ਨਵੀਂ ਦਿੱਲੀ - ਦੇਸ਼ ਵਿਚ ਨੋਟਬੰਦੀ ਤੋਂ ਬਾਅਦ ਡਿਜੀਟਲ ਭੁਗਤਾਨ ਦਾ ਰੁਝਾਨ ਤੇਜ਼ੀ ਨਾਲ ਵਧ ਰਿਹਾ ਹੈ। ਇਸ ਦੇ ਨਾਲ ਹੀ ਸਟੇਟ ਬੈਂਕ ਆਫ਼ ਇੰਡੀਆ ਦੀ ਸਹਿਯੋਗੀ ਕੰਪਨੀ ਐਸ.ਬੀ.ਆਈ. ਪੇਮੈਂਟਸ (ਐਸਬੀਆਈ ਪੇਮੈਂਟਸ) ਅਤੇ ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (ਐਨ.ਪੀ.ਸੀ.ਆਈ.) ਨੇ ਰੁਪੇ ਸਾਫਟਪੀਓਐਸ ਨੂੰ ਲਾਂਚ ਕਰਨ ਲਈ ਹੱਥ ਮਿਲਾ ਲਏ ਹਨ।
ਲੱਖਾਂ ਦੁਕਾਨਦਾਰਾਂ ਨੂੰ ਹੋਵੇਗਾ ਲਾਭ
ਰੂਪੇ ਸਾਫਟ ਪੀ.ਓ.ਐਸ. ਦੇ ਜ਼ਰੀਏ ਦੁਕਾਨਦਾਰ ਆਪਣੇ ਸਮਾਰਟਫੋਨਾਂ ਰਾਹੀਂ 5 ਹਜ਼ਾਰ ਰੁਪਏ ਤੱਕ ਦਾ ਸੰਪਰਕ ਰਹਿਤ ਲੈਣ-ਦੇਣ ਕਰ ਸਕਣਗੇ। ਇਸ ਦਾ ਲਾਭ ਲੱਖਾਂ ਦੁਕਾਨਦਾਰਾਂ ਨੂੰ ਮਿਲੇਗਾ। ਇਸ ਦੇ ਜ਼ਰੀਏ ਦੁਕਾਨਦਾਰ 'ਟੈਪ ਐਂਡ ਪੇ' ਸਿਸਟਮ ਰਾਹੀਂ ਆਪਣੇ ਸਮਾਰਟਫੋਨ 'ਤੇ ਸੰਪਰਕ ਰਹਿਤ ਭੁਗਤਾਨ ਨੂੰ ਸਵੀਕਾਰ ਕਰ ਸਕਣਗੇ।
ਇਹ ਵੀ ਪੜ੍ਹੋ : ਹੁਣ ਅਮਰੀਕੀ ਥਾਲੀ ਦਾ ਵੀ ਹਿੱਸਾ ਬਣਨਗੇ ਅਸਾਮ ਦੇ ‘ਲਾਲ ਚੌਲ’
ਫੋਨ 'ਤੇ ਬਣ ਜਾਵੇਗਾ ਅਦਾਇਗੀ ਟਰਮੀਨਲ
ਐਸ.ਬੀ.ਆਈ. ਅਤੇ ਐਨ.ਪੀ.ਸੀ.ਆਈ. ਨੇ ਸ਼ੁੱਕਰਵਾਰ ਨੂੰ ਇੱਕ ਸਾਂਝੇ ਬਿਆਨ ਵਿਚ ਕਿਹਾ ਕਿ ਇਸ ਵਿਵਸਥਾ ਵਿਚ ਰਿਟੇਰਲ ਵਿਕਰੇਤਾਵਾਂ ਲਈ ਨਿਅਰ ਫੀਲਡ ਕਮਿਊਨੀਕੇਸ਼ਨ (ਐਨ.ਐਫ.ਸੀ.) ਅਧਾਰਤ ਸਮਾਰਟਫੋਨ ਨੂੰ ਉਨ੍ਹਾਂ ਦੇ ਮਰਚੈਂਟ ਪੁਆਇੰਟ ਆਫ਼ ਸੇਲ ਟਰਮੀਨਲ ਵਿਚ ਤਬਦੀਲ ਕਰਨ ਦੀ ਸਮਰੱਥਾ ਹੈ।
ਇਹ ਵੀ ਪੜ੍ਹੋ : Facebook ਦਾ ਵੱਡਾ ਫ਼ੈਸਲਾ: ਸਿਆਸੀ ਵਿਗਿਆਪਨਾਂ ਤੇ ਲੱਗੀ ਪਾਬੰਦੀ ਨੂੰ ਲੈ ਕੇ ਫਿਰ ਬਦਲਿਆ ਆਪਣਾ ਸਟੈਂਡ
ਐਸ.ਬੀ.ਆਈ. ਲਾਂਚ ਕਰੇਗੀ YONO Merchant App
ਐਸ.ਬੀ.ਆਈ. ਪੇਮੈਂਟਸ ਵਪਾਰੀਆਂ ਨੂੰ ਘੱਟ ਕੀਮਤ 'ਤੇ ਡਿਜੀਟਲ ਭੁਗਤਾਨ ਢਾਂਚੇ ਨੂੰ ਪ੍ਰਦਾਨ ਕਰਨ ਲਈ ਯੋਨੋ ਵਪਾਰੀ ਐਪ ਪੇਸ਼ ਕਰਨ ਜਾ ਰਿਹਾ ਹੈ। ਬੈਂਕ ਨੇ ਹਾਲ ਹੀ ਵਿੱਚ ਇਹ ਜਾਣਕਾਰੀ ਦਿੱਤੀ ਸੀ। ਯੋਨੋ ਵਪਾਰੀ ਐਪ ਇੱਕ ਸਾਫਟ POS ਵਿਵਸਥਾ ਵਜੋਂ ਕੰਮ ਕਰੇਗਾ। ਇਸਦੇ ਲਈ ਐਸ.ਬੀ.ਆਈ. ਪੇਮੈਂਟਸ ਨੇ ਗਲੋਬਲ ਪੇਮੈਂਟ ਟੈਕਨਾਲੌਜੀ ਦੇ ਵਿਸ਼ਾਲ ਵੀਜ਼ਾ ਨਾਲ ਭਾਈਵਾਲੀ ਕੀਤੀ ਹੈ।
ਐਸਬੀਆਈ ਦੇ ਚੇਅਰਮੈਨ ਦਿਨੇਸ਼ ਕੁਮਾਰ ਖਾਰਾ ਨੇ ਕਿਹਾ ਸੀ, 'ਐਸਬੀਆਈ ਪੇਮੈਂਟਸ ਜ਼ਰੀਏ ਯੋਨੋ ਮਰਚੈਂਟ ਐਪ ਦੀ ਸ਼ੁਰੂਆਤ ਕਰਨ ਸਮੇਂ ਬਹੁਤ ਖੁਸ਼ੀ ਹੋ ਰਹੀ ਹੈ।" ਬੈਂਕ ਨੇ ਤਿੰਨ ਸਾਲ ਪਹਿਲਾਂ ਯੋਨੋ ਪਲੇਟਫਾਰਮ ਲਾਂਚ ਕੀਤਾ ਸੀ। ਯੋਨੋ ਦੇ 35.8 ਮਿਲੀਅਨ ਰਜਿਸਟਰਡ ਉਪਯੋਗਕਰਤਾ ਹਨ। ਯੋਨੋ ਵਪਾਰੀ ਇਸ ਪਲੇਟਫਾਰਮ ਦਾ ਵਿਸਥਾਰ ਹੈ।'
ਇਹ ਵੀ ਪੜ੍ਹੋ : ਨੀਤਾ ਅੰਬਾਨੀ ਦਾ ਐਲਾਨ - ਮੁਲਾਜ਼ਮਾਂ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਟੀਕਾਕਰਨ ਦਾ ਖ਼ਰਚ ਚੁੱਕੇਗੀ ਰਿਲਾਇੰਸ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
MG ਮੋਟਰ ਦੀ ਪਹਿਲ, ਜਨਾਨੀਆਂ ਲਈ ਲਿਆਂਦਾ ਇਹ ਵਿਸ਼ੇਸ਼ ਪ੍ਰੋਗਰਾਮ, ਜਾਣੋ ਇਸ ਦੀ ਖ਼ਾਸੀਅਤ
NEXT STORY 
