ਇੰਟਰਨੈਸ਼ਨਲ ਡੈਸਕ : ਤਾਈਵਾਨ ਨੇ ਸੋਮਵਾਰ ਨੂੰ ਕਿਹਾ ਕਿ 24 ਘੰਟਿਆਂ 'ਚ ਚੀਨ ਦੇ 103 ਲੜਾਕੂ ਜਹਾਜ਼ਾਂ ਨੇ ਉਨ੍ਹਾਂ ਵੱਲ ਉਡਾਣ ਭਰੀ ਹੈ। ਇਹ ਪਿਛਲੇ ਕੁਝ ਸਾਲਾਂ 'ਚ ਇਕ ਦਿਨ 'ਚ ਚੀਨ ਵੱਲੋਂ ਤਾਈਵਾਨ ਵੱਲ ਭੇਜੇ ਗਏ ਲੜਾਕੂ ਜਹਾਜ਼ਾਂ ਦੀ ਸਭ ਤੋਂ ਵੱਧ ਗਿਣਤੀ ਹੈ। ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਉਸ ਨੇ ਸੋਮਵਾਰ ਸਵੇਰੇ ਖਤਮ ਹੋਏ 24 ਘੰਟਿਆਂ ਦੀ ਮਿਆਦ ਵਿੱਚ ਟਾਪੂ ਵੱਲ 103 ਚੀਨੀ ਲੜਾਕੂ ਜਹਾਜ਼ਾਂ ਦਾ ਪਤਾ ਲਗਾਇਆ। ਮੰਤਰਾਲੇ ਦੇ ਅਨੁਸਾਰ ਚੀਨੀ ਜਹਾਜ਼ ਹਮੇਸ਼ਾ ਦੀ ਤਰ੍ਹਾਂ ਤਾਈਵਾਨ ਪਹੁੰਚਣ ਤੋਂ ਪਹਿਲਾਂ ਹੀ ਵਾਪਸ ਚਲੇ ਗਏ। ਤਾਈਵਾਨ ਇਕ ਸਵੈ-ਸ਼ਾਸਤ ਟਾਪੂ ਹੈ ਜਿਸ 'ਤੇ ਚੀਨ ਆਪਣਾ ਦਾਅਵਾ ਜਤਾਉਂਦਾ ਹੈ।
ਇਹ ਵੀ ਪੜ੍ਹੋ : ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਨਿਪਟਾ ਲਓ ਜ਼ਰੂਰੀ ਕੰਮ, ਸਤੰਬਰ ਮਹੀਨੇ ਇਨ੍ਹਾਂ ਤਾਰੀਖ਼ਾਂ ਨੂੰ ਬੰਦ ਰਹਿਣਗੇ ਬੈਂਕ
ਚੀਨ ਨੇ ਤਾਈਵਾਨ ਅਤੇ ਅਮਰੀਕਾ ਨਾਲ ਵਧਦੇ ਹੋਏ ਤਣਾਅ ਵਿਚਾਲੇ ਟਾਪੂ ਦੇ ਨੇੜੇ ਹਵਾ ਅਤੇ ਪਾਣੀ 'ਚ ਵੱਡੇ ਪੱਧਰ 'ਤੇ ਸੈਨਾ ਅਭਿਆਸ ਕੀਤਾ ਹੈ, ਜਿਸ ਨੂੰ ਕੁਝ ਦੇਸ਼ ਉਕਸਾਉਣ ਵਾਲੀ ਕਾਰਵਾਈ ਦੇ ਰੂਪ 'ਚ ਦੇਖਦੇ ਹਨ। ਅਮਰੀਕਾ ਤਾਈਵਾਨ ਦਾ ਮੁੱਖ ਹਥਿਆਰ ਸਪਲਾਈ ਕਰਨ ਵਾਲਾ ਦੇਸ਼ ਹੈ ਅਤੇ ਉਹ ਤਾਈਵਾਨ ਦੀ ਸਥਿਤੀ ਨੂੰ ਜ਼ਬਰਦਸਤੀ ਬਦਲਣ ਦੀ ਕਿਸੇ ਵੀ ਕੋਸ਼ਿਸ਼ ਦਾ ਵਿਰੋਧ ਕਰਦਾ ਹੈ। ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਨੇ ਦੱਸਿਆ ਕਿ ਐਤਵਾਰ ਸਵੇਰ ਤੋਂ ਸੋਮਵਾਰ ਤੜਕੇ ਦੌਰਾਨ ਟਾਪੂ ਵੱਲ ਉਡਾਣ ਭਰਨ ਵਾਲੇ 40 ਚੀਨੀ ਲੜਾਕੂ ਜਹਾਜ਼ਾਂ ਨੇ ਤਾਈਵਾਨ ਅਤੇ ਮੁੱਖ ਭੂਮੀ ਚੀਨ ਵਿਚਾਲੇ ਦੀ ਮੱਧ ਰੇਖਾ ਨੂੰ ਪਾਰ ਕਰ ਲਿਆ।
ਇਹ ਵੀ ਪੜ੍ਹੋ : ਬੈਂਕ ਦੀ ਨੌਕਰੀ 'ਚੋਂ ਕੱਢਿਆ ਬਾਹਰ, ਪਰੇਸ਼ਾਨ ਨੌਜਵਾਨ ਨੇ ਗਲ਼ ਲਾਈ ਮੌਤ, ਸੁਸਾਈਡ ਨੋਟ 'ਚ ਖੋਲ੍ਹੇ ਵੱਡੇ ਰਾਜ਼
ਮੰਤਰਾਲੇ ਮੁਤਾਬਕ, ਚੀਨ ਨੇ 24 ਘੰਟਿਆਂ ਦੌਰਾਨ ਟਾਪੂ ਵਲੋਂ 9 ਲੜਾਕੂ ਸਮੁੰਦਰੀ ਜਹਾਜ਼ ਵੀ ਭੇਜੇ। ਮੰਤਰਾਲੇ ਨੇ ਚੀਨ ਦੀ ਸੈਨਿਕ ਕਾਰਵਾਈ ਨੂੰ ਪਰੇਸ਼ਾਨ ਕਰਨ ਵਾਲੀ ਦੱਸਿਆ। ਉਸ ਨੇ ਦੱਸਿਆ ਕਿ ਇਸ ਨਾਲ ਖੇਤਰ 'ਚ ਪਹਿਲਾਂ ਤੋਂ ਬਣੇ ਤਣਾਅ 'ਚ ਵਾਧਾ ਹੋ ਸਕਦਾ ਹੈ। ਮੰਤਰਾਲੇ ਨੇ ਇਕ ਬਿਆਨ 'ਚ ਕਿਹਾ, 'ਅਸੀਂ ਬੀਜਿੰਗ ਦੇ ਅਧਿਕਾਰੀਆਂ ਤੋਂ ਜ਼ਿੰਮੇਦਾਰੀ ਲੈਣ ਅਤੇ ਇਸ ਤਰਾਂ ਵਿਨਾਸ਼ਕਾਰੀ ਸੈਨਿਕ ਗਤੀਵਿਧੀਆਂ ਨੂੰ ਤੁਰੰਤ ਰੋਕਣ ਦੀ ਬੇਨਤੀ ਕਰਦੇ ਹਾਂ।' ਚੀਨ ਨੇ ਪਿਛਲੇ ਹਫ਼ਤੇ ਤਾਈਵਾਨ ਨੇੜੇ ਜਲ ਖੇਤਰ 'ਚ ਏਅਰਕ੍ਰਾਫਟ ਕੈਰੀਅਰ 'ਸ਼ੇਦਾਂਗ' ਸਮੇਤ ਜਹਾਜ਼ਾਂ ਦਾ ਇਕ ਬੇੜਾ ਭੇਜਿਆ ਸੀ। ਇਹ ਕਦਮ ਅਮਰੀਕਾ ਅਤੇ ਕੈਨੇਡਾ ਦੇ ਤਾਈਵਾਨ ਸਟਰੇਟ ਰਾਹੀਂ ਜੰਗੀ ਬੇੜੇ ਰਵਾਨਾ ਕਰਨ ਦੇ ਤੁਰੰਤ ਬਾਅਦ ਚੁੱਕਿਆ ਗਿਆ ਸੀ। ਤਾਈਵਾਨ ਸਟਰੇਟ ਤਾਈਵਾਨ ਨੂੰ ਮੁੱਖ ਭੂਮੀ ਚੀਨ ਤੋਂ ਵੱਖ ਕਰਦੀ ਹੈ।
ਇਹ ਵੀ ਪੜ੍ਹੋ : RBI ਨੇ ਗਾਹਕਾਂ ਨੂੰ ਦਿੱਤੀ ਵੱਡੀ ਰਾਹਤ, ਲੋਨ ਨੂੰ ਲੈ ਕੇ ਬੈਂਕਾਂ ਨੂੰ ਜਾਰੀ ਕੀਤੇ ਇਹ ਸਖ਼ਤ ਹੁਕਮ
ਚੀਨ ਨੇ ਤਾਈਵਾਨ ਨੇੜੇ ਆਪਣੇ ਫੁਜੀਆਨ ਪ੍ਰਾਂਤ 'ਚ ਇਕ ਇੰਟੀਗ੍ਰੇਟਿਡ ਵਿਕਾਸ ਪ੍ਰਦਰਸ਼ਨ ਖੇਤਰ ਦੀ ਸਥਾਪਨਾ ਸੰਬੰਧੀ ਯੋਜਨਾ ਦਾ ਵੀ ਐਲਾਨ ਕੀਤਾ ਸੀ, ਜਿਸ ਨੂੰ ਮਾਹਿਰਾਂ ਵੱਲੋਂ ਟਾਪੂ ਨੂੰ ਲੁਭਾਉਣ ਅਤੇ ਉਸ ਨੂੰ ਚਿਤਾਵਨੀ ਦੀ ਕੋਸ਼ਿਸ਼ ਦੱਸਿਆ ਗਿਆ ਸੀ। ਚੀਨ ਦੀ ਹਾਲੀਆ ਕਾਰਵਾਈ ਤਾਈਵਾਨ 'ਚ ਅਗਲੇ ਸਾਲ ਜਨਵਰੀ 'ਚ ਪ੍ਰਸਤਾਵਿਤ ਰਾਸ਼ਟਰਪਤੀ ਚੋਣਾਂ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਹੋ ਸਕਦੀ ਹੈ। ਸੱਤਾਧਾਰੀ ਡੈਮੋਕਰੇਟਿਕ ਪ੍ਰੋਗਰੈਸਿਵ ਪਾਰਟੀ, ਜੋ ਟਾਪੂ ਦੀ ਰਸਮੀ ਆਜ਼ਾਦੀ ਦੇ ਸਮਰਥਕ ਹੈ, ਚੀਨ ਸਰਕਾਰ ਵਿਰੁੱਧ ਸਪੱਸ਼ਟ ਰਹੀ ਹੈ। ਇਸ ਦੇ ਕਾਰਨ ਚੀਨ ਵਿਰੋਧੀ ਧਿਰ ਦੇ ਉਮੀਦਵਾਰਾਂ ਦਾ ਸਮਰਥਨ ਕਰਦਾ ਹੈ ਜੋ ਉਸ ਨਾਲ ਕੰਮ ਕਰਨ ਦੀ ਵਕਾਲਤ ਕਰਦੇ ਹਨ।
ਇਹ ਵੀ ਪੜ੍ਹੋ : ਕੇਂਦਰ ਸਰਕਾਰ ਨੇ ਤਿਉਹਾਰਾਂ ਤੋਂ ਪਹਿਲਾਂ ਔਰਤਾਂ ਨੂੰ ਦਿੱਤਾ ਵੱਡਾ ਤੋਹਫ਼ਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਮਰੀਕਾ 'ਚ ਹਵਾ 'ਚ ਰੇਸ ਲਗਾ ਰਹੇ 2 ਜਹਾਜ਼ਾਂ ਦੀ ਟੱਕਰ, ਦੋਵਾਂ ਪਾਇਲਟਾਂ ਦੀ ਮੌਤ
NEXT STORY 
