ਗੈਜੇਟ ਡੈਸਕ– ਗੂਗਲ ਨੇ ਪਲੇਅ ਸਟੋਰ ’ਤੇ ਵਧ ਰਹੇ ਖ਼ਤਰਨਾਕ ਐਪਸ ਨੂੰ ਲੈ ਕੇ ਸਖ਼ਤ ਕਦਮ ਚੁੱਕਿਆ ਹੈ। ਕੰਪਨੀ ਨੇ ਜੋਕਰ (Joker) ਮਾਲਵੇਅਰ ਨਾਲ ਪ੍ਰਭਾਵਿਤ 17 ਐਪਸ ਨੂੰ ਟ੍ਰੈਕ ਕਰਕੇ ਇਨ੍ਹਾਂ ਨੂੰ ਪਲੇਅ ਸਟੋਰ ਤੋਂ ਰਿਮੂਵ ਕਰ ਦਿੱਤਾ ਹੈ। ਜੇਕਰ ਇਨ੍ਹਾਂ ’ਚੋਂ ਕੋਈ ਵੀ ਐਪ ਤੁਹਾਡੇ ਫੋਨ ’ਚ ਮੌਜੂਦ ਹੈ ਤਾਂ ਇਨ੍ਹਾਂ ਨੂੰ ਤੁਰੰਤ ਡਿਲੀਟ ਕਰ ਦਿਓ। ਇਨ੍ਹਾਂ ਐਪਸ ਦੀ ਵਰਤੋਂ SMS, ਕੰਟੈਂਟ ਕਾਪੀ ਕਰਨ, ਡਿਵਾਈਸ ’ਚੋਂ ਜਾਣਕਾਰੀ ਚੋਰੀ ਕਰਨ ਅਤੇ ਪ੍ਰੀਮੀਅਮ ਵਾਇਰਲੈੱਸ ਐਪਲੀਕੇਸ਼ਨ ਪ੍ਰੋਟੋਕੋਲ (WAP) ਲਈ ਸਾਈਨ-ਅਪ ਕਰਨ ਲਈ ਕੀਤੀ ਜਾਂਦੀ ਹੈ। ਲੇਟੈਸਟ ਜੋਕਰ ਮਾਲਵੇਅਰ ਐਪਸ ਦਾ ਪਤਾ Zscaler ThreatLabZ ਖੋਜੀ ਨੇ ਲਗਾਇਆ ਹੈ।
ਪ੍ਰਭਾਵਿਤ ਐਪਸ ’ਚ ਸ਼ਾਮਲ ਹਨ ਸਕੈਨਰ, ਮੈਸੇਜਿੰਗ ਅਤੇ ਫੋਟੋ ਐਡਿਟਿੰਗ ਐਪਸ
Zscaler ਸਕਿਓਰਿਟੀ ਰਿਸਰਚਰ ਵਿਰਲ ਗਾਂਧੀ ਨੇ ਇਕ ਬਲਾਗ ਪੋਸਟ ’ਚ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਨ੍ਹਾਂ 17 ਐਪਸ ਨੂੰ ਲਗਭਗ 1,20,000 ਵਾਰ ਡਾਊਨਲੋਡ ਕੀਤਾ ਜਾ ਚੁੱਕਾ ਹੈ। ਇਨ੍ਹਾਂ ’ਚੋਂ ਜ਼ਿਆਦਾਤਰ ਸਕੈਨਰ ਐਪਸ ਹਨ, ਉਥੇ ਹੀ ਇਨ੍ਹਾਂ ’ਚ ਕੁਝ ਮੈਸੇਜਿੰਗ ਅਤੇ ਫੋਟੋ ਐਡਿਟਿੰਗ ਐਪਸ ਵੀ ਮੌਜੂਦ ਹਨ। ਗੂਗਲ ਨੂੰ ਜਦੋਂ ਇਨ੍ਹਾਂ ਐਪਸ ਦੀ ਜਾਣਕਾਰੀ ਦਿੱਤੀ ਗਈ ਤਾਂ ਕੰਪਨੀ ਨੇ ਪਲੇਅ ਸਟੋਰ ਤੋਂ ਇਨ੍ਹਾਂ ਨੂੰ ਤੁਰੰਤ ਹਟਾ ਦਿੱਤਾ। ਹੁਣ ਇਨ੍ਹਾਂ ਐਪਸ ਨੂੰ ਡਾਊਨਲੋਡ ਨਹੀਂ ਕੀਤਾ ਜਾ ਸਕਦਾ ਪਰ ਜੇਕਰ ਤੁਹਾਡੇ ਫੋਨ ’ਚ ਇਹ ਐਪਸ ਮੌਜੂਦ ਹਨ ਤਾਂ ਇਨ੍ਹਾਂ ਨੂੰ ਤੁਰੰਤ ਅਨਇੰਸਟਾਲ ਕਰ ਦਿਓ, ਨਹੀਂ ਤਾਂ ਇਹ ਤੁਹਾਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ।
17 ਖ਼ਤਰਨਾਕ ਐਪਸ ਦੀ ਲਿਸਟ
1) Tangram App Lock
2) Unique Keyboard - Fancy Fonts & Free Emoticons
3) Mint Leaf Message-Your Private Message
4) All Good PDF Scanner
5) Style Photo Collage
6) One Sentence Translator - Multifunctional Translator
7) Private SMS
8) Direct Messenger
9) Care Message
10) Talent Photo Editor - Blur focus
11) Desire Translate
12) Meticulous Scanner
13) All Good PDF Scanner
14) Hummingbird PDF Converter - Photo to PDF
15) Blue Scanner
16) Paper Doc Scanner
17) Part Message
ਗੂਗਲ ਹਮੇਸ਼ਾ ਇਨ੍ਹਾਂ ਐਪ ਨੂੰ ਫਿਲਟਰ ਕਰਨ ’ਤੇ ਲਗਾਤਾਰ ਕੰਮ ਕਰਦੀ ਰਹਿੰਦੀ ਹੈ ਪਰ ਇਹ ਐਪਸ ਕਿਸੇ ਨਾ ਕਿਸੇ ਤਰ੍ਹਾਂ ਪਲੇਅ ਸਟੋਰ ’ਤੇ ਵਾਪਸ ਆ ਜਾਂਦੇ ਹਨ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਇਸ ਸਾਲ ਜੋਕਰ ਮਾਲਵੇਅਰ ਨਾਲ ਪ੍ਰਭਾਵਿਤ ਐਪਸ ਨੂੰ ਕਈ ਵਾਰ ਪਲੇਅ ਸਟੋਰ ਤੋਂ ਹਟਾਇਆ ਜਾ ਚੁੱਕਾ ਹੈ।
ਕੋਰੋਨਾ ਤੋਂ ਬਾਅਦ ਚੀਨ ’ਚ ਪਹਿਲੇ ਮੋਟਰ ਸ਼ੋਅ ਦਾ ਆਗਾਜ਼, ਕਈ ਵੱਡੀਆਂ ਕੰਪਨੀਆਂ ਕਰਨਗੀਆਂ ਸ਼ਿਰਕਤ
NEXT STORY 
