਆਵਾਜ਼ਾਂ ਜਾਂ ਜਾਣਕਾਰੀ ਅਤੇ ਮਨੋਰੰਜਨ ਦੀ ਘਾਟ ਵਾਲੇ ਵੀਡੀਓ ਦੀ ਪਛਾਣ ਕੀਤੀ ਜਾਵੇਗੀ ਅਤੇ ਉਨ੍ਹਾਂ ਦਾ ਮੁਦਰੀਕਰਨ ਬੰਦ ਕਰ ਦਿੱਤਾ ਜਾਵੇਗਾ।
- ਭਾਵੇਂ ਯੂਟਿਊਬ ਨੇ ਸਿੱਧੇ ਤੌਰ 'ਤੇ ਏਆਈ ਵੀਡੀਓਜ਼ ਦਾ ਨਾਮ ਨਹੀਂ ਲਿਆ ਹੈ, ਪਰ ਇਹ ਮੰਨਿਆ ਜਾਂਦਾ ਹੈ ਕਿ ਏਆਈ ਨਾਲ ਬਣੇ ਵੀਡੀਓ ਜੋ ਮਨੁੱਖੀ ਛੋਹ ਤੋਂ ਰਹਿਤ ਹਨ, ਨੂੰ ਵੀ ਇਸ ਪਾਬੰਦੀ ਵਿਚ ਸ਼ਾਮਲ ਕੀਤਾ ਜਾਵੇਗਾ।
- ਪਲੇਟਫਾਰਮ 'ਤੇ ਪੈਸੇ ਕਮਾਉਣ ਲਈ, 1000 ਗਾਹਕਾਂ ਦੇ ਨਾਲ, 4000 ਘੰਟੇ ਦੇਖਣ ਦਾ ਸਮਾਂ ਜਾਂ 10 ਮਿਲੀਅਨ ਸ਼ਾਰਟਸ ਵਿਊਜ਼, ਅਸਲੀ, ਰਚਨਾਤਮਕ ਅਤੇ ਗੁਣਵੱਤਾ ਵਾਲੀ ਕੰਟੈਂਟ ਹੁਣ ਜ਼ਰੂਰੀ ਹੋਵੇਗਾ। ਇਹ ਕਦਮ ਯੂਟਿਊਬ ਤੋਂ ਇੱਕ ਸਪੱਸ਼ਟ ਸੰਦੇਸ਼ ਹੈ ਕਿ ਸਖ਼ਤ ਮਿਹਨਤ ਅਤੇ ਮੌਲਿਕਤਾ ਤੋਂ ਬਿਨਾਂ ਹੁਣ ਕਮਾਈ ਸੰਭਵ ਨਹੀਂ ਹੈ।
- ਇਸ ਬਦਲਾਅ ਨਾਲ ਕਈ ਸਿਰਜਣਹਾਰਾਂ ਦੀ ਆਮਦਨ ਪ੍ਰਭਾਵਿਤ ਹੋ ਸਕਦੀ ਹੈ, ਪਰ ਦਰਸ਼ਕਾਂ ਨੂੰ ਬਿਹਤਰ ਅਤੇ ਵਧੇਰੇ ਦਿਲਚਸਪ ਸਮੱਗਰੀ ਦੇਖਣ ਨੂੰ ਮਿਲੇਗੀ।
ਆਪਣੇ-ਆਪ ਬੈਨ ਹੋ ਰਹੇ Instagram ਤੇ Facebook ਅਕਾਊਂਟ! ਦੁਨੀਆ ਭਰ ਦੇ ਯੂਜ਼ਰਜ਼ ਪਰੇਸ਼ਾਨ
NEXT STORY 
