ਆਟੋ ਡੈਸਕ : ਦੁਨੀਆ ਭਰ ਵਿੱਚ ਆਪਣੀਆਂ ਤੇਜ਼ ਰਫ਼ਤਾਰ ਅਤੇ ਲਗਜ਼ਰੀ ਕਾਰਾਂ ਲਈ ਮਸ਼ਹੂਰ ਕੰਪਨੀ ਫੇਰਾਰੀ (Ferrari) ਨੇ ਆਟੋਮੋਬਾਈਲ ਜਗਤ ਵਿੱਚ ਇੱਕ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਕੰਪਨੀ ਨੇ ਇਟਲੀ ਦੇ ਰੋਮ ਸ਼ਹਿਰ ਵਿੱਚ ਆਪਣੀ ਪਹਿਲੀ ਪੂਰੀ ਤਰ੍ਹਾਂ ਇਲੈਕਟ੍ਰਿਕ ਸੁਪਰਕਾਰ 'Ferrari Luce' ਪੇਸ਼ ਕੀਤੀ ਹੈ। ਪੈਟਰੋਲ ਅਤੇ ਹਾਈਬ੍ਰਿਡ ਤੋਂ ਬਾਅਦ ਹੁਣ ਫੇਰਾਰੀ ਨੇ ਇਲੈਕਟ੍ਰਿਕ ਸੈਗਮੈਂਟ ਵਿੱਚ ਵੀ ਧਮਾਕੇਦਾਰ ਐਂਟਰੀ ਕਰ ਲਈ ਹੈ।
ਨਵੀਂ Ferrari Luce ਨੂੰ ਇੱਕ ਖ਼ਾਸ ਇਲੈਕਟ੍ਰਿਕ ਪਲੇਟਫਾਰਮ 'ਤੇ ਤਿਆਰ ਕੀਤਾ ਗਿਆ ਹੈ, ਜਿਸ ਵਿੱਚ ਚਾਰ ਇਲੈਕਟ੍ਰਿਕ ਮੋਟਰਾਂ ਲਗਾਈਆਂ ਗਈਆਂ ਹਨ। ਇਹ ਕਾਰ 1,050hp ਦੀ ਜ਼ਬਰਦਸਤ ਪਾਵਰ ਪੈਦਾ ਕਰਦੀ ਹੈ ਅਤੇ ਮਹਿਜ਼ 2.5 ਸੈਕੰਡ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਫੜ ਸਕਦੀ ਹੈ। ਕੰਪਨੀ ਮੁਤਾਬਕ ਇਸ ਦੀ ਟੌਪ ਸਪੀਡ 310 ਕਿਲੋਮੀਟਰ ਪ੍ਰਤੀ ਘੰਟਾ ਤੋਂ ਵੀ ਜ਼ਿਆਦਾ ਹੈ।
ਇਸ ਕਾਰ ਵਿੱਚ 122kWh ਦੀ ਵੱਡੀ ਬੈਟਰੀ ਦਿੱਤੀ ਗਈ ਹੈ, ਜੋ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 530 ਕਿਲੋਮੀਟਰ ਤੋਂ ਜ਼ਿਆਦਾ ਦੀ ਰੇਂਜ ਪ੍ਰਦਾਨ ਕਰਦੀ ਹੈ। 350kW DC ਫਾਸਟ ਚਾਰਜਿੰਗ ਦੀ ਮਦਦ ਨਾਲ ਇਸ ਕਾਰ ਦੀ ਬੈਟਰੀ ਨੂੰ ਸਿਰਫ਼ 20 ਮਿੰਟਾਂ ਵਿੱਚ 70kWh ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ। ਕਾਰ ਵਿੱਚ 800V ਤਕਨੀਕ ਦਾ ਇਸਤੇਮਾਲ ਕੀਤਾ ਗਿਆ ਹੈ, ਜੋ ਇਸ ਨੂੰ ਹੋਰ ਵੀ ਕੁਸ਼ਲ ਬਣਾਉਂਦੀ ਹੈ।
ਇਹ ਫੇਰਾਰੀ ਦੀ ਪਹਿਲੀ ਆਲ-ਵ੍ਹੀਲ ਡਰਾਈਵ ਕਾਰ ਹੈ, ਜਿਸ ਵਿੱਚ ਪੰਜ ਸੀਟਾਂ ਅਤੇ ਚਾਰ ਦਰਵਾਜ਼ਿਆਂ ਵਾਲਾ ਡਿਜ਼ਾਈਨ ਦਿੱਤਾ ਗਿਆ ਹੈ। ਕਾਰ ਦੇ ਅੰਦਰੂਨੀ ਹਿੱਸੇ ਵਿੱਚ OLED ਡਿਸਪਲੇਅ, ਫਿਜ਼ੀਕਲ ਕੰਟਰੋਲ ਅਤੇ 21-ਸਪੀਕਰ ਆਡੀਓ ਸਿਸਟਮ ਵਰਗੇ ਪ੍ਰੀਮੀਅਮ ਫੀਚਰ ਸ਼ਾਮਲ ਹਨ। ਇਸ ਦੇ ਡਿਜ਼ਾਈਨ ਲਈ ਫੇਰਾਰੀ ਨੇ ਮਸ਼ਹੂਰ ਡਿਜ਼ਾਈਨ ਟੀਮ 'LoveFrom' (ਜੋਨੀ ਆਈਵ ਅਤੇ ਮਾਰਕ ਨਿਊਸਨ) ਨਾਲ ਮਿਲ ਕੇ ਕੰਮ ਕੀਤਾ ਹੈ। ਫੇਰਾਰੀ ਦੇ ਸੀ.ਈ.ਓ. ਅਨੁਸਾਰ, 'Luce' ਸਿਰਫ਼ ਇੱਕ ਨਵੀਂ ਤਕਨੀਕ ਨਹੀਂ ਹੈ, ਸਗੋਂ ਇਹ ਸੁਪਰਕਾਰਾਂ ਦੀ ਦੁਨੀਆ ਵਿੱਚ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਹੈ।
ਮਾਰੂਤੀ ਸੁਜ਼ੂਕੀ ਨੇ ਕਰਮਚਾਰੀਆਂ ਨੂੰ ਦਿੱਤਾ 'ਵਰਕ ਫਰੌਮ ਹੋਮ'; ਵਿਦੇਸ਼ੀ ਯਾਤਰਾ 'ਤੇ ਲਗਾਈ ਰੋਕ
NEXT STORY 
