ਗੈਜੇਟ ਡੈਸਕ : ਰਸੋਈ ਗੈਸ (LPG) ਦੇ ਸੰਕਟ ਅਤੇ ਵਧਦੀਆਂ ਕੀਮਤਾਂ ਦੇ ਵਿਚਕਾਰ ਘਰਾਂ ਵਿੱਚ ਇੰਡਕਸ਼ਨ ਚੁੱਲ੍ਹੇ ਦੀ ਵਰਤੋਂ ਤੇਜ਼ੀ ਨਾਲ ਵਧ ਰਹੀ ਹੈ। ਪਰ ਬਹੁਤ ਸਾਰੇ ਲੋਕ ਇਸ ਗੱਲ ਨੂੰ ਲੈ ਕੇ ਚਿੰਤਤ ਰਹਿੰਦੇ ਹਨ ਕਿ ਇਹ ਕਿੰਨੀ ਬਿਜਲੀ ਦੀ ਖਪਤ ਕਰਦਾ ਹੈ। ਦਰਅਸਲ, ਇੰਡਕਸ਼ਨ ਦੀ ਬਿਜਲੀ ਖਪਤ ਉਸਦੀ ਵਾਟ (Watt) ਸਮਰੱਥਾ ਅਤੇ ਵਰਤੋਂ ਦੇ ਤਰੀਕੇ 'ਤੇ ਨਿਰਭਰ ਕਰਦੀ ਹੈ।
ਕਿੰਨੀ ਹੁੰਦੀ ਹੈ ਬਿਜਲੀ ਦੀ ਖਪਤ
ਆਮ ਤੌਰ 'ਤੇ ਇੰਡਕਸ਼ਨ ਚੂਲ੍ਹੇ 1200 ਵਾਟ ਤੋਂ 2000 ਵਾਟ ਦੇ ਹੁੰਦੇ ਹਨ। ਜੇਕਰ ਤੁਸੀਂ 2000 ਵਾਟ (2kW) ਦਾ ਇੰਡਕਸ਼ਨ ਇੱਕ ਘੰਟਾ ਫੁੱਲ ਪਾਵਰ 'ਤੇ ਚਲਾਉਂਦੇ ਹੋ, ਤਾਂ ਇਹ ਲਗਭਗ 2 ਯੂਨਿਟ ਬਿਜਲੀ ਖਰਚ ਕਰਦਾ ਹੈ। ਜੇਕਰ ਤੁਸੀਂ ਰੋਜ਼ਾਨਾ ਇਸਦੀ ਵਰਤੋਂ ਇੱਕ ਘੰਟਾ ਕਰਦੇ ਹੋ, ਤਾਂ ਮਹੀਨੇ ਦੀ ਖਪਤ ਲਗਭਗ 60 ਯੂਨਿਟ ਤੱਕ ਪਹੁੰਚ ਸਕਦੀ ਹੈ।
ਜੇਬ 'ਤੇ ਕਿੰਨਾ ਪਵੇਗਾ ਬੋਝ
ਬਿਜਲੀ ਦੇ ਬਿੱਲ ਦਾ ਖਰਚਾ ਤੁਹਾਡੇ ਇਲਾਕੇ ਦੀਆਂ ਦਰਾਂ 'ਤੇ ਨਿਰਭਰ ਕਰਦਾ ਹੈ। ਜੇਕਰ ਬਿਜਲੀ ਦੀ ਦਰ 6 ਰੁਪਏ ਪ੍ਰਤੀ ਯੂਨਿਟ ਹੈ, ਤਾਂ ਮਹੀਨੇ ਦਾ ਖਰਚਾ ਲਗਭਗ 360 ਰੁਪਏ ਆਵੇਗਾ। ਉੱਥੇ ਹੀ, ਜੇਕਰ ਦਰ 8 ਤੋਂ 10 ਰੁਪਏ ਪ੍ਰਤੀ ਯੂਨਿਟ ਹੈ, ਤਾਂ ਇਹ ਖਰਚਾ 480 ਤੋਂ 600 ਰੁਪਏ ਤੱਕ ਜਾ ਸਕਦਾ ਹੈ।
ਇੰਡਕਸ਼ਨ ਕਿਵੇਂ ਕਰਦਾ ਹੈ ਕੰਮ
ਇਹ ਰਵਾਇਤੀ ਗੈਸ ਚੁੱਲ੍ਹੇ ਤੋਂ ਵੱਖਰੀ ਤਕਨੀਕ 'ਤੇ ਕੰਮ ਕਰਦਾ ਹੈ। ਇਸ ਵਿੱਚ ਮੈਗਨੈਟਿਕ ਫੀਲਡ ਰਾਹੀਂ ਗਰਮੀ ਸਿੱਧੀ ਬਰਤਨ ਤੱਕ ਪਹੁੰਚਦੀ ਹੈ, ਜਿਸ ਨਾਲ ਊਰਜਾ ਦੀ ਬਰਬਾਦੀ ਘੱਟ ਹੁੰਦੀ ਹੈ ਅਤੇ ਇਹ ਵਧੇਰੇ ਕੁਸ਼ਲ ਮੰਨਿਆ ਜਾਂਦਾ ਹੈ।
ਬਿਜਲੀ ਬਚਾਉਣ ਲਈ ਖਾਸ ਟਿਪਸ:
•ਹਮੇਸ਼ਾ ਫਲੈਟ ਅਤੇ ਸਹੀ ਸਾਈਜ਼ ਦੇ ਬਰਤਨਾਂ ਦੀ ਵਰਤੋਂ ਕਰੋ।
•ਖਾਣਾ ਬਣਾਉਂਦੇ ਸਮੇਂ ਬਰਤਨ ਨੂੰ ਢੱਕ ਕੇ ਰੱਖੋ।
•ਲੋੜ ਅਨੁਸਾਰ ਹੀ ਪਾਵਰ ਲੈਵਲ ਸੈੱਟ ਕਰੋ ਅਤੇ ਕੰਮ ਖਤਮ ਹੋਣ 'ਤੇ ਤੁਰੰਤ ਬੰਦ ਕਰ ਦਿਓ।
•ਬਾਰ-ਬਾਰ ਆਨ-ਆਫ ਕਰਨ ਤੋਂ ਬਚੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਬੈਨ ਹੋਣਗੇ CCTV ਕੈਮਰੇ ! ਚੀਨ ਦੀ 'ਤੀਸਰੀ ਅੱਖ' 'ਤੇ ਭਾਰਤ ਦਾ ਵੱਡਾ ਵਾਰ
NEXT STORY 
