ਜਲੰਧਰ- ਐੱਚ.ਐੱਮ.ਡੀ. ਗਲੋਬਲ ਨੇ ਚੀਨ 'ਚ ਈ-ਕਾਮਰਸ ਸਾਈਟ JD.com 'ਤੇ 19 ਜਨਵਰੀ ਨੂੰ Nokia 6 ਦੀ ਪਹਿਲੀ ਫਲੈਸ਼ ਸੇਲ ਆਯੋਜਿਤ ਕੀਤੀ ਸੀ। ਰਿਪੋਰਟ ਮੁਤਾਬਕ ਇਸ ਸੇਲ 'ਚ ਸਿਰਫ 60 ਸੈਕਿੰਡ 'ਚ ਹੀ ਸਾਰੇ ਹੈਂਡਸੈੱਟ ਵਿਕ ਗਏ। ਹਾਲਾਂਕਿ ਇਹ ਖੁਲਾਸਾ ਨਹੀਂ ਕੀਤਾ ਗਿਆ ਹੈ ਕਿ ਕੰਪਨੀ ਨੇ ਕਿੰਨੇ ਫੋਨ ਵੇਚੇ ਹਨ। Anzhuo.cn ਦੀ ਰਿਪੋਰਟ ਮੁਤਾਬਕ ਇਹ ਸੇਲ ਸਵੇਰੇ 10:06 ਵਜੇ ਸ਼ੁਰੂ ਕੀਤੀ ਗਈ ਸੀ। ਇਹ ਤਾਂ ਸਾਫ ਹੈ ਕਿ ਨੋਕੀਆ 6 ਦੀ ਸੇਲ ਨੂੰ ਮਿਲੀ ਪ੍ਰਤੀਕਿਰਿਆ ਨੂੰ ਲੈ ਕੇ ਐੱਚ.ਐੱਮ.ਡੀ. ਗਲੋਬਲ ਬੇਹੱਦ ਹੀ ਉਤਸ਼ਾਹਿਤ ਹੋਵੇਗੀ।
1 ਲੱਖ ਹੈਂਡਸੈੱਟ ਦੀ ਹੋਈ ਸੀ ਪ੍ਰੀ ਬੁਕਿੰਗ-
ਫਲੈਸ਼ ਸੇਲ ਦੇ ਪਹਿਲੇ 1 ਲੱਖ ਲੋਕਾਂ ਨੇ ਪ੍ਰੀ-ਬੁਕਿੰਗ ਕਰਵਾ ਲਈ ਸੀ। ਕੰਪਨੀ ਨੇ ਕਿਹਾ ਸੀ ਕਿ ਇਸ ਫੋਨ ਦੀ 1699 CYN (16,750 ਰੁਪਏ) ਕੀਮਤ ਹੈ। ਜਿਨ੍ਹਾਂ 'ਚੋਂ ਰਜਿਸਟ੍ਰੇਸ਼ਨ ਦੇ 600 ਰੁਪਏ ਫੋਨ ਦੀ ਫਾਈਨਲ ਕੀਮਤ 'ਚੋਂ ਕੱਟੇ ਜਾਣਗੇ।
ਫੀਚਰਜ਼ ਦੀ ਗੱਲ ਕੀਤੀ ਜਾਵੇ ਤਾਂ Nokia 6 'ਚ 5.5-ਇੰਚ ਦੀ ਆਈ.ਪੀ.ਐੱਸ. (1080x1920 ਪਿਕਸਲ) ਰੈਜ਼ੋਲਿਊਸ਼ਨ ਨੂੰ ਸਪੋਰਟ ਕਰਨ ਵਾਲੀ 2.5ਡੀ ਫੁੱਲ-ਐੱਚ.ਡੀ. ਡਿਸਪਲੇ ਮੌਜੂਦ ਹੈ ਜਿਸ 'ਤੇ ਗੋਰਿੱਲਾ ਗਲਾਸ ਦੀ ਪ੍ਰੋਟੈਕਸ਼ਨ ਦਿੱਤੀ ਗਈ ਹੈ. ਕੁਆਲਕਾਮ ਸਨੈਪਡ੍ਰੈਗਨ 430 ਆਕਟਾ-ਕੋਰ ਪ੍ਰੋਸੈਸਰ 'ਤੇ ਕੰਮ ਕਰਨ ਵਾਲੇ ਇਸ 4ਜੀ ਫੋਨ 'ਚ 4ਜੀ.ਬੀ. LPPDDR3 ਰੈਮ ਦੇ ਨਾਲ 64ਜੀ.ਬੀ. ਦੀ ਇੰਟਰਨਲ ਸੋਟਰੇਜ ਦਿੱਤੀ ਗਈ ਹੈ ਜਿਸ ਨੂੰ ਮੈਮਰੀ ਕਾਰਡ ਰਾਹੀਂ ਵਧਾਇਆ ਜਾ ਸਕਦਾ ਹੈ।
ਕੈਮਰੇ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਫੋਨ 'ਚ ਡੁਅਲ ਐੱਲ.ਈ.ਡੀ. ਫਲੈਸ਼ ਦੇ ਨਾਲ 16 ਮੈਗਾਪਿਕਸਲ ਦਾ ਰਿਅਰ ਅਤੇ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਮੌਜੂਦ ਹੈ। ਐਂਡਰਾਇਡ 7.0 ਨੂਗਾ 'ਤੇ ਆਧਾਰਿਤ ਇਸ ਫੋਨ ਨੂੰ ਪਾਵਰ ਦੇਣ ਦਾ ਕੰਮ 3,000 ਐੱਮ.ਏ.ਐੱਚ. ਦੀ ਬੈਟਰੀ ਕਰੇਗੀ ਜਿਸ ਬਾਰੇ ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਹ 32 ਦਿਨਾਂ ਦਾ ਸਟੈਂਡਬਾਈ ਟਾਈਮ ਅਤੇ 18 ਘੰਟਿਆਂ ਦਾ 3ਜੀ ਟਾਕਟਾਈਮ ਦੇਵੇਗੀ।
ਮੋਟੋਰੋਲਾ ਦੇ ਇਸ ਸਮਾਰਟਫੋਨ 'ਤੇ ਮਿਲ ਰਿਹੈ ਭਾਰੀ ਡਿਸਕਾਊਂਟ
NEXT STORY 
