ਗੈਜੇਟ ਡੈਸਕ– ਸ਼ਾਓਮੀ ਨੇ ਭਾਰਤ ’ਚ Redmi 6 Pro ਸਮਾਰਟਫੋਨ ਲਈ ਐਂਡਰਾਇਡ ਪਾਈ ’ਤੇ ਆਧਾਰਤ MIUI 10.3.2 ਗਲੋਬਲ ਸਟੋਬਲ ਅਪਡੇਟ ਨੂੰ ਜਾਰੀ ਕਰ ਦਿੱਤਾ ਹੈ। ਜੇਕਰ ਤੁਸੀਂ Redmi 6 Pro ਯੂਜ਼ਰ ਹੋ ਅਤੇ ਅਜੇ ਤਕ ਤੁਹਾਨੂੰ ਓਵਰ-ਦਿ-ਏਅਰ ਰਾਹੀਂ ਅਪਡੇਟ ਪ੍ਰਾਪਤ ਨਹੀਂ ਹੋਈ ਤਾਂ ਤੁਹਾਡੇ ਲਈ ਕੁਝ ਚੰਗੀ ਖਬਰ ਵੀ ਹੈ। ਸ਼ਾਓਮੀ ਨੇ ਭਾਰਤ ’ਚ ਮੀ.ਯੂ.ਆਈ. 10.3.2 ਗਲੋਬਲ ਸਟੇਬਲ ਅਪਡੇਟ ਦੇ ਰਿਕਵਰੀ ਅਤੇ ਫਾਸਟਬੂਟ ਰੋਮ ਫਾਈਲ ਨੂੰ ਜਾਰੀ ਕੀਤਾ ਹੈ ਤਾਂ ਜੋ ਸ਼ਾਓਮੀ Redmi 6 Pro ਯੂਜ਼ਰ ਅਪਡੇਟ ਪੈਕੇਜ ਨੂੰ ਮੈਨੁਅਲੀ ਡਾਊਨਲੋਡ ਕਰ ਸਕਣ।
Redmi 6 Pro ਨੂੰ ਮਿਲੀ MIUI 10.3.2 ਗਲੋਬਲ ਅਪਡੇਟ ਦਾ ਸਾਫਟਵੇਅਰ ਵਰਜਨ V10.3.2.0 PDMMIXM ਹੈ, ਕੁਝ ਸਮਾਂ ਪਹਿਲਾਂ ਰੈੱਡਮੀ 6 ਪ੍ਰੋ ਨੂੰ ਅਪਡੇਟ ਮਿਲਣ ਦੀ ਖਬਰ ਸਾਹਮਣੇ ਆਈ ਸੀ। ਅਪਡੇਟ ਨੂੰ ਮੀ ਕਮਿਊਨਿਟੀ ਫੋਰਮ ਨਾਲ ਮੈਨੁਅਲੀ ਡਾਊਨਲੋਡ ਅਤੇ ਇੰਸਟਾਲ ਕੀਤਾ ਜਾ ਸਕਦਾ ਹੈ। ਐਂਡਰਾਇਡ ਪਾਈ ਦੇ ਨਾਲ ਅਪਡੇਟ ਮਈ ਸਕਿਓਰਿਟੀ ਪੈਚ ਦੇ ਨਾਲ ਆ ਰਿਹਾ ਹੈ।
Redmi 6 Pro ਐਂਡਰਾਇਡ ਪਾਈ ਅਪਡੇਟ ਦੇ ਰਿਕਵਰੀ ਰੋਮ ਅਤੇ ਫਾਸਟਬੂਟ ਰੋਮ ਲਿੰਕ ਉਪਲੱਬਧ ਹਨ। ਗੌਰ ਕਰਨ ਵਾਲੀ ਗੱਲ ਇਹ ਹੈ ਕਿ ਰੋਮ ਨੂੰ ਇੰਸਟਾਲ ਕਰਨ ਤੋਂ ਪਹਿਲਾਂ ਫੋਨ ਦਾ ਬੈਕਅਪ ਜ਼ਰੂਰ ਰੱਖ ਲਓ ਅਤੇ ਫਿਰ ਪ੍ਰੋਸੈਸ ਨੂੰ ਫਾਲੋ ਕਰੋ। ਇਸ ਤੋਂ ਇਲਾਵਾ ਕਈ ਸਮੱਸਿਆਵਾਂ ਨੂੰ ਵੀ ਫਿਕਸ ਕੀਤਾ ਗਿਆ ਹੈ, ਨਾਲ ਹੀ ਰੈੱਡਮੀ 6 ਪ੍ਰੋ ’ਚ ਮੀ.ਯੂ.ਆਈ. 10.3.2 ਗਲੋਬਲ ਸਟੇਬਲ ਅਪਡੇਟ ਰਾਹੀਂ ਕਈ ਨਵੇਂ ਫੀਚਰਜ਼ ਨੂੰ ਵੀ ਜੋੜਿਆ ਗਿਆ ਹੈ।
ਫੋਨ ’ਚ ਕੁਝ ਹੋਰ ਫੀਚਰਜ਼ ਵੀ ਜੁੜੇ ਹਨ ਜਿਵੇਂ ਕਿ ਸਿਸਟਮ-ਵਾਈਡ ਡਾਰਕ ਮੋਡ ਆਦਿ। ਨਵੀਂ ਅਪਡੇਟ ਦੇ ਨਾਲ ਇੰਸਟਾਲ ਐਪਸ ਨੂੰ ਸੁਰੱਖਿਅਤ ਕਰਨ ਲਈ ‘ਫੇਸ ਅਨਲਾਕ’ ਸਪੋਰਟ ਨੂੰ ਵੀ ਜੋੜਿਆ ਗਿਆ ਹੈ। ਅਪਡੇਟ ਨੂੰ ਮੈਨੁਅਲੀ ਡਾਊਨਲੋਡ ਕਰਨ ਤੋਂਪਹਿਲਾਂ ਇਸ ਗੱਲ ਦੀ ਜਾਂਚ ਕਰ ਲਓ ਕਿ ਕਿਤੇ ਤੁਹਾਨੂੰ ਓਵਰ-ਦਿ-ਏਅਰ ਰਾਹੀਂ ਅਪਡੇਟ ਪ੍ਰਾਪਤ ਤਾਂ ਨਹੀਂ ਹੋ ਗਿਆ।
ਭਾਰਤ ’ਚ ਲਾਂਚ ਹੋਇਆ ਸਭ ਤੋਂ ਪਾਵਰਫੁਲ Maxi-Scooter
NEXT STORY 
