ਗੈਜੇਟ ਡੈਸਕ– ਇਨ੍ਹੀਂ ਦਿਨੀ ਸੋਸ਼ਲ ਮੀਡੀਆ ’ਤੇ ‘ਫੇਸ ਐਪ’ ਸਭ ਤੋਂ ਜ਼ਿਆਦਾ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਸੈਲੇਬ੍ਰਿਟੀਜ਼ ਤੋਂ ਲੈ ਕੇ ਆਮ ਯੂਜ਼ਰ ਤਕ ਹਰ ਕੋਈ ਇਸ ਐਪ ਦਾ ਇਸਤੇਮਾਲ ਕਰਕੇ ਆਪਣੇ ਬੁਢਾਪੇ ਦੀ ਤਸਵੀਰ ਨੂੰ ਦੇਖ ਰਿਹਾ ਹੈ ਅਤੇ ਉਸ ਨੂੰ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕਰ ਰਿਹਾ ਹੈ। ਡਿਵੈੱਲਪਰਾਂ ਦਾ ਮੰਨਣਾ ਹੈ ਕਿ ਇਹ ਐਪ ਯੂਜ਼ਰਜ਼ ਦੇ ਸਮਾਰਟਫੋਨ ਦੁਆਰਾ ਕਲਿੱਕ ਕੀਤੀਆਂ ਗਈਆਂ ਤਸਵੀਰਾਂ ਨੂੰ ਆਪਣੇ ਸਰਵਰ ’ਤੇ ਅਪਲੋਡ ਕਰ ਦਿੰਦੀ ਹੈ ਜਿਸ ਬਾਰੇ ਯੂਜ਼ਰ ਨੂੰ ਭਨਕ ਤਕ ਨਹੀਂ ਲਗਦੀ, ਜਿਸ ਨਾਲ ਤੁਹਾਡੀ ਪ੍ਰਾਈਵੇਸੀ ਨੂੰ ਖਤਰਾ ਹੈ। ਇਹੀ ਨਹੀਂ ਫੇਸ ਐਪ ਨੇ ਅਮਰੀਕਾ ਦੀ ਟੈਂਸ਼ਨ ਵੀ ਵਧਾ ਦਿੱਤੀ ਹੈ।
ਰਸ਼ੀਅਨ ਡਿਵੈੱਲਪਰਾਂ ਨੇ ਬਣਾਈ ਇਹ ਐਪ
ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਫੇਸ ਐਪ ਨੂੰ ਰਸ਼ੀਅਨ ਡਿਵੈੱਲਪਰਾਂ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਇਸ ਐਪ ਨੂੰ ਸਾਲ 2017 ’ਚ ਲਾਂਚ ਕੀਤਾ ਗਿਆ ਸੀ ਅਤੇ ਹੁਣ ਇੰਨੇ ਸਾਲਾਂ ਬਾਅਦ ਇਹ ਐਪ ਆਪਣੇ ਓਲਡ ਫਿਲਟਰ ਕਾਰਨ ਵਾਇਰਲ ਹੋ ਗਈ ਹੈ। ਸੋਸ਼ਲ ਮੀਡੀਆ ’ਤੇ ਫਿਲਮ ਸਟਾਰ ਤੋਂ ਲੈ ਕੇ ਕ੍ਰਿਕਟਰਜ਼, ਫੁੱਟਬਾਲਰਜ਼ ਅਤੇ ਕਈ ਹੋਰ ਸੈਲੇਬ੍ਰਿਟੀਜ਼ ਦੀਆਂ ਬੁਢਾਪੇ ਵਾਲੀਆਂ ਤਸਵੀਰ ਵਾਇਰਲ ਹੋਈਆਂ ਹਨ। ਹਾਲਤ ਇਹ ਹੋ ਗਈ ਹੈ ਕਿ ਫੇਸਬੁੱਕ ’ਤੇ ਲੋਕਾਂ ਦੀ ਪੂਰੀ ਟਾਈਮਲਾਈਨ ਬੁਢਾਪੇ ਵਾਲੀਆਂ ਫੋਟੋਜ਼ ਨਾਲ ਭਰ ਗਈਆਂ ਹਨ।
ਰਸ਼ੀਅਨ ਐਪ ’ਤੇ ਚੁੱਕੇ ਅਮਰੀਕਾ ਨੇ ਸਵਾਲ, FBI ਨੂੰ ਜਾਂਚ ਲਈ ਕਿਹਾ
ਰਸ਼ੀਆ ਦੀ ਫੇਸ ਐਪ ਨੂੰ ਲੈ ਕੇ ਅਮਰੀਕਾ ਨੇ ਯੂਜ਼ਰ ਦੀ ਪ੍ਰਾਈਵੇਸੀ ਅਤੇ ਸੁਰੱਖਿਆ ’ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਅਮਰੀਕੀ ਸੀਨੇਟ ਦੇ ਅਪਲਸੰਖਿਅਕ ਨੇਤਾ ਚਕ ਸ਼ੂਮਰ ਨੇ ਐੱਫ.ਬੀ.ਆਈ. ਅਤੇ ਫੇਡਰਲ ਟ੍ਰੇਡ ਕਮੀਸ਼ਨ ਨੂੰ ਇਕ ਪੱਤਰ ਲਿਖ ਕੇ ਇਸ ਐਪ ਦੀ ਜਾਂਚ ਦੀ ਮੰਗ ਕੀਤੀ ਹੈ। ਇਸ ਵਿਚ ਫੇਸ ਐਪ ਨੂੰ ਰਾਸ਼ਟਰੀ ਸੁਰੱਖਿਆ ਲਈ ਖਤਰਾ ਦੱਸਿਆ ਗਿਆ ਹੈ ਕਿਉਂਕਿ ਇਸ ਨੂੰ ਰੂਸ ਨੇ ਤਿਆਰ ਕੀਤਾ ਹੈ। ਇਸ ਐਪ ਰਾਹੀਂ ਹੈਕਰਾਂ ਦੀ ਪਹੁੰਚ ਲੱਖਾਂ ਅਮਰੀਕੀ ਨਾਗਰਿਕਾਂ ਦੇ ਫੋਨ ਤਕ ਹੋ ਗਈ ਹੈ ਜਿਸ ਨਾਲ ਰਾਸ਼ਟਰੀ ਸੁਰੱਖਿਆ ਦੇ ਨਾਲ ਖਿਲਵਾੜ ਹੋ ਸਕਦਾ ਹੈ।
ਕਿਸ ਤਰ੍ਹਾਂ ਕੰਮ ਕਰਦੀ ਹੈ ਇਹ ਐਪ
ਫੇਸ ਐਪ ਏ.ਆਈ. ਯਾਨੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤਕਨੀਕ ਦੀ ਮਦਦ ਨਾਲ ਵਿਅਕਤੀ ਨੂੰ ਜਵਾਨ ਜਾਂ ਬੁੱਢਾ ਦਿਖਾਉਂਦੀ ਹੈ ਪਰ ਇਸ ਲਈ ਇਹ ਤੁਹਾਡੇ ਕੋਲੋਂ ਫੋਨ ਦੇ ਡਾਟਾ ਦੀ ਪਰਮਿਸ਼ਨ ਲੈ ਲੈਂਦੀ ਹੈ। ਆਈ.ਓ.ਐੱਸ. ਜਾਂ ਐਂਡਰਾਇਡ ਸਮਾਰਟਫੋਨ ’ਤੇ ਇਸ ਐਪ ਰਾਹੀਂ ਤਸਵੀਰ ਨੂੰ ਕਲਿੱਕ ਕਰਨ ਤੋਂ ਬਾਅਦ ਇਹ ਉਸ ਨੂੰ ਆਪਣੇ ਸਰਵਰ ’ਤੇ ਸੇਵ ਕਰ ਦਿੰਦੀ ਹੈ ਜਿਸ ਤੋਂ ਬਾਅਦ ਇਸ ਤੇ ਫਿਲਟਰ ਲਗਾਏ ਜਾਂਦੇ ਹਨ।
ਕਿਵੇਂ ਪੈਦਾ ਹੋ ਰਿਹਾ ਯੂਜ਼ਰ ਨੂੰ ਖਤਰਾ
ਫੇਸ ਐਪ ਡਾਟਾ ਨੂੰ ਆਪਣੇ ਸਰਵਰ ’ਤੇ ਸੇਵ ਕਰਦੀ ਹੈ ਜਿਸ ਦਾ ਇਸਤੇਮਾਲ ਭਵਿੱਖ ’ਚ ਜਨਤਕ ਰੂਪ ਨਾਲ ਕੀਤਾ ਜਾ ਸਕਦਾ ਹੈ। ਐਪ ਦੀ ਪਾਲਿਸੀ ਤੋਂ ਪਤਾ ਲੱਗਦਾ ਹੈ ਕਿ ਇਹ ਤੁਹਾਡੇ ਡਾਟਾ ਦਾ ਇਸਤੇਮਾਲ ਟੈਲੀਮਾਰਕੀਟਿੰਗ ਅਤੇ ਐਡਸ ਦਿਖਾਉਣ ਲਈ ਕਰ ਸਕਦੀ ਹੈ।
ਫੇਸ ਐਪ ਨੇ ਦਿੱਤੀ ਪ੍ਰਤੀਕਿਰਿਆ
ਫੇਸ ਐਪ ਨੇ ਕਿਹਾ ਹੈ ਕਿ ਕੰਪਨੀ ਨੂੰ ਕਈ ਯੂਜ਼ਰਜ਼ ਦੀਆਂ ਰਿਕਵੈਸਟਾਂ ਮਿਲੀਆਂ ਹਨ ਜਿਨ੍ਹਾਂ ’ਚ ਉਨ੍ਹਾਂ ਨੇ ਆਪਣੇ ਡਾਟਾ ਨੂੰ ਕੰਪਨੀ ਦੇ ਸਰਵਰ ਤੋਂ ਰਿਮੂਵ ਕਰਨ ਦੀ ਗੱਲ ਕਹੀ ਹੈ। ਫੇਸ ਐਪ ਡਾਟਾ ਨੂੰ ਰਸ਼ੀਆ ’ਚ ਟ੍ਰਾਂਸਫਰ ਨਹੀਂ ਕਰ ਰਹੀ। ਉਥੇ ਹੀ ਡਾਟਾ ਦੀ ਸਾਰੀ ਪ੍ਰੋਸੈਸਿੰਗ ਕਲਾਊਡ ਸਰਵਰ ’ਤੇ ਕੀਤੀ ਜਾਂਦੀ ਹੈ। ਅਸੀਂ ਸਿਰਫ ਉਸੇ ਫੋਟੋ ਨੂੰ ਅਪਲੋਡ ਕਰਦੇ ਹਾਂ ਜੋ ਐਪ ਤੋਂ ਖੁਦ ਕਲਿੱਕ ਕੀਤੀ ਗਈ ਹੋਵੇ। ਅਪਲੋਡ ਦੀ ਤਰੀਕ ਦੇ 48 ਘੰਟਿਆਂ ਦੇ ਅੰਦਰ ਹੀ ਫੋਟੋ ਨੂੰ ਅਸੀਂ ਆਪਣੇ ਸਰਵਰ ਤੋਂ ਡਿਲੀਟ ਕਰ ਦਿੰਦੇ ਹਾਂ।
ਆਪਣੇ ਕੀਬੋਰਡ ’ਚ 59 ਨਵੇਂ emoji ਐਡ ਕਰਨ ਵਾਲੀ ਹੈ ਐਪਲ
NEXT STORY 
