ਗੈਜੇਟ ਡੈਸਕ- ਤਕਨਾਲੋਜੀ ਕੰਪਨੀ ਨਥਿੰਗ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੰਦਿਆਂ ਆਪਣੇ ਪ੍ਰਸਿੱਧ ਸਮਾਰਟਫੋਨ Nothing Phone 4a ਅਤੇ Nothing Phone 4a Pro ਦੀਆਂ ਕੀਮਤਾਂ ਵਿੱਚ ਇੱਕ ਵਾਰ ਫਿਰ ਵਾਧਾ ਕਰ ਦਿੱਤਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਪਿਛਲੇ 2 ਮਹੀਨਿਆਂ ਵਿੱਚ ਇਨ੍ਹਾਂ ਫੋਨਾਂ ਦੀਆਂ ਕੀਮਤਾਂ ਵਿੱਚ ਇਹ ਦੂਜੀ ਵਾਰ ਇਜ਼ਾਫਾ ਹੋਇਆ ਹੈ।
ਕੰਪਨੀ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ, Phone 4a Pro ਦੇ ਮਾਡਲਾਂ ਵਿੱਚ 5,000 ਰੁਪਏ ਅਤੇ ਸਟੈਂਡਰਡ Phone 4a ਦੀ ਕੀਮਤ ਵਿੱਚ 3,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਜੇਕਰ ਲਾਂਚ ਕੀਮਤ ਨਾਲ ਤੁਲਨਾ ਕੀਤੀ ਜਾਵੇ ਤਾਂ ਪ੍ਰੋ ਵੇਰੀਐਂਟ ਹੁਣ ਤੱਕ 10,000 ਰੁਪਏ ਅਤੇ ਸਟੈਂਡਰਡ ਵੇਰੀਐਂਟ 6,000 ਰੁਪਏ ਮਹਿੰਗਾ ਹੋ ਚੁੱਕਾ ਹੈ।
Nothing Phone 4a Pro ਦੀਆਂ ਨਵੀਆਂ ਕੀਮਤਾਂ:
ਇਸ ਫੋਨ ਦੇ ਤਿੰਨੋਂ ਵੇਰੀਐਂਟਸ 5,000 ਰੁਪਏ ਮਹਿੰਗੇ ਹੋ ਗਏ ਹਨ।
8GB + 128GB: ਹੁਣ 49,999 ਰੁਪਏ (ਪਹਿਲਾਂ 44,999)
8GB + 256GB: ਹੁਣ 52,999 ਰੁਪਏ (ਪਹਿਲਾਂ 47,999)
12GB + 256GB: ਹੁਣ 55,999 ਰੁਪਏ (ਪਹਿਲਾਂ 50,999)
ਇਹ ਫੋਨ ਮਾਰਚ ਵਿੱਚ 39,999 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਹੋਇਆ ਸੀ। ਬਾਜ਼ਾਰ ਵਿੱਚ ਇਸ ਦੀ ਸਿੱਧੀ ਟੱਕਰ OnePlus 15R ਅਤੇ OPPO Reno 15 ਵਰਗੇ ਫੋਨਾਂ ਨਾਲ ਹੈ।
Nothing Phone 4a ਦੀਆਂ ਨਵੀਆਂ ਕੀਮਤਾਂ:
ਇਸ ਵੇਰੀਐਂਟ ਦੀਆਂ ਕੀਮਤਾਂ ਵਿੱਚ 3,000 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ।
8GB + 128GB: ਹੁਣ 37,999 ਰੁਪਏ (ਪਹਿਲਾਂ 34,999)
8GB + 256GB: ਹੁਣ 40,999 ਰੁਪਏ (ਪਹਿਲਾਂ 37,999)
12GB + 256GB: ਹੁਣ 43,999 ਰੁਪਏ (ਪਹਿਲਾਂ 40,999)
ਇਸ ਰੇਂਜ ਵਿੱਚ ਇਹ ਫੋਨ Motorola Edge 70 Pro ਅਤੇ Vivo V70 FE ਵਰਗੇ ਹੈਂਡਸੈੱਟਾਂ ਨੂੰ ਚੁਣੌਤੀ ਦੇ ਰਿਹਾ ਹੈ।
ਹਾਲਾਂਕਿ ਕੰਪਨੀ ਨੇ ਅਧਿਕਾਰਤ ਤੌਰ 'ਤੇ ਕੋਈ ਖਾਸ ਕਾਰਨ ਨਹੀਂ ਦੱਸਿਆ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਦੁਨੀਆ ਭਰ ਵਿੱਚ ਰੈਮ ਅਤੇ ਸਟੋਰੇਜ ਚਿਪਸ ਦੀ ਕਮੀ ਕਾਰਨ ਮੈਮੋਰੀ ਦੀਆਂ ਵਧਦੀਆਂ ਕੀਮਤਾਂ ਇਸ ਵਾਧੇ ਦਾ ਮੁੱਖ ਕਾਰਨ ਹੋ ਸਕਦੀਆਂ ਹਨ।
ਮਾਰੂਤੀ ਸੁਜ਼ੂਕੀ ਨੇ ਮਈ 2026 ਵਿੱਚ ਰਚਿਆ ਇਤਿਹਾਸ ! ਮਹੀਨੇ 'ਚ ਵੇਚ 'ਤੀਆਂ 2.42 ਲੱਖ ਤੋਂ ਵੱਧ ਕਾਰਾਂ
NEXT STORY 
