ਆਟੋ ਡੈਸਕ– ਮਾਰੂਤੀ ਸੁਜ਼ੂਕੀ ਨੇ ਸੋਮਵਾਰ ਨੂੰ ਆਪਣੀ ਲੰਬੇ ਸਮੇਂ ਤੋਂ ਉਡੀਕੀ ਜਾ ਰਹੀ ਐੱਸ.ਯੂ.ਵੀ. ਵਿਟਾਰਾ ਬ੍ਰੇਜ਼ਾ ਫੇਸਲਿਫਟ ਲਾਂਚ ਕਰ ਦਿੱਤੀ ਹੈ। ਨਵੀਂ ਮਾਰੂਤੀ ਵਿਟਾਰਾ ਬ੍ਰੇਜ਼ਾ ਦੀ ਕੀਮਤ 7.34 ਲੱਖ ਰੁਪਏ ਤੋਂ 11.40 ਲੱਖ ਰੁਪਏ ਤਕ ਹੈ। ਨਵੀਂ ਬ੍ਰੇਜ਼ਾ ਬੀ.ਐੱਸ.-6 ਕੰਪਲਾਇੰਟ ਪੈਟਰੋਲ ਇੰਜਣ ’ਚ ਆਈ ਹੈ। ਪਹਿਲਾਂ ਇਹ ਐੱਸ.ਯੂ.ਵੀ. ਡੀਜ਼ਲ ਇੰਜਣ ’ਚ ਆਉਂਦੀ ਸੀ, ਜਿਸ ਨੂੰ ਹੁਣ ਬੰਦ ਕਰ ਦਿੱਤਾ ਗਿਆ ਹੈ। ਪੁਾਰਣੇ ਮਾਡਲ ਦੇ ਮੁਕਾਬਲੇ ਬ੍ਰੇਜ਼ਾ ਫੇਸਲਿਫਟ ਦੀ ਸ਼ੁਰੂਆਤੀ ਕੀਮਤ 29 ਹਜ਼ਾਰ ਰੁਪਏ ਘੱਟ, ਜਦਕਿ ਟਾਪ ਮਾਡਲ ਦੀ ਕੀਮਤ ਕਰੀਬ 80 ਹਜ਼ਾਰ ਰੁਪਏ ਜ਼ਿਆਦਾ ਹੈ।
ਇੰਜਣ ਪਾਵਰ
ਨਵੀਂ ਮਾਰੂਤੀ ਬ੍ਰੇਜ਼ਾ ’ਚ 1.5 ਲੀਟਰ K15B ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 103 ਬੀ.ਐੱਚ.ਪੀ. ਦੀ ਪਾਵਰ ਅਤੇ 138 ਐੱਨ.ਐੱਮ. ਦਾ ਟਾਰਕ ਪੈਦਾ ਕਰਦਾ ਹੈ। ਇਸ ਦੇ ਨਾਲ 5-ਸਪੀਡ ਮੈਨੁਅਲ ਅਤੇ 4 ਸਪੀਡ ਆਟੋਮੈਟਿਕ ਗਿਅਰਬਾਕਸ ਦੇ ਨਾਲ ਆਪਸ਼ਨ ਹਨ। ਆਟੋਮੈਟਿਕ ਗਿਅਰਬਾਕਸ ਵਾਲੇ ਵੇਰੀਐਂਟ ’ਚ ਮਾਰੂਤੀ ਦੀ ਸਮਾਰਟ ਹਾਈਬ੍ਰਿਡ ਟੈਕਨਾਲੋਜੀ ਵੀ ਦਿੱਤੀ ਗਈ ਹੈ। ਮੈਨੁਅਲ ਗਿਅਰਬਾਕਸ ’ਚ ਬ੍ਰੇਜ਼ਾ ਦੀ ਮਾਈਲੇਜ 17.03 ਕਿਲੋਮੀਟਰ, ਜਦਕਿ ਸਮਾਰਟ ਹਾਈਬ੍ਰਿਡ ਟੈਕਨਾਲੋਜੀ ਦੇ ਨਾਲ ਆਉਣ ਵਾਲੇ ਆਟੋਮੈਟਿਕ ਟ੍ਰਾਂਸਮੀਸ਼ਨ ਵੇਰੀਐਂਟ ਦੀ ਮਾਈਲੇਜ 18.76 ਕਿਲੋਮੀਟਰ ਪ੍ਰਤੀ ਲੀਟਰ ਹੈ।
ਡਿਜ਼ਾਈਨ
ਬ੍ਰੇਜ਼ਾ ਫੇਸਲਿਫਟ ਨੂੰ ਫਰਵਰੀ ਦੀ ਸ਼ੁਰੂਆਤ ’ਚ ਹੋਏ ਆਟੋ ਐਕਸਪੋ ’ਚ ਪੇਸ਼ ਕੀਤਾ ਗਿਆਸੀ। ਇਸ ਵਿਚ ਨਵੀਂ ਟਵਿਨ-ਸਲੇਟ ਗਰਿੱਲ, ਰਿਵਾਈਜ਼ਡ ਬੰਪਰ, ਬੁਲ-ਬਾਰ ਸਟਾਈਲ ਸਕਿਡ ਪਲੇਟ, ਨਵੇਂ ਡਿਜ਼ਾਈਨ ਦੇ ਐੱਲ.ਈ.ਡੀ. ਹੈੱਡਲੈਂਪ, L-ਸ਼ੇਪ ਡੀ.ਆਰ.ਐੱਲ., 16-ਇੰਚ ਡਿਊਲ ਟੋਨ ਅਲੌਏ ਵ੍ਹੀਲਜ਼ ਅਤੇ ਨਵੀਂ ਫੌਗ ਲੈਂਪ ਹਾਊਸਿੰਗ ਦਿੱਤੀ ਗਈ ਹੈ। ਰੀਅਰ ’ਚ ਹੁਣ ਐੱਲ.ਈ.ਡੀ. ਟੇਲਲੈਂਪ ਦੇ ਦਿੱਤੇ ਗਏ ਹਨ ਪਰ ਡਿਜ਼ਾਈਨ ’ਚ ਬਦਲਾਅ ਨਹੀਂ ਹੋਇਆ।
ਇੰਟੀਰੀਅਰ
ਕੈਬਿਲ ਦੀ ਗੱਲ ਕਰੀਏ ਤਾਂ ਬ੍ਰੇਜ਼ਾ ਦੇ ਫੇਸਲਿਫਟ ਮਾਡਲ ’ਚ ਰਿਵਾਈਜ਼ਡ ਅਪਹੋਲਸਟਰੀ, ਲੈਦਰ ਫਿਨਿਸ਼ ਸਟੀਅਰਿੰਗ ਵ੍ਹੀਲ ਅਤੇ ਨਵਾਂ 7-ਇੰਚ ਸਮਾਰਟ ਪਲੇਅ ਸਟੂਡੀਓ ਇੰਫੋਟੇਨਮੈਂਟ ਸਿਸਟਮ ਦਿੱਤਾ ਗਿਆ ਹੈ। ਇਸ ਇੰਫੋਟੇਨਮੈਂਟ ਸਿਸਟਮ ’ਚ ਹੁਣ ਲਾਈਵ ਟ੍ਰੈਫਿਕ ਅਪਡੇਟ, ਵਾਇਸ ਰਿਕੋਗਨੀਸ਼ਨ, ਵ੍ਹੀਕਲ ਅਲਰਟ ਅਤੇ ਕਿਊਰੇਟਿਡ ਆਨਲਾਈਨ ਕੰਟੈਂਟਵਰਗੀਆਂ ਸੁਵਿਧਾਵਾਂ ਹਨ। ਨਾਲ ਹੀ ਪਹਿਲਾਂ ਦੀ ਤਰ੍ਹਾਂ ਇੰਫੋਟੇਨਮੈਂਟ ਸਿਸਟਮ ਐਂਡਰਾਇਡ ਆਟੋ ਅਤੇ ਐਪਲ ਕਾਰ ਪਲੇਅ ਨੂੰ ਵੀ ਸੁਪੋਰਟ ਕਰਦਾ ਹੈ।
Apple iOS 14 ਦੀ ਵੀਡੀਓ ਲੀਕ, ਮਿਲੇਗਾ ਮਲਟੀ ਟਾਸਕਿੰਗ ਵਿੰਡੋ ਸਪੋਰਟ
NEXT STORY 
