ਗੈਜੇਟ ਡੈਸਕ– ਸੋਨ ਨੇ ਦੁਨੀਆ ਦਾ ਪਹਿਲਾ ਕਵਾਂਟਮ ਡਾਟ (QD) OLED ਟੀ.ਵੀ. A95K ਪੇਸ਼ ਕਰ ਦਿੱਤਾ ਹੈ। ਸੋਨੀ ਵਲੋਂ 55-ਇੰਚ ਅਤੇ 65-ਇੰਚ ਸਕਰੀਨ ਸਾਈਜ਼ ’ਚ ਦੋ QD OLED ਸਮਾਰਟ ਟੀ.ਵੀ. ਉਤਾਰੇ ਗਏ ਹਨ। ਦੋਵਾਂ ਸਮਾਰਟ ਟੀ.ਵੀ. ’ਚ 4k ਰੈਜ਼ੋਲਿਊਸ਼ਨ ਦਿੱਤਾ ਗਿਆ ਹੈ। ਅਜਿਹੀ ਉਮੀਦ ਸੀ ਕਿ CES 2022 ’ਚ ਸੈਮਸੰਗ ਵਲੋਂ ਸਭ ਤੋਂ ਪਹਿਲਾਂ QD OLED 4K ਟੀ.ਵੀ. ਨੂੰ ਪੇਸ਼ ਕੀਤਾ ਜਾਵੇਗਾ ਪਰ ਇਸ ਮਾਮਲੇ ’ਚ ਸੋਨੀ ਨੇ ਬਾਜ਼ੀ ਮਾਰੀ ਹੈ ਅਤੇ ਇਸ ਤਰ੍ਹਾਂ ਸੋਨੀ QD OLED ਸਮਾਰਟ ਟੀ.ਵੀ. ਪੇਸ਼ ਕਰਨ ਵਾਲੀ ਦੁਨੀਆ ਦੀ ਪਹਿਲੀ ਕੰਪਨੀ ਬਣ ਗਈ ਹੈ। ਸੋਨੀ ਵਲੋਂ ਮਾਈਕ੍ਰੋ ਐੱਲ.ਈ.ਡੀ. ਟੀ.ਵੀ. ਦੀ ਪਹਿਲੀ ਲਾਈਨਅਪ ਦਾ ਵੀ ਐਲਾਨ ਕੀਤਾ ਗਿਆ ਹੈ। ਇਨ੍ਹਾਂ ਸਾਰੇ ਸਮਾਰਟ ਟੀ.ਵੀ. ਦੀ ਕੀਮਤ ਅਤੇ ਉਪਲੱਬਧਤਾ ਦਾ ਐਲਾਨ ਅਗਲੇ ਮਹੀਨੇ ਹੋਵੇਗਾ।
ਕੀ ਹੈ QD OLED ਤਕਨਾਲੋਜੀ
QD OLED ਡਿਸਪਲੇਅ ਤਕਨਾਲੋਜੀ OLED ਅਤੇ MicroLED ਦਾ ਗਠਜੋੜ ਹੈ। ਇਸ ਵਿਚ ਦੋਵਾਂ ਤਕਨੀਕਾਂ ਦੀਆਂ ਖੂਬੀਆਂ ਨੂੰ ਪੇਸ਼ ਕੀਤਾ ਗਿਆ ਹੈ। QD OLED ਚਤਨਾਸੋਡੀ ’ਚ ਬਲੂ OLED ਨੂੰ ਕਵਾਂਟਮ ਦੇ ਨਾਲ ਇਸਤੇਮਾਲ ਕੀਤਾ ਜਾਂਦਾ ਹੈ, ਜਿਸ ਨਾਲ ਜ਼ਿਆਦਾ ਸੈਚੁਰੇਟਿਡ ਗਰੀਨ ਅਤੇ ਰੈੱਡ ਕ੍ਰਿਏਟ ਹੁੰਦੇ ਹਨ। ਨਾਲ ਹੀ ਇਸ ਨਾਲ ਸਮਾਰਟ ਟੀ.ਵੀ. ਨੂੰ ਬਿਹਤਰ ਡਿਸਪਲੇਅ ਦੇ ਨਾਲ ਕਿਫਾਇਤੀ ਕੀਮਤ ’ਚ ਪੇਸ਼ ਕਰਨ ’ਚ ਮਦਦ ਮਿਲੇਗੀ। ਮੌਜੂਦਾ ਸਮੇਂ ’ਚ OLED ਅਤੇ MicroLED ਡਿਸਪਲੇਅ ਦੀ ਸੇਲਿੰਗ ਸੈਮਸੰਗ ਕੰਪਨੀ ਕਰਦੀ ਹੈ। ਇਸ ਨਵੀਂ QD OLED ਤਕਨਾਲੋਜੀ ’ਚ ਸ਼ਾਨਦਾਰ ਬ੍ਰਾਈਟਨੈੱਸ ਦੇ ਨਾਲ ਹਾਇਰ ਬ੍ਰਾਈਟਨੈੱਸ ਲੈਵਲ ’ਤੇ Vividਕਲਰ ਰਿਪ੍ਰੋਡਕਸ਼ਨ ਵੇਖਣ ਨੂੰ ਮਿਲੇਗਾ। ਇਸ ਤੋਂ ਇਲਾਵਾ ਪਰਫੈਕਟ ਬਲੈਕਸ ਅਤੇ ਇਨਫਿਨਾਈਟ ਕੰਟਰਾਸਟ ਦਾ ਮਜ਼ਾ ਮਿਲੇਗਾ।
ਸੋਨੀ ਅਜੇ ਕਈ ਤਰ੍ਹਾਂ ਦੀਆਂ ਡਿਸਪਲੇਅ ਦੀ ਸੋਰਸਿੰਗ ਐੱਲ.ਜੀ. ਕੰਪਨੀ ਤੋਂ ਕਰਦੀ ਸੀ ਪਰ ਹੁਣ ਸੋਨੀ ਕੰਪਨੀ ਖੁਦ ਦੀ ਇਨੋਵੇਟਿਵ ਡਿਸਪਲੇਅ ’ਤੇ ਕੰਮ ਕਰ ਰਹੀ ਹੈ। ਨਾਲ ਹੀ ਆਪਣੀ ਸਮਾਰਟ ਟੀ.ਵੀ. ਸੀਰੀਜ਼ A95K ਅਤੇ A90K OLED ’ਤੇ ਕਾਫੀ ਫੋਕਸ ਕਰ ਰਹੀ ਹੈ। A95K ’ਚ ਚਾਰ HDMI ਇਨਪੁਟ ਹੋਣਗੇ। ਸੋਨੀ ਦੇ ਸਾਰੇ ਨਵੇਂ OLEDs ਸਮਾਰਟ ਟੀ.ਵੀ. 120Hz ’ਤੇ 4k ਗੇਮਿੰਗ, PS5 ਨਾਲ ਕੁਨੈਕਟ ਹੋਣ ’ਤੇ ਆਟੋ HDR ਟੋਨ ਮੈਪਿਗ ਅਤੇ ਆਟੋ ਲੋਅ ਲੇਟੈਂਸੀ ਮੋਡ ਨੂੰ ਸਪੋਰਟ ਕਰਨਗੇ।
ਟੈਲੀਗ੍ਰਾਮ ’ਚ ਜੁੜੇ ਕਈ ਸ਼ਾਨਦਾਰ ਫੀਚਰਜ਼, ਵਟਸਐਪ ਨੂੰ ਮਿਲੇਗੀ ਟੱਕਰ
NEXT STORY 
