ਲੰਡਨ— ਸਾਬਕਾ ਬ੍ਰਿਟਿਸ਼ ਫੌਜੀ ਮੈਸੇ ਨੇ ਸਮਰਸੇਟ 'ਚ ਇਕ ਰੋਮਨ ਕਾਲ ਦੇ ਸ਼ਾਹੀ ਪਰਿਵਾਰ ਦੀ 1800 ਸਾਲ ਪੁਰਾਣੀ ਸੋਨੇ ਦੀ ਅੰਗੂਠੀ ਲੱਭੀ ਹੈ। ਇਹ ਅੰਗੂਠੀ ਜੈਸਨ ਨੂੰ ਸ਼ਹਿਰ ਦੇ ਇਕ ਹਿੱਸੇ 'ਚ ਖੁਦਾਈ ਦੌਰਾਨ ਮਿਲੀ। ਜੈਸਨ ਨੂੰ ਇਤਿਹਾਸਕ ਚੀਜ਼ਾਂ ਦੀ ਤਲਾਸ਼ ਕਰਨ ਦਾ ਸ਼ੌਕ ਹੈ। ਇਸ ਅੰਗੂਠੀ 'ਤੇ ਰੋਮਨ ਕਾਲ ਦੀ ਗਾਡੇਸ ਆਫ ਵਿਕਟਰੀ ਦਾ ਨਿਸ਼ਾਨ ਬਣਿਆ ਹੋਇਆ ਹੈ। ਅੰਗੂਠੀ ਨੂੰ ਲੰਡਨ ਸਥਿਤ ਬ੍ਰਿਟਿਸ਼ ਮਿਊਜ਼ੀਅਮ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ। ਅੰਗੂਠੀ ਦੀ ਅਸਲ ਕੀਮਤ ਦਾ ਹਾਲੇ ਤਕ ਅੰਦਾਜਾ ਨਹੀਂ ਲਗਾਇਆ ਗਿਆ ਹੈ। ਮੈਸੇ ਦਾ ਕਹਿਣਾ ਹੈ ਕਿ ਇਹ ਅੰਗੂਠੀ 200-300 ਈ ਪੂਰਾਣੀ ਹੋ ਸਕਦੀ ਹੈ ਤੇ ਇਸ ਅੰਗੂਠੀ ਦੀ ਕੀਮਤ ਦਾ 50 ਫੀਸਦੀ ਹਿੱਸਾ ਸਾਬਕਾ ਫੌਜੀਆਂ ਨੂੰ ਦਾਨ ਕੀਤਾ ਜਾਵੇਗਾ।
ਚੈਰਿਟੀ ਲਈ ਖੁਦਾਈ
ਜੈਸਨ ਫੌਜ ਦੇ ਸਾਬਕਾ ਜਵਾਨਾਂ ਦੀ ਚੈਰਿਟੀ ਲਈ ਸਮਰਸੇਟ 'ਚ ਇਹ ਖੁਦਾਈ ਕਰ ਰਹੇ ਹਨ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਇਸ ਥਾਂ 'ਤੇ ਰੋਮਨ ਕਾਲ ਦਾ ਸ਼ਾਹੀ ਮਹਿਲ ਹੋਇਆ ਕਰਦਾ ਸੀ। ਇਸ ਥਾਂ ਦੇ ਮੌਜੂਦਾ ਮਾਲਿਕ ਤੇ ਮੈਸੇ ਵਿਚਾਲੇ ਅੰਗੂਠੀ ਤੋਂ ਮਿਲੀ ਰਾਸ਼ੀ ਅੱਧੀ-ਅੱਧੀ ਵੰਡੀ ਜਾਵੇਗੀ। ਜਿਸ 'ਚ ਆਪਣਾ ਹਿੱਸਾ ਮੈਸੇ ਸਾਬਕਾ ਫੌਜੀਆਂ ਨੂੰ ਦਾਨ ਕਰਨਗੇ। ਮੈਸੇ ਨੂੰ ਇਸੇ ਥਾਂ ਤੋਂ ਪਿਛਲੇ ਐਤਵਾਰ 60 ਕੀਮਤੀ ਰੋਮਨ ਸਿੱਕੇ ਵੀ ਮਿਲੇ ਸਨ।
ਭਾਰਤ-ਬ੍ਰਿਟੇਨ ਸਬੰਧਾਂ ਦਾ ਭਵਿੱਖ ਹੈ ਸੁਨਹਿਰੀ : ਭਾਰਤੀ ਹਾਈ ਕਮਿਸ਼ਨ
NEXT STORY