ਆਟੋ ਡੈਸਕ : ਇਲੈਕਟ੍ਰਿਕ ਸਕੂਟਰ ਖਰੀਦਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ TVS ਮੋਟਰ ਕੰਪਨੀ ਨੇ ਇੱਕ ਵੱਡੀ ਖੁਸ਼ਖਬਰੀ ਦਿੱਤੀ ਹੈ। ਕੰਪਨੀ ਨੇ ਆਪਣੇ ਪ੍ਰਸਿੱਧ iQube ਪੋਰਟਫੋਲੀਓ ਨੂੰ ਅਪਡੇਟ ਕਰਦੇ ਹੋਏ ਨਵਾਂ TVS iQube S 4.7 kWh ਵੇਰੀਐਂਟ ਭਾਰਤ ਵਿੱਚ ਲਾਂਚ ਕਰ ਦਿੱਤਾ ਹੈ। ਇਹ ਨਵਾਂ ਮਾਡਲ ਵੱਡੀ ਬੈਟਰੀ, ਜ਼ਿਆਦਾ ਰੇਂਜ ਅਤੇ ਨਵੀਂ ਤਕਨਾਲੋਜੀ ਦੇ ਨਾਲ ਬਾਜ਼ਾਰ ਵਿੱਚ ਉਤਾਰਿਆ ਗਿਆ ਹੈ।
ਦਮਦਾਰ ਰੇਂਜ ਅਤੇ ਸਪੀਡ
ਰੇਂਜ ਦੇ ਮਾਮਲੇ ਵਿੱਚ ਇਹ ਸਕੂਟਰ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਮਜ਼ਬੂਤ ਹੋ ਗਿਆ ਹੈ। ਕੰਪਨੀ ਮੁਤਾਬਕ, ਇਹ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ 175 ਕਿਲੋਮੀਟਰ (IDC) ਤੱਕ ਚੱਲ ਸਕਦਾ ਹੈ। ਇਸ ਦੀ ਟਾਪ ਸਪੀਡ 82 ਕਿਲੋਮੀਟਰ ਪ੍ਰਤੀ ਘੰਟਾ ਹੈ ਅਤੇ ਇਹ ਮਹਿਜ਼ 4.3 ਸੈਕਿੰਡ ਵਿੱਚ 0 ਤੋਂ 40 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਫੜ ਲੈਂਦਾ ਹੈ, ਜੋ ਸ਼ਹਿਰ ਦੀ ਆਵਾਜਾਈ ਲਈ ਕਾਫੀ ਬਿਹਤਰ ਹੈ।
ਆਧੁਨਿਕ ਫੀਚਰਜ਼ ਅਤੇ ਸੁਰੱਖਿਆ
ਇਸ ਸਕੂਟਰ ਵਿੱਚ ਕਈ ਹਾਈ-ਟੈਕ ਫੀਚਰਜ਼ ਦਿੱਤੇ ਗਏ ਹਨ, ਜਿਸ ਵਿੱਚ TFT ਡਿਸਪਲੇਅ, ਸਮਾਰਟਫੋਨ ਕਨੈਕਟੀਵਿਟੀ, ਨੈਵੀਗੇਸ਼ਨ ਅਤੇ ਰਾਈਡ ਸਟੈਟਿਸਟਿਕਸ ਸ਼ਾਮਲ ਹਨ। ਸੁਰੱਖਿਆ ਦੇ ਲਿਹਾਜ਼ ਨਾਲ ਇਸ ਵਿੱਚ ਰਿਵਰਸ ਮੋਡ, ਕ੍ਰੈਸ਼ ਅਲਰਟ, ਫਾਲ ਅਲਰਟ ਅਤੇ ਐਂਟੀ-ਥੈਫਟ ਅਲਰਟ ਵਰਗੀਆਂ ਸੁਵਿਧਾਵਾਂ ਮਿਲਦੀਆਂ ਹਨ। ਇਸ ਦੇ ਇਲੈਕਟ੍ਰੀਕਲ ਪੁਰਜ਼ਿਆਂ ਨੂੰ IP67 ਰੇਟਿੰਗ ਦਿੱਤੀ ਗਈ ਹੈ, ਜਿਸ ਨਾਲ ਇਹ ਧੂੜ ਅਤੇ ਪਾਣੀ ਤੋਂ ਸੁਰੱਖਿਅਤ ਰਹਿੰਦਾ ਹੈ।
ਨਵੇਂ ਰੰਗਾਂ ਵਿੱਚ ਉਪਲਬਧ
ਕੰਪਨੀ ਨੇ ਇਸ ਵੇਰੀਐਂਟ ਦੇ ਨਾਲ ਦੋ ਨਵੇਂ ਕਲਰ ਆਪਸ਼ਨ ਵੀ ਪੇਸ਼ ਕੀਤੇ ਹਨ, ਜਿਨ੍ਹਾਂ ਵਿੱਚ 'ਮੈਗਨੀਫੀਸੈਂਸ ਪਰਪਲ ਬੇਜ' ਅਤੇ 'ਹਾਰਲੇਕੁਇਨ ਬਲੂ ਬੇਜ' ਸ਼ਾਮਲ ਹਨ। ਇਸ ਤੋਂ ਇਲਾਵਾ 'ਟਾਈਟੇਨੀਅਮ ਗ੍ਰੇ ਮੈਟ' ਰੰਗ ਪਹਿਲਾਂ ਵਾਂਗ ਹੀ ਉਪਲਬਧ ਰਹੇਗਾ। ਸਕੂਟਰ ਵਿੱਚ 12-ਇੰਚ ਦੇ ਅਲੌਏ ਵ੍ਹੀਲਜ਼ ਅਤੇ ਟਿਊਬਲੈੱਸ ਟਾਇਰ ਦਿੱਤੇ ਗਏ ਹਨ, ਜਦਕਿ ਬ੍ਰੇਕਿੰਗ ਲਈ ਫਰੰਟ ਵਿੱਚ ਡਿਸਕ ਬ੍ਰੇਕ ਦੀ ਸੁਵਿਧਾ ਮਿਲਦੀ ਹੈ।
ਕੀਮਤ ਅਤੇ ਬੈਟਰੀ ਵਿੱਚ ਬਦਲਾਅ
ਕੰਪਨੀ ਨੇ ਇਸ ਨਵੇਂ ਵੇਰੀਐਂਟ ਦੀ ਕੀਮਤ 1,37,142 ਰੁਪਏ (ਐਕਸ-ਸ਼ੋਰੂਮ) ਰੱਖੀ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਮਾਡਲ ਪੁਰਾਣੇ 3.5 kWh ਬੈਟਰੀ ਵੇਰੀਐਂਟ ਦੀ ਜਗ੍ਹਾ ਲਵੇਗਾ। ਇਸ ਵਿੱਚ ਹੁਣ 4.7 kWh ਦਾ ਵੱਡਾ ਬੈਟਰੀ ਪੈਕ ਦਿੱਤਾ ਗਿਆ ਹੈ, ਜੋ 5.9 hp ਦੀ ਪਾਵਰ ਅਤੇ 33 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਪੋਰਟੇਬਲ ਚਾਰਜਰ ਦੀ ਮਦਦ ਨਾਲ ਇਸ ਨੂੰ 0 ਤੋਂ 80 ਫੀਸਦੀ ਤੱਕ ਚਾਰਜ ਕਰਨ ਵਿੱਚ ਲਗਭਗ 4 ਘੰਟੇ ਦਾ ਸਮਾਂ ਲੱਗਦਾ ਹੈ।
ਦੇਸ਼ 'ਚ EV ਦੀ ਵਿਕਰੀ 'ਚ ਵੱਡਾ ਉਛਾਲ! ਅਪ੍ਰੈਲ 'ਚ 75 ਫੀਸਦੀ ਵਧੀ ਇਲੈਕਟ੍ਰਿਕ ਕਾਰਾਂ ਦੀ ਵਿਕਰੀ
NEXT STORY 
