ਜਲੰਧਰ (ਸ਼ੋਰੀ)-ਫਿਰੌਤੀ ਦੀ ਰਕਮ ਨਾ ਦੇਣ 'ਤੇ ਅਵਤਾਰ ਨਗਰ ਰੋਡ ਸਥਿਤ ਚਾਵਲਾ ਮੋਬਾਇਲ ਪੁਆਇੰਟ ਦੇ ਬਾਹਰ ਗੋਲ਼ੀਆਂ ਚਲਾ ਕੇ ਦਹਿਸ਼ਤ ਫ਼ੈਲਾਉਣ ਦੇ ਮਾਮਲੇ ਵਿਚ ਪੁਲਸ ਪਹਿਲਾਂ ਤੋਂ ਕਾਬੂ ਕੀਤੇ ਮੁਲਜ਼ਮ ਗੁਰਲਾਲ ਸਿੰਘ ਨਿਵਾਸੀ ਜੈਤੋ, ਜ਼ਿਲ੍ਹਾ ਫਰੀਦਕੋਟ ਕੋਲੋਂ ਲਗਾਤਾਰ ਪੁੱਛਗਿੱਛ ਕਰ ਰਹੀ ਹੈ।
ਪੁਲਸ ਦੀ ਪੁੱਛਗਿੱਛ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਮਹੇੜੂ (ਫਗਵਾੜਾ) ਨੇੜੇ ਦੋਪਹੀਆ ਵਾਹਨਾਂ ਨੂੰ ਨੰਬਰ ਪਲੇਟਾਂ ਲਾਉਣ ਵਾਲੇ ਵਿਅਕਤੀ ਕੋਲੋਂ ਇਨ੍ਹਾਂ ਨੇ ਵਾਰਦਾਤ ਵਿਚ ਵਰਤੇ ਆਪਣੇ ਮੋਟਰਸਾਈਕਲ 'ਤੇ ਜਾਅਲੀ ਨੰਬਰ ਪਲੇਟ ਲੁਆਈ ਸੀ, ਤਾਂ ਜੋ ਵਾਰਦਾਤ ਦੌਰਾਨ ਜੇਕਰ ਕੋਈ ਨੰਬਰ ਨੋਟ ਵੀ ਕਰ ਲਵੇ ਤਾਂ ਉਹ ਟ੍ਰੇਸ ਨਾ ਹੋ ਸਕੇ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਇਨ੍ਹਾਂ ਤਾਰੀਖ਼ਾਂ ਨੂੰ ਪਵੇਗਾ ਮੀਂਹ ਤੇ ਆਵੇਗਾ ਹਨ੍ਹੇਰੀ-ਤੂਫ਼ਾਨ! 9 ਜ਼ਿਲ੍ਹਿਆਂ 'ਚ ਜਾਰੀ ਹੋਇਆ Alert
ਥਾਣਾ ਨੰ. 5 ਦੇ ਐੱਸ. ਐੱਚ. ਓ. ਯਾਦਵਿੰਦਰ ਸਿੰਘ ਰਾਣਾ ਨੇ ਦੱਸਿਆ ਕਿ ਪੁਲਸ ਨੇ ਤੇਜ਼ੀ ਨਾਲ ਜਾਂਚ ਕਰਦੇ ਹੋਏ ਜਾਅਲੀ ਨੰਬਰ ਪਲੇਟ ਲਾਉਣ ਵਾਲੇ ਦੁਕਾਨਦਾਰ ਰਿਸ਼ਵ ਪੁੱਤਰ ਸੁਸ਼ੀਲ ਕੁਮਾਰ ਨਿਵਾਸੀ ਪਿੰਡ ਕਲੀਜਪੁਰ, ਥਾਣਾ ਦੀਨਾਨਗਰ, ਜ਼ਿਲ੍ਹਾ ਪਠਾਨਕੋਟ ਨੂੰ ਕੇਸ ਵਿਚ ਨਾਮਜ਼ਦ ਕਰਕੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਜਦਕਿ ਜਿਸ ਮੋਟਰਸਾਈਕਲ ’ਤੇ ਉਸ ਨੇ ਨੰਬਰ ਪਲੇਟ ਲਾਈ ਸੀ, ਉਹ ਪੁਲਸ ਨੇ ਪਹਿਲਾਂ ਤੋਂ ਹੀ ਗ੍ਰਿਫ਼ਤਾਰ ਮੁਲਜ਼ਮ ਗੁਰਲਾਲ ਕੋਲੋਂ ਬਰਾਮਦ ਕਰ ਲਿਆ ਸੀ।
ਯੂ. ਕੇ. ਨਿਵਾਸੀ ਏਕਮ ਦੀ ਸੱਸ ਅਤੇ ਮਾਸੜ ਵੀ ਪੁਲਸ ਨੇ ਭੇਜੇ ਜੇਲ੍ਹ
ਇਸ ਕੇਸ ਵਿਚ ਪੁਲਸ ਨੇ ਹੁਣ ਤੱਕ 4 ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਆਨਲਾਈਨ ਪੈਸਿਆਂ ਦੇ ਲੈਣ-ਦੇਣ ਅਤੇ ਗੋਲ਼ੀਆਂ ਚਲਾਉਣ ਵਾਲਿਆਂ ਨੂੰ ਫੰਡਿੰਗ ਕਰਨ ਦੇ ਦੋਸ਼ ਵਿਚ ਪੁਲਸ ਨੇ ਏਕਮ ਦੀ ਸੱਸ ਹਰਦੀਪ ਕੌਰ ਨਿਵਾਸੀ ਜਗਰਾਓਂ (ਲੁਧਿਆਣਾ) ਅਤੇ ਮਾਸੜ ਮੇਜਰ ਸਿੰਘ ਨੂੰ ਗ੍ਰਿਫ਼ਤਾਰ ਕਰਕੇ ਜੇਲ੍ਹ ਭੇਜ ਦਿੱਤਾ ਹੈ, ਜਦਕਿ ਗੁਰਲਾਲ ਅਤੇ ਅੱਜ ਗ੍ਰਿਫ਼ਤਾਰ ਕੀਤੇ ਗਏ ਰਿਸ਼ਵ ਕੋਲੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਪੁਲਸ ਦੋਵਾਂ ਨੂੰ ਵੀ ਜੇਲ੍ਹ ਭੇਜੇਗੀ।
ਪੁਲਸ ਜਾਂਚ ਵਿਚ ਇਹ ਸਾਹਮਣੇ ਆਇਆ ਹੈ ਕਿ ਏਕਮ, ਹਰਦੀਪ ਕੌਰ ਅਤੇ ਮੇਜਰ ਸਿੰਘ ਮੋਬਾਇਲ ਫ਼ੋਨ ’ਤੇ ਕਾਨਫ਼ਰੰਸ ਕਾਲ ਰਾਹੀਂ ਗੱਲਬਾਤ ਕਰਦੇ ਸਨ ਅਤੇ ਏਕਮ ਦੇ ਕਹਿਣ ’ਤੇ ਗੋਲ਼ੀਆਂ ਚਲਾਉਣ ਵਾਲਿਆਂ ਨੂੰ ਫੰਡਿੰਗ ਦਾ ਕੰਮ ਕਰਦੇ ਸਨ। ਫ਼ਰਾਰ ਚੱਲ ਰਹੀ ਮੁਲਜ਼ਮ ਏਕਮ ਦੀ ਮਾਂ ਦੀ ਭਾਲ ਵਿਚ ਪੁਲਸ ਵੱਲੋਂ ਕਈ ਥਾਵਾਂ ’ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: ਜਲੰਧਰ 'ਚ ਫੜੇ ਗਏ ਸ਼ਹਿਜ਼ਾਦ ਭੱਟੀ ਦੇ 3 ਸਾਥੀ! ਸਰਕਾਰੀ ਵਿਭਾਗਾਂ ਦੀ ਜਾਣਕਾਰੀ ਭੇਜਦੇ ਸਨ ਪਾਕਿ
ਏ. ਸੀ. ਪੀ. ਵੈਸਟ ਦੀ ਅਪੀਲ-ਆਰ. ਸੀ. ਦੇਖਣ ਤੋਂ ਬਾਅਦ ਹੀ ਲਾਓ ਨੰਬਰ ਪਲੇਟ
ਉੱਥੇ ਹੀ ਏ. ਸੀ. ਪੀ. ਵੈਸਟ ਆਤਿਸ਼ ਭਾਟੀਆ ਨੇ ਵਾਹਨਾਂ ਦੀਆਂ ਨੰਬਰ ਪਲੇਟਾਂ ਲਾਉਣ ਵਾਲਿਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਬਿਲਕੁਲ ਵੀ ਭਰੋਸਾ ਨਾ ਕਰਨ ਅਤੇ ਹਰ ਵਾਹਨ ਦੀ ਆਰ. ਸੀ. ਚੈੱਕ ਕਰਨ ਤੋਂ ਬਾਅਦ ਹੀ ਨੰਬਰ ਪਲੇਟ ਲਾਉਣ ਕਿਉਂਕਿ ਗ਼ਲਤ ਕੰਮ ਕਰਨ ਵਾਲੇ ਅਜਿਹਾ ਹੀ ਕਰਦੇ ਹਨ ਅਤੇ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨੰਬਰ ਟ੍ਰੇਸ ਨਾ ਹੋਣ ਕਾਰਨ ਬਚ ਨਿਕਲਦੇ ਹਨ। ਏ. ਸੀ. ਪੀ. ਭਾਟੀਆ ਨੇ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਕਿ ਉਹ ਕਾਨੂੰਨ ਦਾ ਸਾਥ ਦੇਣ। ਜੇਕਰ ਕਿਸੇ ਨੇ ਭਰੋਸੇ ਵਿਚ ਆ ਕੇ ਜਾਂ ਜਾਣਬੁਝ ਕੇ ਗ਼ਲਤ ਨੰਬਰ ਪਲੇਟ ਲਾਈ ਅਤੇ ਉਸ ਵਾਹਨ ਨਾਲ ਕੋਈ ਵਾਰਦਾਤ ਹੁੰਦੀ ਹੈ ਤਾਂ ਪੁਲਸ ਉਕਤ ਦੁਕਾਨਦਾਰ ਨੂੰ ਵੀ ਕੇਸ ਵਿਚ ਨਾਮਜ਼ਦ ਕਰਕੇ ਗ੍ਰਿਫ਼ਤਾਰ ਕਰੇਗੀ।
ਇਹ ਵੀ ਪੜ੍ਹੋ: ਪੰਜਾਬ ਪੁਲਸ ਦੇ ਇਨ੍ਹਾਂ ਅਧਿਕਾਰੀਆਂ 'ਤੇ ਡਿੱਗ ਸਕਦੀ ਹੈ ਗਾਜ! ਲਿਆ ਜਾ ਸਕਦੈ ਵੱਡਾ ਐਕਸ਼ਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੁਲਸ ਛਾਪੇਮਾਰੀ ਦੌਰਾਨ ਹੈਰੋਇਨ ਦੇ 13 ਧੰਦੇਬਾਜ਼ ਗ੍ਰਿਫ਼ਤਾਰ
NEXT STORY 
