ਜਲੰਧਰ- ਨੈੱਕਸਟਬਿਟ ਨੇ ਆਪਣੇ ਕਲਾਉਡ ਸਟੋਰੇਜ ਵਾਲੇ ਸਮਾਰਟਫੋਨ ਰਾਬਿਨ ਦਾ ਨਵਾਂ ਕਲਰ ਵੇਰਿਅੰਟ ਲਾਂਚ ਕੀਤਾ ਹੈ। ਏਂਬਰ ਕਲਰ ਵੇਰਿਅੰਟ ਨੂੰ ਸੀਮਿਤ ਗਿਣਤੀ 'ਚ ਅਗਲੇ ਹਫਤੇ ਦੀ ਸ਼ੁਰੂਆਤ ਤੋਂ ਫਲਿੱਪਕਾਰਟ ਦੀ ਵੈੱਬਸਾਈਟ 'ਤੇ ਉਪਲੱਬਧ ਕਰਾਇਆ ਜਾਵੇਗਾ। ਹੈਂਡਸੈੱਟ ਦੇ ਇਸ ਲਿਮਟਿਡ ਐਡੀਸ਼ਨ ਵੇਰਿਅੰਟ ਦੀ ਵਿਕਰੀ ਅਮਰੀਕਾ 'ਚ 299 ਡਾਲਰ (ਕਰੀਬ 20,100 ਰੁਪਏ) 'ਚ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੀ ਹੈ। ਨੈਕਸਟਬਿਟ ਦਾ ਕਹਿਣਾ ਹੈ ਕਿ ਇਹ ਕਲਰ ਵੇਰਿਅੰਟ ਸਿਰਫ ਸਟਾਕ ਰਹਿਣ ਤੱਕ ਉਪਲੱਬਧ ਹੋਵੇਗਾ। ਸਟਾਕ ਖਤਮ ਹੋ ਜਾਣ ਦੇ ਬਾਅਦ ਇਸ ਨੂੰ ਫਿਰ ਤੋਂ ਉਪਲੱਬਧ ਨਹੀਂ ਕਰਾਇਆ ਜਾਵੇਗਾ । ਭਾਰਤ 'ਚ ਇਸ ਸਮਾਰਟਫੋਨ ਦੀ ਕੀਮਤ 19,999 ਰੁਪਏ ਹੈ।
ਨੈੱਕਸਟਬਿਟ ਰਾਬਿਨ ਸਮਾਰਟਫੋਨ 5.2 ਇੰਚ ਦੀ ਫੁੱਲ-ਐੱਚ. ਡੀ ਡਿਸਪਲੇ, ਕਵਾਲਕਾਮ ਹੈਕਸਾ-ਕੋਰ ਸਨੈਪਡ੍ਰੈਗਨ 808 ਪ੍ਰੋਸੈਸਰ ਦਿੱਤਾ ਗਿਆ ਹੈ। 3 ਜੀ. ਬੀ ਦੀ ਰੈਮ, 32 ਜੀ. ਬੀ ਦੀ ਇਨ-ਬਿਲਟ ਸਟੋਰੇਜ ਵਾਲਾ ਇਹ ਸਮਾਰਟਫੋਨ ਮਾਇਕ੍ਰੋ ਐੱਸ. ਡੀ ਕਾਰਡ ਨੂੰ ਸਪੋਰਟ ਨਹੀਂ ਕਰੇਗਾ। ਇਹ ਸਮਾਰਟਫੋਨ ਐਂਡ੍ਰਾਇਡ ਮਾਰਸ਼ਮੈਲੋ 6.0 ਆਪਰੇਟਿੰਗ ਸਿਸਟਮ 'ਤੇ ਚੱਲੇਗਾ। ਨੈੱਕਸਟਬਿਟ ਰਾਬਿਨ 'ਚ 2680 ਐੱਮ. ਐੱਸ, ਐੱਚ ਦੀ ਬੈਟਰੀ ਹੈ। ਸਮਾਰਟਫੋਨ 13 ਮੈਗਾਪਿਕਸਲ ਦੇ ਰਿਅਰ ਅਤੇ 5 ਮੈਗਾਪਿਕਸਲ ਦੇ ਫ੍ਰੰਟ ਕੈਮਰੇ ਦੇ ਨਾਲ ਆਵੇਗਾ। ਇਸ 'ਚ ਯੂ. ਐੱਸ. ਬੀ ਟਾਈਪ-ਸੀ ਚਾਰਜਿੰਗ ਪੋਰਟ ਵੀ ਦਿੱਤਾ ਗਿਆ ਹੈ। ਇਸ ਸਿੰਗਲ ਸਿਮ ਸਮਾਰਟਫੋਨ 'ਚ ਐੱਲ. ਟੀ. ਈ, 3ਜੀ, ਵਾਈ-ਫਾਈ, ਫਿੰਗਰਪ੍ਰਿੰਟ ਸੈਂਸਰ ਫੀਚਰ ਮੌਜੂਦ ਹਨ।
ਬਿਹਤਰ ਸਾਊਂਡ ਕੁਆਲਿਟੀ ਦੇਣ ਲਈ ਬਣੇ ਹਨ ਇਹ ਹੈੱਡਫੋਨ
NEXT STORY 
