ਗੈਜੇਟ ਡੈਸਕ– ਚੀਨ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ ਵਨਪਲੱਸ ਨੇ ਆਖਿਰਕਾਰ ਸਕਿਓਰਿਟੀ ਨਾਲ ਜੁੜੀ ਇਕ ਖਾਮੀ ਨੂੰ ਦੂਰ ਕਰ ਲਿਆ ਹੈ, ਜਿਸ ਦੇ ਚੱਲਦੇ ਕਈ ਸਾਲਾਂ ਤੋਂ ਯੂਜ਼ਰਜ਼ ਦਾ ਡਾਟਾ ਲੀਕ ਹੋ ਰਿਹਾ ਸੀ। ਕੰਪਨੀ ਦੇ ਸ਼ੁਰੂਆਤੀ ਡਿਵਾਈਸ ਵਨਪਲੱਸ ਵਨ ਦੇ ਲਾਂਚ ਤੋਂ ਬਾਅਦ ਹੀ ਯੂਜ਼ਰਜ਼ ਦਾ ਪਰਸਨਲ ਡਾਟਾ ਖਤਰੇ ’ਚ ਸੀ। ਪਿਛਲੇ ਮਹੀਨੇ 9to5 Google ਨੇ ਇਕ ਰਿਪੋਰਟ ’ਚ ਦਾਅਵਾ ਕੀਤਾ ਸੀ ਕਿ ਵਨਪਲੱਸ ਅਣਜਾਣੇ ’ਚ ਯੂਜ਼ਰਜ਼ ਦੀ ਮਹੱਤਵਪੂਰਨ ਪਰਸਨਲ ਜਾਣਕਾਰੀ ਲੀਕ ਕਰਦਾ ਰਿਹਾ ਹੈ। ਰਿਪੋਰਟ ’ਚ ਕਿਹਾ ਗਿਆ ਸੀ ਕਿ ਵਨਪਲੱਸ ਇਕ ਗੜਬੜੀ ਦੇ ਚੱਲਦੇ ਕਾਫੀ ਲੰਮੇ ਸਮੇਂ ਤੋਂ ਡਾਟਾ ਲੀਕ ਕਰ ਰਿਹਾ ਸੀ।
ਰਿਪੋਰਟ ਸਾਹਮਣੇ ਆਉਣ ਤੋਂ ਬਾਅਦ ਕੰਪਨੀ ਨੇ ਇਸ ਦੀ ਜਾਂਚ ਸ਼ੁਰੂ ਕੀਤੀ ਸੀ ਅਤੇ ਹੁਣ ਇਸ ਨੂੰ ਫਿਕਸ ਕਰ ਲਿਆ ਗਿਆ ਹੈ। ਵਨਪਲੱਸ ਨੇ ਇਸ ਫਿਕਸ ਨੂੰ ਲੈ ਕੇ ਆਫੀਸ਼ੀਅਲੀ ਕੁਝ ਨਹੀਂ ਕਿਹਾ ਪਰ 9to5 Google ਦੀ ਇਕ ਨਵੀਂ ਰਿਪੋਰਟ ’ਚ ਹੀ ਕਿਹਾ ਗਿਆ ਹੈ ਕਿ ਇਸ ਖਾਮੀ ਨੂੰ ਹੁਣ ਦੂਰ ਕਰ ਲਿਆ ਗਿਆ ਹੈ। ਵਨਪਲੱਸ ਫੋਨ ’ਚ ਮੌਜੂਦ ‘ਸ਼ਾਟ ਆਨ ਵਨਪਲੱਸ’ ਐਪ ’ਚ ਇਹ ਵੱਡੀ ਗੜਬੜੀ ਪਿਛਲੇ ਮਹੀਨੇ ਸਾਹਮਣੇ ਆਈ ਸੀ। ਵਨਪਲੱਸ ਦਾ ਇਹ ਐਪ ਵਾਲਪੇਪਰ ਮੈਨਿਊ ’ਚ ਦਿਖਾਈ ਦਿੰਦਾ ਹੈ। ਇਸ ਐਪ ਦੀ ਮਦਦ ਨਾਲ ਯੂਜ਼ਰਜ਼ ਆਪਣੀ ਫੋਟੋ ਅਪਲੋਡ ਕਰ ਸਕਦੇ ਹਨ ਅਤੇ ਸਭ ਤੋਂ ਚੰਗੀ ਫੋਟੋ ਨੂੰ ਵਾਲਪੇਪਰ ਦੇ ਤੌਰ ’ਤੇ ਸਾਰੇ ਯੂਜ਼ਰਜ਼ ਨਾਲ ਸ਼ੇਅਰ ਕੀਤਾ ਜਾਂਦਾ ਹੈ।
ਲੀਕ ਹੋ ਰਹੀ ਸੀ ਇਹ ਜਾਣਕਾਰੀ
‘ਸ਼ਾਟ ਆਨ ਵਨਪਲੱਸ’ ਐਪ ਯੂਜ਼ਰ ਤੋਂ ਟਾਈਟਲ, ਲੋਕੇਸ਼ਨ ਅਤੇ ਸੰਬੰਧਿਤ ਜਾਣਕਾਰੀ ਕੋਈ ਫੋਟੋ ਅਪਲੋਡ ਕਰਨ ’ਤੇ ਮੰਗਦਾ ਹੈ। ਨਾਲ ਹੀ ਇਸ ਐਪ ਨੂੰ ਇਸਤੇਮਾਲ ਕਰਨ ਲਈ ਯੂਜ਼ਰਜ਼ ਨੂੰ ਆਪਣੀ ਈ-ਮੇਲ ਆਈ.ਡੀ. ਦੀ ਮਦਦ ਨਾਲ ਲਾਗ-ਇਨ ਕਰਨਾ ਹੁੰਦਾ ਹੈ। ਰਿਪੋਰਟ ’ਚ ਕਿਹਾ ਗਿਆਸੀ ਕਿ ਯੂਜ਼ਰਜ਼ ਦੀ ਈ-ਮੇਲ ਆਈ.ਡੀ. ਅਤੇ ਲੋਕੇਸ਼ਨ ਵਰਗੀ ਇਹ ਜਾਣਕਾਰੀ ਐਪ ਤੋਂ ਹੀ ਲੀਕ ਹੋ ਰਹੀ ਸੀ। ਦਰਅਸਲ, ਸਕਿਓਰਿਟੀ ਨਾਲ ਜੁੜੀ ਇਹ ਖਾਮੀ ਸ਼ਾਟ ਆਨ ਵਨਪਲੱਸ ਐਪ ਦੇ ਏ.ਪੀ.ਆਈ. ’ਚ ਸੀ। ਇਹ ਏ.ਪੀ.ਆਈ. ‘open.oneplus.net’ ’ਤੇ ਹੋਸਟ ਕੀਤਾ ਜਾ ਰਿਹਾ ਸੀ, ਜਿਸ ਨੂੰ ਐਕਸੈਸ ਟੋਕਨ ਦੇ ਨਾਲ ਕੋਈ ਵੀ ਦੇਖ ਸਕਦਾ ਸੀ।
ਇਹ ਸਮਾਰਟਫੋਨ ਬਣੇ ਸ਼ਿਕਾਰ
‘ਸ਼ਾਟ ਆਨ ਵਨਪਲੱਸ’ ਐਪ ਵਾਲੇ ਸਾਰੇ ਫੋਨ ਇਸ ਡਾਟਾ ਲੀਕ ਦਾ ਸ਼ਿਕਾਰ ਹੋਏ ਸਨ। ਨਾਲ ਹੀ ਇਹ ਡਾਟਾ ਘੱਟੋ-ਘੱਟ ਇਕ ਸਾਲ ਤੋਂ ਲੀਕ ਹੋ ਰਿਹਾ ਸੀ। ਇਹ ਹੈਰਾਨੀ ਦੀ ਗੱਲ ਹੈ ਕਿ ਵੱਡੇ ਯੂਜ਼ਰਬੇਸ ਵਾਲੇ ਵਨਪਲੱਸ ਨੂੰ ਲੰਮਾ ਸਮਾਂ ਬੀਤਣ ਦੇ ਬਾਵਜੂਦ ਇਸ ਖਾਮੀ ਦਾ ਪਤਾ ਨਹੀਂ ਲੱਗਾ, ਜੋ ਸਿੱਧਾ ਯੂਜ਼ਰਜ਼ ਦੇ ਡਾਟਾ ਨਾਲ ਜੁੜੀ ਹੋਈ ਸੀ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵਨਪਲੱਸ ਦੀ ਲੇਟੈਸਟ ਫਲੈਗਸ਼ਿਪ ਵਨਪਲੱਸ 7 ਸੀਰੀਜ਼ ਦੇ ਸਮਾਰਟਫੋਨਜ਼ ’ਚ ਵੀ ਯੂਜ਼ਰਜ਼ ਨੂੰਕੈਮਰਾ ਅਤੇ ਯੂ.ਆਈ. ’ਚ ਕੁਝ ਖਾਮੀਆਂ ਮਿਲੀਆਂ ਸਨ, ਜਿਨ੍ਹਾਂ ਲਈ ਕੰਪਨੀ ਨੇ ਬਾਅਦ ’ਚ ਅਪਡੇਟ ਦਿੱਤੇ ਸਨ ਅਤੇ ਉਨ੍ਹਾਂ ਨੂੰ ਫਿਕਸਲ ਕਰ ਦਿੱਤਾ ਸੀ।
PUBG ਦੀ ਟੱਕਰ ’ਚ Indian Air Force ਲਿਆਈ ਨਵੀਂ ਮੋਬਾਇਲ ਗੇਮ
NEXT STORY