ਨਵੀਂ ਦਿੱਲੀ– ਫਾਕਸਵੈਗਨ ਨੇ ਦੇਸ਼ ’ਚ ਆਪਣੀ ਨਵੀਂ ਕਾਰ ਵਰਟਸ ਨੂੰ ਲਾਂਚ ਕਰ ਦਿੱਤਾ ਹੈ। ਵਰਟਸ ਐੱਮ. ਕਿਊ. ਬੀ. ਏ0 ਇਨ੍ਹਾਂ ਪਲੇਟਫਾਰਮ ’ਤੇ ਆਧਾਰਿਤ ਹੈ। ਇਸੇ ਪਲੇਟਫਾਰਮ ’ਤੇ ਸਕੋਡਾ ਸਲਾਵੀਆ ਨੂੰ ਵੀ ਬਣਾਇਆ ਗਿਆ ਹੈ। ਵਰਟਸ ਅਤੇ ਸਲਾਵੀਆ ਤਕਨਾਲੋਜੀ ਦੇ ਮਾਮਲੇ ’ਚ ਇਕ ਦੂਜੇ ਨਾਲ ਕਾਫੀ ਸਮਾਨਤਾਵਾਂ ਰੱਖਦੀਆਂ ਹਨ। ਦੋਵੇਂ ਕਾਰਾਂ ’ਚ ਇਕ ਹੀ ਇੰਜਣ, ਸਸਪੈਂਸ਼ਨ ਸੈੱਟਅਪ ਅਤੇ ਡਾਇਮੈਂਸ਼ਨ ਹਨ। ਹਾਲਾਂਕਿ ਇਨ੍ਹਾਂ ਦੇ ਬਾਹਰੀ ਸਟਾਈਲ ਅਤੇ ਕੈਬਿਨ ਲੇਆਊਟ ਦੀ ਗੱਲ ਕਰੀਏ ਤਾਂ ਇਕ ਵੱਡਾ ਫਰਕ ਦੇਖਣ ਨੂੰ ਮਿਲੇਗਾ।
ਵਰਟਸ ਫਾਕਸਵੈਗਨ ਲਈ ਵੇਂਟੋ ਦੀ ਥਾਂ ਲਵੇਗੀ। ਇਹ ਕਾਰ ਹੌਂਡਾ ਸਿਟੀ, ਮਾਰੂਤੀ ਸੁਜ਼ੂਕੀ ਸਿਆਜ ਅਤੇ ਹੁੰਡਈ, ਵਰਨਾ ਵਰਗੀਆਂ ਮਸ਼ਹੂਰ ਕਾਰਾਂ ਨੂੰ ਟੱਕਰ ਦੇਵੇਗੀ। ਇਸ ਦੇ ਬੇਸ ਵੇਰੀਐਂਟ ਦੀ ਕੀਮਤ 11.21 ਲੱਖ ਰੁਪਏ (ਐਕਸ ਸ਼ੋਅਰੂਮ) ਤੋਂ ਸ਼ੁਰੂ ਹੁੰਦੀ ਹੈ ਜੋ ਟੌਪ ਮਾਡਲ ਲਈ 17.91 ਲੱਖ ਰੁਪਏ (ਐਕਸ ਸ਼ੋਅਰੂਮ) ਤੱਕ ਜਾਏਗੀ।
ਬੇਹੱਦ ਲਗਜ਼ਰੀ ਹੈ ਕਾਰ ਦਾ ਇੰਟੀਰੀਅਰ
ਵਰਟਸ ਦੇ ਅੰਦਰ ਇਕ 10-ਇੰਚ ਟੱਚਸਕ੍ਰੀਨ ਯੂਨਿਟ ਹੈ, ਜਿਸ ’ਚ ਵਾਇਰਲੈੱਸ ਸਮਾਰਟਫੋਨ ਚਾਰਜਰ, ਅੱਠ ਸਪੀਕਰ ਸਿਸਟਮ, ਵੈਂਟੀਲੇਟੇਡ ਫਰੰਟ ਸੀਟਸ, ਐਂਬੀਐਂਟ ਲਾਈਟਿੰਗ, ਸਨਰੂਫ ਅਤੇ ਬਹੁਤ ਸਾਰੇ ਫੀਚਰ ਮਿਲਦੇ ਹਨ। ਸੇਫਟੀ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ ’ਚ 6 ਏਅਰਬੈਗ, ਈ. ਐੱਸ. ਸੀ., ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ, ਏ. ਬੀ. ਐੱਸ. ਨਾਲ ਈ. ਬੀ. ਡੀ. ਅਤੇ ਬਹੁਤ ਕੁੱਝ ਮੁੜ ਹਾਈਲਾਈਟ ਕੀਤਾ ਗਿਆ ਹੈ। ਸੇਡਾਨ ਵੀ ਕਾਫੀ ਆਰਾਮਦਾਇਕ ਹੈ ਅਤੇ ਇਸ ’ਚ ਪਿੱਛੇ ਬੈਠਣ ਲਈ ਮੁਸਾਫਰਾਂ ਲਈ ਕਾਫੀ ਥਾਂ ਹੈ। ਇਸ ਦਾ ਬੂਟ ਸਪੇਸ 521 ਲਿਟਰ ਹੈ ਜੋ ਇਸ ਸੈਗਮੈਂਟ ’ਚ ਆਉਣ ਵਾਲੀਆਂ ਕਾਰਾਂ ’ਚ ਸਭ ਤੋਂ ਵੱਧ ਹੈ।
Motorola ਨੇ 5G ਪ੍ਰੋਸੈਸਰ ਨਾਲ ਲਾਂਚ ਕੀਤਾ ਇਹ ਸਮਾਰਟਫੋਨ, ਜਾਣੋ ਸਪੈਸੀਫਿਕੇਸ਼ਨਸ
NEXT STORY 
