ਗੈਜੇਟ ਡੈਸਕ- ਵਟਸਐਪ ਵੈੱਬ ਯੂਜ਼ਰਜ਼ ਲਈ ਜਲਦੀ ਹੀ ਇਕ ਵੱਡੀ ਅਪਡੇਟ ਆਉਣ ਵਾਲੀ ਹੈ। ਰਿਪੋਰਟ ਮੁਤਾਬਕ, ਹੁਣ ਯੂਜ਼ਰਜ਼ ਬ੍ਰਾਊਜ਼ਰ ਤੋਂ ਹੀ 32 ਲੋਕਾਂ ਤਕ ਨਾਲ ਗਰੁੱਪ ਵੌਇਸ ਅਤੇ ਵੀਡੀਓ ਕਾਲ ਕਰ ਸਕਣਗੇ। ਅਜੇ ਤਕ ਇਹ ਸਹੂਲਤ ਸਿਰਫ ਮੋਬਾਇਲ ਐਪ ਅਤੇ ਡੈਸਕਟਾਪ ਐਪ 'ਤੇ ਉਪਲੱਬਧ ਸੀ। ਨਵੇਂ ਫੀਚਰ ਦੇ ਆਉਣ ਤੋਂ ਬਾਅਦ ਯੂਜ਼ਰਜ਼ ਨੂੰ ਗਰੁੱਪ ਕਾਲ ਲਈ ਅਲੱਗ ਤੋਂ ਐਪ ਖੋਲ੍ਹਣ ਦੀ ਲੋੜ ਨਹੀਂ ਹੋਵੇਗੀ। ਫਿਲਹਾਲ ਇਸ ਫੀਚਰ ਦੀ ਟੈਸਟਿੰਗ ਬੀਟਾ ਯੂਜ਼ਰਜ਼ ਨਾਲ ਕੀਤੀ ਜਾ ਰਹੀ ਸੀ।
WABetaInfo ਦੀ ਰਿਪੋਰਟ ਮੁਤਾਬਕ, ਵਟਸਐਪ ਵੈੱਬ 'ਚ ਗਰੁੱਪ ਕਾਲਿੰਗ ਫੀਚਰ ਜੋੜਿਆ ਜਾ ਰਿਹਾ ਹੈ। ਇਸ ਅਪਡੇਟ ਤੋਂ ਬਾਅਦ ਯੂਜ਼ਰਜ਼ ਕਿਸੇ ਵੀ ਗਰੁੱਪ ਚੈਟ ਨੂੰ ਖੋਲ੍ਹ ਕੇ ਉਪਰ ਦਿੱਤੇ ਗਏ ਕਾਲ ਬਟਨ ਰਾਹੀਂ ਸਿੱਧਾ ਵੌਇਸ ਅਤੇ ਵੀਡੀਓ ਕਾਲ ਸ਼ੁਰੂ ਕਰ ਸਕਣਗੇ। ਅਜੇ ਤਕ ਵਟਸਐਪ ਵੈੱਬ 'ਤੇ ਸਿਰਫ ਇਕ-ਨਾਲ-ਇਕ ਕਾਲ ਦੀ ਸਹੂਲਤ ਮਿਸਦੀ ਸੀ, ਜਦੋਂਕਿ ਗਰੁੱਪ ਕਾਲ ਲਈ ਮੋਬਾਇਲ ਜਾਂ ਡੈਸਕਟਾਪ ਐਪ ਦੀ ਵਰਤੋਂ ਕਰਨੀ ਪੈਂਦੀ ਸੀ। ਨਵਾਂ ਫੀਚਰ ਯੂਜ਼ਰਜ਼ ਨੂੰ ਜ਼ਿਆਦਾ ਸਹੂਲਤ ਦੇਵੇਗਾ। ਖਾਸ ਗੱਲ ਇਹ ਹੈ ਕਿ ਯੂਜ਼ਰਜ਼ ਚਾਹੁਣ ਤਾਂ ਪੂਰੇ ਗਰੁੱਪ ਨੂੰ ਕਾਲ ਕਰਨ ਦੀ ਬਜਾਏ ਸਿਰਫ ਚੁਣੇ ਹੋਏ ਮੈਂਬਰਾਂ ਨੂੰ ਵੀ ਕਾਲ 'ਚ ਸ਼ਾਮਲ ਕਰ ਸਕਣਗੇ।
ਰਿਪੋਰਟ ਮੁਤਾਬਕ, ਵਟਸਐਪ ਵੈੱਬ 'ਤੇ ਗਰੁੱਪ ਵੌਇਸ ਅਤੇ ਵੀਡੀਓ ਕਾਲ 'ਚ ਜ਼ਿਆਦਾ ਤੋਂ ਜ਼ਿਆਦਾ 32 ਮੈਂਬਰਾਂ ਨੂੰ ਸ਼ਾਮਲ ਕੀਤਾ ਜਾ ਸਕੇਗਾ। ਇਹ ਮਿਆਦ ਮੋਬਾਇਲ ਅਤੇ ਡੈਸਕਟਾਪ ਵਰਜ਼ਨ ਵਰਗੀ ਹੀ ਹੋਵੇਗੀ। ਕੰਪਨੀ ਨੇ ਇਹ ਵੀ ਸਪਸ਼ਟ ਕੀਤਾ ਹੈ ਕਿ ਵੈੱਬ 'ਤੇ ਹੋਣ ਵਾਲੀ ਕਾਲ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ ਨਾਲ ਸੁਰੱਖਿਆ ਹੋਵੇਗੀ। ਇਸਦਾ ਮਤਲਬ ਹੈ ਕਿ ਕਾਲ 'ਚ ਸ਼ਾਮਲ ਲੋਕਾਂ ਤੋਂ ਇਲਾਵਾ ਕੋਈ ਵੀ ਵਿਅਕਤੀ ਗੱਲਬਾਤ ਨੂੰ ਸੁਣ ਜਾਂ ਦੇਖ ਨਹੀਂ ਸਕੇਗਾ। ਇਥੋਂ ਤਕ ਕਿ ਵਟਸਐਪ ਅਤੇ ਇਸਦੀ ਮਲਕੀਅਤ ਵਾਲੀ ਕੰਪਨੀ ਮੈਟਾ ਵੀ ਇਨ੍ਹਾਂ ਕਾਲਸ ਦੇ ਕੰਟੈਂਟ ਤਕ ਪਹੁੰਚ ਨਹੀਂ ਬਣਾ ਸਕੇਗੀ। ਇਸ ਨਾਲ ਯੂਜ਼ਰਜ਼ ਦੀ ਪ੍ਰਾਈਵੇਸੀ ਅਤੇ ਸੁਰੱਖਿਆ ਪਹਿਲਾਂ ਦੀ ਤਰ੍ਹਾਂ ਬਣੀ ਰਹੇਗੀ।
ਲਾਂਚ ਹੁੰਦੇ ਹੀ ਸਸਤੀ ਹੋਈ HERO ਦੀ ਨਵੀਂ ਫਲੈਕਸ-ਫਿਊਲ ਬਾਈਕ, ਮਿਲ ਰਿਹਾ ਬੰਪਰ ਡਿਸਕਾਊਂਟ
NEXT STORY 
