ਆਟੋ ਡੈਸਕ- ਰੋਲਸ ਰਾਇਸ ਨੇ ਆਪਣੀ Arcadia Droptail ਲਗਜ਼ਰੀ ਕਾਰ ਪੇਸ਼ ਕਰ ਦਿੱਤੀ ਹੈ। ਇਸਦਾ ਨਾਮ ਯੂਨਾਨੀ ਸ਼ਹਿਰ ਆਰਕੇਡੀਆ ਤੋਂ ਲਿਆ ਗਿਆ ਹੈ, ਜਿਸਦਾ ਅਰਥ ਹੈ 'ਧਰਤੀ 'ਤੇ ਸਵਰਗ'। ਇਹ ਵਾਹਨ ਹਾਲ ਹੀ ਵਿੱਚ ਇੱਕ ਗਾਹਕ ਦੀ ਇੱਛਾ ਅਨੁਸਾਰ ਤਿਆਰ ਤਿਆਰ ਕਰਕੇ ਸਿੰਗਾਪੁਰ ਵਿੱਚ ਆਯੋਜਿਤ ਇੱਕ ਸਮਾਗਮ ਦੌਰਾਨ ਪੇਸ਼ ਕੀਤਾ ਗਿਆ ਸੀ।
ਪਾਵਰਟ੍ਰੇਨ
Rolls-Royce Arcadia Droptail ਵਿੱਚ 6.75 ਲੀਟਰ, ਟਵਿਨ-ਟਰਬੋਚਾਰਜਡ V12 ਪੈਟਰੋਲ ਇੰਜਣ ਹੈ, ਜੋ 593bhp ਦੀ ਪਾਵਰ ਅਤੇ 840Nm ਦਾ ਟਾਰਕ ਪੈਦਾ ਕਰਦਾ ਹੈ। ਇਹ ਕਾਰ ਲਗਭਗ 5 ਸਕਿੰਟਾਂ ਵਿੱਚ 0-100 km/h ਦੀ ਰਫਤਾਰ ਫੜ ਸਕਦੀ ਹੈ।
ਖ਼ਾਸ ਲੱਕੜੀ ਨਾਲ ਕੀਤੀ ਗਈ ਡਿਜ਼ਾਈਨ
ਇਹ ਗੱਡੀ 2-ਦਰਵਾਜ਼ੇ ਅਤੇ 2-ਸੀਟਰ ਕੰਫੀਗਰੇਸ਼ਨ ਦੇ ਨਾਲ ਆਉਂਦੀ ਹੈ। ਰੋਲਸ-ਰਾਇਸ ਆਰਕੇਡੀਆ ਡ੍ਰੌਪਟੇਲ ਮੋਨੋਕਾਕ ਚੈਸਿਸ ਦੇ ਨਾਲ ਕੰਪਨੀ ਦੇ AOL ਪਲੇਟਫਾਰਮ 'ਤੇ ਆਧਾਰਿਤ ਹੈ। ਇਸ ਵਿੱਚ ਸਿਗਨੇਚਰ ਫਲੋਟਿੰਗ ਆਰ ਆਰ ਲੋਗੋ ਦੇ ਨਾਲ ਇੱਕ ਮਿਰਰ ਫਿਨਿਸ਼ਡ ਐਕਸਟੀਰੀਅਰ ਗ੍ਰਿਲ ਅਤੇ 22-ਇੰਚ ਦੇ ਅਲਾਏ ਵ੍ਹੀਲ ਹਨ। ਇਹ ਗੱਡੀਖਾਸ ਲੱਕੜੀ ਨਾਲ ਡਿਜ਼ਾਈਨ ਕੀਤੀ ਗਈ ਹੈ, ਜਿਸ ਨੂੰ ਤਿਆਰ ਕਰਨ 'ਚ 8,000 ਘੰਟੇ ਤੋਂ ਜ਼ਿਆਦਾ ਦਾ ਸਮਾਂ ਲੱਗਾ ਹੈ। ਉਥੇ ਹੀ ਬਾਡੀਵਰਕ ਲਈ ਐਲੂਮੀਨੀਅਮ ਅਤੇ ਕੱਚ ਦੇ ਕਣਾਂ ਦੇ ਨਾਲ ਮਿਲਾਇਆ ਇੱਕ ਵਿਸ਼ੇਸ਼ ਸਫੈਦ ਰੰਗ ਚੁਣਿਆ ਗਿਆ ਹੈ। ਇਸ ਕਾਰ 'ਚ ਸੈਂਟੋਸ ਸਟ੍ਰੇਟ ਗ੍ਰੇਨ ਹਾਰਡਵੁੱਡ ਦੇ 233 ਟੁਕੜਿਆਂ ਦੀ ਵਰਤੋਂ ਕੀਤੀ ਗਈ ਹੈ, ਜਿਨ੍ਹਾਂ ਵਿੱਚੋਂ 76 ਪਿਛਲੇ ਡੇਕ ਵਿੱਚ ਫਿੱਟ ਕੀਤੇ ਗਏ ਹਨ, ਜਦੋਂ ਕਿ ਸਟਾਈਲਿੰਗ ਫਾਰਮੂਲਾ 1 ਰੇਸਿੰਗ ਕਾਰਾਂ ਤੋਂ ਪ੍ਰੇਰਿਤ ਹੈ।
ਫਲਾਇੰਗ ਕਾਰ ਤੋਂ ਲੈ ਕੇ ਵਿਅਰੇਬਲ ਫੋਨ ਤਕ, MWC 2024 'ਚ ਦਿਸੀ ਇਨ੍ਹਾਂ ਅਨੋਖੇ ਗੈਜੇਟਸ ਦੀ ਝਲਕ
NEXT STORY 
