ਗੈਜੇਟ ਡੈਸਕ - ਇੱਕ ਨਵਾਂ ਪਲੇਅਰ ਭਾਰਤੀ ਸਮਾਰਟਫੋਨ ਬਾਜ਼ਾਰ ਵਿੱਚ ਐਂਟਰੀ ਕਰਨ ਵਾਲਾ ਹੈ। ਹੁਣ ਤੱਕ ਤੁਸੀਂ ਲੈਪਟਾਪ ਲਈ Acer ਦਾ ਨਾਂ ਸੁਣਿਆ ਹੋਵੇਗਾ ਪਰ ਹੁਣ ਕੰਪਨੀ ਸਮਾਰਟਫੋਨ ਸੈਗਮੈਂਟ 'ਚ ਐਂਟਰੀ ਕਰਨ ਜਾ ਰਹੀ ਹੈ। Acer ਸਮਾਰਟਫੋਨ ਬਹੁਤ ਜਲਦ ਬਾਜ਼ਾਰ 'ਚ ਲਾਂਚ ਹੋ ਸਕਦਾ ਹੈ। Indkal ਟੈਕਨਾਲੋਜੀ ਨੇ ਏਸਰ ਨਾਲ ਸਾਂਝੇਦਾਰੀ ਦਾ ਐਲਾਨ ਕੀਤਾ ਸੀ। ਇਸ ਸਮਾਰਟਫੋਨ ਨੂੰ ਦੋਵਾਂ ਕੰਪਨੀਆਂ ਦੁਆਰਾ ਡਿਜ਼ਾਈਨ ਅਤੇ ਨਿਰਮਿਤ ਕੀਤਾ ਜਾਵੇਗਾ। ਅਜਿਹੇ 'ਚ ਭਾਰਤੀ ਸਮਾਰਟਫੋਨ ਬਾਜ਼ਾਰ 'ਚ ਇਕ ਨਵਾਂ ਪਲੇਅਰ ਦੇਖਣ ਨੂੰ ਮਿਲੇਗਾ।
Acer ਦੇ ਨਵੇਂ ਸਮਾਰਟਫੋਨ
ਕਿਆਸ ਲਗਾਏ ਜਾ ਰਹੇ ਸਨ ਕਿ Acer 2024 ਦੇ ਅੰਤ ਤੱਕ ਇਸ ਸਮਾਰਟਫੋਨ ਨੂੰ ਲਾਂਚ ਕਰ ਸਕਦੀ ਹੈ। ਪਰ ਹੁਣ ਪ੍ਰਮੋਸ਼ਨਲ ਪੋਸਟਰ ਨੇ ਖੁਲਾਸਾ ਕੀਤਾ ਹੈ ਕਿ ਏਸਰ ਦੇ ਨਵੇਂ ਸਮਾਰਟਫੋਨ ਨੂੰ 25 ਮਾਰਚ 2025 ਤੱਕ ਲਾਈਵ ਕੀਤਾ ਜਾ ਸਕਦਾ ਹੈ। ਫੀਚਰ ਇਮੇਜ ਵਿੱਚ ਇੱਕ ਹਨੇਰੇ ਬੈਕਗ੍ਰਾਊਂਡ ਵਿੱਚ ਐਸਟ੍ਰਾਨੋਟ ਨਜ਼ਰ ਆ ਰਿਹਾ ਹੈ। Acer ਦੇ ਲੋਗੋ ਦੇ ਨਾਲ 'The Next Horizon' ਲਿਖਿਆ ਨਜ਼ਰ ਆ ਰਿਹਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਏਸਰ ਦੇ ਇਸ ਸਮਾਰਟਫੋਨ ਦੀ ਕੀਮਤ 15 ਹਜ਼ਾਰ ਤੋਂ 50 ਹਜ਼ਾਰ ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ। ਭਾਰਤੀ ਖਪਤਕਾਰਾਂ ਲਈ ਪ੍ਰੀਮੀਅਮ ਗੁਣਵੱਤਾ ਵਾਲੇ ਪ੍ਰੋ਼ਡਕਟ ਲਿਆਉਣ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
Acer ਦੀ ਸਾਈਟ 'ਤੇ 2 ਫੋਨ ਦਿਖਾਈ ਦੇ ਰਹੇ ਹਨ
ਸਾਫਟਵੇਅਰ ਤਕਨੀਕ 'ਚ ਵੀ ਕਾਫੀ ਬਦਲਾਅ ਦੇਖਣ ਨੂੰ ਮਿਲਣਗੇ। Acerone Liquid S162E4 ਅਤੇ Acerone Liquid S272E4 ਸਮਾਰਟਫੋਨਜ਼ ਨੂੰ Acer ਦੀ ਅਧਿਕਾਰਤ ਸਾਈਟ 'ਤੇ ਲਿਸਟ ਕੀਤਾ ਗਿਆ ਸੀ। ਬਜਟ 4G ਫੋਨ ਵਿੱਚ MediaTek Helio P35 SoC, HD+ ਸਕਰੀਨ ਅਤੇ 5000mAh ਦੀ ਬੈਟਰੀ ਹੈ। ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਕੰਪਨੀ ਇਸ ਫੋਨ ਨੂੰ ਦੁਬਾਰਾ ਲਿਆਉਣ ਜਾ ਰਹੀ ਹੈ ਜਾਂ ਨਹੀਂ। Acer ਸਮਾਰਟਫੋਨ Amazon.in 'ਤੇ ਵੇਚੇ ਜਾਣਗੇ। ਫੋਨ ਨਾਲ ਸਬੰਧਤ ਹੋਰ ਜਾਣਕਾਰੀ ਆਉਣ ਵਾਲੇ ਹਫ਼ਤਿਆਂ ਵਿੱਚ ਉਪਲਬਧ ਹੋਣ ਜਾ ਰਹੀ ਹੈ। ਹਾਲਾਂਕਿ ਫੋਨ ਦੇ ਬਾਰੇ ਹੋਰ ਜਾਣਕਾਰੀ ਨਹੀਂ ਮਿਲੀ ਹੈ।
ਲੈਪਟਾਪ ਤੋਂ ਬਾਅਦ Acer ਲੈ ਕੇ ਆ ਰਿਹਾ ਹੈ ਸਮਾਰਟਫੋਨ
Acer ਨੇ HD+ ਸਕਰੀਨ ਅਤੇ 5000 mAh ਬੈਟਰੀ ਦੀ ਵਰਤੋਂ ਕੀਤੀ ਹੈ। ਇਹ ਸਮਾਰਟਫੋਨ ਭਾਰਤ 'ਚ ਲਾਂਚ ਕੀਤੇ ਜਾਣਗੇ ਜਾਂ ਨਹੀਂ ਇਸ ਬਾਰੇ ਅਜੇ ਕੋਈ ਜਾਣਕਾਰੀ ਉਪਲਬਧ ਨਹੀਂ ਹੈ। ਪਰ ਕੰਪਨੀ ਦੇ ਇਸ ਐਲਾਨ ਤੋਂ ਬਾਅਦ ਇਕ ਗੱਲ ਤਾਂ ਸਾਫ ਹੋ ਗਈ ਹੈ ਕਿ ਆਉਣ ਵਾਲੇ ਸਮੇਂ 'ਚ ਸਮਾਰਟਫੋਨ ਬਾਜ਼ਾਰ 'ਚ ਸਖਤ ਮੁਕਾਬਲਾ ਹੋਵੇਗਾ। ਏਸਰ ਲੈਪਟਾਪ ਮਾਰਕੀਟ ਵਿੱਚ ਇੱਕ ਜਾਣਿਆ-ਪਛਾਣਿਆ ਨਾਮ ਹੈ। ਇਸ ਕੰਪਨੀ ਦੇ ਲੈਪਟਾਪ ਨੂੰ ਗੇਮਰਜ਼ 'ਚ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਹਾਲਾਂਕਿ ਇਹ ਦੇਖਣਾ ਬਾਕੀ ਹੈ ਕਿ ਇਸ ਸਮਾਰਟਫੋਨ 'ਚ ਕਿਹੜੇ-ਕਿਹੜੇ ਖਾਸ ਫੀਚਰਸ ਮਿਲਣਗੇ। ਸਾਰਿਆਂ ਦੀ ਨਜ਼ਰ ਡਿਜ਼ਾਈਨ 'ਤੇ ਹੈ।
BSNL ਦਾ Holi Offer ! ਗਾਹਕਾਂ ਦੀਆਂ ਲੱਗਣਗੀਆਂ ਮੌਜਾਂ
NEXT STORY 
