ਗੈਜੇਟ ਡੈਸਕ - ਗਲੋਬਰ ਮਾਰਕੀਟ ਅਤੇ ਭਾਰਤ 'ਚ ਵੀਵੋ ਜਲਦ ਹੀ ਇਕ ਨਵਾਂ ਸਮਾਰਟਫੋਨ ਪੇਸ਼ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਵੀਵੋ ਦਾ ਨਵਾਂ ਫੋਲਡੇਬਲ ਸਮਾਰਟਫੋਨ ਲਾਂਚ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਇਹ ਫੋਨ ਪਹਿਲਾਂ ਹੀ Vivo X Fold 6 ਦੇ ਨਾਂ ਵਜੋਂ ਚੀਨ 'ਚ ਪੇਸ਼ ਕੀਤਾ ਜਾ ਚੁੱਕਾ ਹੈ। ਪਿਛਲੇ ਕੁਝ ਸਾਲਾਂ ਵਿੱਚ ਫੋਲਡੇਬਲ ਸਮਾਰਟਫੋਨ ਦੀ ਵਿਕਰੀ ਤੇਜ਼ੀ ਨਾਲ ਵਧੀ ਹੈ। ਇਸ ਸੈਗਮੈਂਟ ਵਿੱਚ ਦੱਖਣੀ ਕੋਰੀਆ ਦੀ ਸੈਮਸੰਗ ਦੀ ਸਭ ਤੋਂ ਵੱਡੀ ਹਿੱਸੇਦਾਰੀ ਹੈ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, Vivo X Fold 6 ਦੇ ਚੀਨੀ ਅਤੇ ਅੰਤਰਰਾਸ਼ਟਰੀ ਵੇਰੀਐਂਟ 'ਚ ਸਾਫਟਵੇਅਰ ਫਰਕ ਹੋ ਸਕਦੇ ਹਨ। ਇਹ ਸਮਾਰਟਫੋਨ ਅੰਤਰਰਾਸ਼ਟਰੀ ਪੱਧਰ 'ਤੇ OriginOS 7 ਨਾਲ ਲਾਂਚ ਹੋ ਸਕਦਾ ਹੈ। ਇਸ ਦੌਰਾਨ Vivo X Fold 6 ਦਾ ਚੀਨੀ ਵੇਰੀਐਂਟ Android 16 'ਤੇ ਆਧਾਰਿਤ OriginOS 6 Fold 'ਤੇ ਚੱਲਦਾ ਹੈ। ਇਸ ਸਮਾਰਟਫੋਨ ਦਾ ਅੰਤਰਰਾਸ਼ਟਰੀ ਮਾਡਲ 12 GB RAM ਅਤੇ 256 GB ਸਟੋਰੇਜ ਦੇ ਨਾਲ-ਨਾਲ 12 GB + 512 GB ਵੇਰੀਐਂਟ ਦੇ ਨਾਲ ਆ ਸਕਦਾ ਹੈ। Vivo X Fold 6 ਦੇ Nebula Teal ਅਤੇ Prism Black ਰੰਗਾਂ ਵਿੱਚ ਉਪਲਬਧ ਹੋਣ ਦੀ ਉਮੀਦ ਹੈ। ਭਾਰਤ 'ਚ ਇਸ ਸਮਾਰਟਫੋਨ ਦੀ ਕੀਮਤ ਲਗਭਗ ₹1.5 ਲੱਖ ਹੋ ਸਕਦੀ ਹੈ।
ਹਾਲਾਂਕਿ ਇਸ ਫੋਲਡੇਬਲ ਸਮਾਰਟਫੋਨ ਦੇ ਸਾਰੇ ਫੀਚਜ਼ ਇਸਦੇ ਚੀਨੀ ਵੇਰੀਐਂਟ ਦੇ ਸਮਾਨ ਹੋਣ ਦੀ ਸੰਭਾਵਨਾ ਹੈ। ਹਾਲ ਹੀ 'ਚ, ਮਾਡਲ ਨੰਬਰ Vivo V2559 ਵਾਲਾ ਇਕ Vivo ਸਮਾਰਟਫੋਨ ਬੈਂਚਮਾਰਕਿੰਗ ਪਲੇਟਫਾਰਮ Geekbench 'ਤੇ ਸੂਚੀਬੱਧ ਕੀਤਾ ਗਿਆ ਸੀ। ਇਹ Vivo X Fold 6 ਦਾ ਅੰਤਰਰਾਸ਼ਟਰੀ ਵਰਜਨ ਹੋ ਸਕਦਾ ਹੈ। ਇਸ ਦੌਰਾਨ ਇਸ ਸਮਾਰਟਫੋਨ ਨੇ ਸਿੰਗਲ-ਕੋਰ ਟੈਸਟ 'ਚ 1,710 ਅੰਕ ਅਤੇ ਮਲਟੀ-ਕੋਰ ਟੈਸਟ 'ਚ 5,977 ਅੰਕ ਪ੍ਰਾਪਤ ਕੀਤੇ। ਇਹ ਇਕ ਆਕਟਾ-ਕੋਰ ਮੀਡੀਆਟੈੱਕ ਡਾਇਮੈਂਸਿਟੀ 9500 ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਹੈ। ਇਸ ਸਮਾਰਟਫੋਨ 'ਚ 12 ਜੀਬੀ ਰੈਮ ਹੈ। ਇਹ ਸਮਾਰਟਫੋਨ ਅਗਲੇ ਮਹੀਨੇ ਭਾਰਤ 'ਚ ਲਾਂਚ ਕੀਤਾ ਜਾ ਸਕਦਾ ਹੈ।
ਹਾਲਾਂਕਿ ਚੀਨ 'ਚ ਲਾਂਚ ਕੀਤੇ ਗਏ Vivo X Fold 6 'ਚ 8.02-ਇੰਚ (2,504 x 2,312 ਪਿਕਸਲ) ਅੰਦਰੂਨੀ ਫੋਲਡੇਬਲ AMOLED ਡਿਸਪਲੇਅ ਹੈ ਜਿਸ 'ਚ 120 Hz ਰਿਫਰੈਸ਼ ਰੇਟ, 300 Hz ਟੱਚ ਸੈਂਪਲਿੰਗ ਰੇਟ ਅਤੇ 64-ਬਿੱਟ ਕੰਟੈਂਟ ਸਪੋਰਟ ਹੈ। ਇਸ 'ਚ ਬਾਹਰੋਂ 6.51-ਇੰਚ (1,120 x 2,528 ਪਿਕਸਲ) AMOLED ਸਕ੍ਰੀਨ ਹੈ। ਹਾਲ ਹੀ 'ਚ, Vivo X Fold 6 ਦੇ ਅੰਤਰਰਾਸ਼ਟਰੀ ਸੰਸਕਰਣ ਨੂੰ ਥਾਈਲੈਂਡ ਦੇ NBTC ਅਤੇ ਇੰਡੋਨੇਸ਼ੀਆ ਦੇ SDPPI ਪਲੇਟਫਾਰਮਾਂ 'ਤੇ ਮਾਡਲ ਨੰਬਰ V2559 ਦੇ ਨਾਲ ਦੇਖਿਆ ਗਿਆ ਸੀ। ਇਸ ਨਾਲ ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਇਸ ਫੋਲਡੇਬਲ ਸਮਾਰਟਫੋਨ ਦੇ ਜਲਦੀ ਲਾਂਚ ਹੋਣ ਦਾ ਸੰਕੇਤ ਮਿਲਦਾ ਹੈ। Vivo X Fold 6 ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਹਾਲ ਹੀ ਵਿੱਚ ਲਾਂਚ ਹੋਏ Apple iPhone Duo ਅਤੇ Samsung Galaxy Z Fold 8 Ultra ਨਾਲ ਮੁਕਾਬਲਾ ਕਰ ਸਕਦਾ ਹੈ।
ਆਪਣੇ SUV ਮਾਡਲਾਂ ਦੀਆਂ ਕੀਮਤਾਂ 'ਚ ਵਾਧਾ ਕਰਨ ਦਾ ਵਿਚਾਰ ਕਰ ਰਹੀ ਮਹਿੰਦਰਾ
NEXT STORY 
