ਗੈਜੇਟ ਡੈਸਕ : ਸਕੋਡਾ ਆਟੋ ਇੰਡੀਆ ਨੇ ਆਪਣੀ ਪ੍ਰੀਮੀਅਮ SUV ਕੋਡੀਆਕ (Kodiaq) ਦੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਕੰਪਨੀ ਨੇ ਇਸ ਧਾਕੜ ਗੱਡੀ ਦੀਆਂ ਕੀਮਤਾਂ 'ਚ 53,267 ਰੁਪਏ ਤੱਕ ਦਾ ਵਾਧਾ ਕਰ ਦਿੱਤਾ ਹੈ। ਇਹ ਵਧੀਆਂ ਹੋਈਆਂ ਕੀਮਤਾਂ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਗਈਆਂ ਹਨ।
ਜਾਣੋ ਕਿਹੜਾ ਵੇਰੀਐਂਟ ਹੋਇਆ ਕਿੰਨਾ ਮਹਿੰਗਾ
ਸਕੋਡਾ ਨੇ ਕੋਡੀਆਕ ਦੇ ਵੱਖ-ਵੱਖ ਵੇਰੀਐਂਟਸ ਦੀਆਂ ਕੀਮਤਾਂ 'ਚ ਵੱਖ-ਵੱਖ ਵਾਧਾ ਕੀਤਾ ਹੈ:
•ਲਾਉਂਜ (Lounge): ਕੰਪਨੀ ਨੇ ਇਸ ਐਂਟਰੀ-ਲੈਵਲ ਵੇਰੀਐਂਟ ਦੀ ਕੀਮਤ 'ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਇਹ ਅਜੇ ਵੀ 39.99 ਲੱਖ ਰੁਪਏ (ਐਕਸ-ਸ਼ੋਰੂਮ) 'ਤੇ ਉਪਲਬਧ ਹੈ।
•ਸਪੋਰਟਲਾਈਨ (Sportline): ਇਸ ਵੇਰੀਐਂਟ ਦੀ ਕੀਮਤ 'ਚ 22,600 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ, ਜਿਸ ਤੋਂ ਬਾਅਦ ਇਸ ਦੀ ਨਵੀਂ ਕੀਮਤ 43.99 ਲੱਖ ਰੁਪਏ ਹੋ ਗਈ ਹੈ।
•ਐੱਲ ਐਂਡ ਕੇ (L&K): ਟਾਪ ਮਾਡਲ 'ਤੇ ਸਭ ਤੋਂ ਵੱਧ ਮਾਰ ਪਈ ਹੈ। ਇਸ ਦੀ ਕੀਮਤ 53,267 ਰੁਪਏ ਵਧਾ ਦਿੱਤੀ ਗਈ ਹੈ, ਜਿਸ ਨਾਲ ਹੁਣ ਇਹ 46.49 ਲੱਖ ਰੁਪਏ (ਐਕਸ-ਸ਼ੋਰੂਮ) 'ਚ ਮਿਲੇਗੀ।
ਦਮਦਾਰ ਇੰਜਣ ਤੇ ਸ਼ਾਨਦਾਰ ਫੀਚਰਸ
ਸਕੋਡਾ ਕੋਡੀਆਕ 'ਚ 2.0-ਲੀਟਰ ਦਾ ਟਰਬੋ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜੋ 201 BHP ਦੀ ਪਾਵਰ ਤੇ 320 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਹ SUV 7-ਸਪੀਡ DSG ਗੀਅਰਬਾਕਸ ਅਤੇ ਆਲ-ਵੀਲ ਡਰਾਈਵ (AWD) ਸਿਸਟਮ ਨਾਲ ਲੈਸ ਹੈ। ਕੰਪਨੀ ਮੁਤਾਬਕ ਇਹ 14.86 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦੀ ਹੈ।
ਇਸ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ 12.9 ਇੰਚ ਦਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, 10 ਇੰਚ ਦਾ ਡਿਜੀਟਲ ਇੰਸਟਰੂਮੈਂਟ ਕਲਸਟਰ, 360-ਡਿਗਰੀ ਕੈਮਰਾ ਅਤੇ ਤਿੰਨ-ਜ਼ੋਨ ਕਲਾਈਮੇਟ ਕੰਟਰੋਲ ਮਿਲਦਾ ਹੈ। ਟਾਪ ਵੇਰੀਐਂਟ ਵਿੱਚ ਵੈਂਟੀਲੇਟਿਡ ਅਤੇ ਮਸਾਜ ਫੰਕਸ਼ਨ ਵਾਲੀਆਂ ਸੀਟਾਂ ਵੀ ਦਿੱਤੀਆਂ ਗਈਆਂ ਹਨ।
ਇਨ੍ਹਾਂ ਗੱਡੀਆਂ ਨਾਲ ਹੈ ਮੁਕਾਬਲਾ
ਭਾਰਤੀ ਬਾਜ਼ਾਰ 'ਚ ਸਕੋਡਾ ਕੋਡੀਆਕ ਦਾ ਸਿੱਧਾ ਮੁਕਾਬਲਾ ਟੋਇਟਾ ਫਾਰਚੂਨਰ, ਐਮਜੀ ਗਲੌਸਟਰ, ਜੀਪ ਮੈਰੀਡੀਅਨ ਅਤੇ ਫੋਕਸਵੈਗਨ ਟਿਗੁਆਨ ਵਰਗੀਆਂ ਦਿੱਗਜ SUVs ਨਾਲ ਹੁੰਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
FASTag ਹੋਣਗੇ ਬਲੈਕਲਿਸਟ ! ਯੂਜ਼ਰ ਦੇਣ ਧਿਆਨ, NHAI ਜਾਰੀ ਕੀਤੇ ਸਖ਼ਤ ਨਿਰਦੇਸ਼
NEXT STORY 
