ਬੈਂਕਾਕ (ਏਜੰਸੀ)- ਮਿਆਂਮਾਰ ਵਿੱਚ ਤਸਕਰੀ ਕਰਕੇ ਲਿਆਂਦੇ ਗਏ ਅਤੇ ਆਨਲਾਈਨ ਘੁਟਾਲਾ ਕੇਂਦਰਾਂ ਵਿੱਚ ਕੰਮ ਕਰਨ ਲਈ ਮਜਬੂਰ ਕੁੱਝ ਭਾਰਤੀਆਂ ਸਣੇ ਲਗਭਗ 260 ਲੋਕਾਂ ਨੂੰ ਬਚਾਇਆ ਗਿਆ ਹੈ ਅਤੇ ਹੁਣ ਉਨ੍ਹਾਂ ਨੂੰ ਉਨ੍ਹਾਂ ਦੇ ਦੇਸ਼ ਵਾਪਸ ਭੇਜਿਆ ਜਾਵੇਗਾ। ਥਾਈਲੈਂਡ ਦੀ ਫੌਜ ਨੇ ਵੀਰਵਾਰ ਨੂੰ ਇਹ ਐਲਾਨ ਕੀਤਾ। ਥਾਈਲੈਂਡ ਦੀ ਫੌਜ ਨੇ ਦੱਖਣ-ਪੂਰਬੀ ਏਸ਼ੀਆ ਤੋਂ ਸੰਚਾਲਿਤ ਘੁਟਾਲਾ ਕੇਂਦਰਾਂ 'ਤੇ ਤਾਜ਼ਾ ਕਾਰਵਾਈ ਕਰਦੇ ਹੋਏ ਵੀਰਵਾਰ ਨੂੰ ਲਗਭਗ 260 ਲੋਕਾਂ ਨੂੰ ਵਾਪਸ ਭੇਜਣ ਦੀ ਕੋਸ਼ਿਸ਼ ਵਿਚ ਤਾਲਮੇਲ ਕਰਨ ਦਾ ਐਲ਼ਾਨ ਕੀਤਾ। ਇਹ ਮੰਨਿਆ ਜਾ ਰਿਹਾ ਹੈ ਕਿ ਉਹ (ਵਿਦੇਸ਼ੀ ਨਾਗਰਿਕ) ਮਨੁੱਖੀ ਤਸਕਰੀ ਦਾ ਸ਼ਿਕਾਰ ਸਨ, ਜਿਨ੍ਹਾਂ ਨੂੰ ਮਿਆਂਮਾਰ ਤੋਂ ਬਚਾਅ ਕੇ ਥਾਈਲੈਂਡ ਭੇਜਿਆ ਗਿਆ।
ਇਹ ਵੀ ਪੜ੍ਹੋ: ਕੁੜੀ ਦੀ ਸੁੰਦਰਤਾ ਨੇ ਕੀਲੇ ਗੱਭਰੂ, 500 ਲੋਕਾਂ ਨੇ ਭੇਜ'ਤਾ Valentine Day ਪ੍ਰਪੋਜ਼ਲ, ਸੱਚਾਈ ਜਾਣ ਉੱਡੇ ਹੋਸ਼
ਥਾਈਲੈਂਡ ਨਾਲ ਸਰਹੱਦਾਂ ਸਾਂਝੀਆਂ ਕਰਨ ਵਾਲੇ ਮਿਆਂਮਾਰ, ਕੰਬੋਡੀਆ ਅਤੇ ਲਾਓਸ ਅਪਰਾਧਿਕ ਗਿਰੋਹਾਂ ਲਈ ਪਨਾਹਗਾਹ ਵਜੋਂ ਜਾਣੇ ਜਾਂਦੇ ਹਨ। ਅੰਦਾਜ਼ਾ ਲਗਾਇਆ ਜਾਂਦਾ ਹੈ ਕਿ ਇਨ੍ਹਾਂ ਅਪਰਾਧਿਕ ਗਿਰੋਹਾਂ ਨੇ ਦੱਖਣ-ਪੂਰਬੀ ਏਸ਼ੀਆ ਅਤੇ ਹੋਰ ਥਾਵਾਂ 'ਤੇ ਹਜ਼ਾਰਾਂ ਲੋਕਾਂ ਨੂੰ ਆਨਲਾਈਨ ਘੁਟਾਲੇ ਚਲਾਉਣ ਵਿੱਚ ਮਦਦ ਕਰਨ ਲਈ ਮਜਬੂਰ ਕੀਤਾ ਹੈ। ਸੰਯੁਕਤ ਰਾਸ਼ਟਰ ਦੇ ਮਾਹਿਰਾਂ ਅਨੁਸਾਰ, ਅਜਿਹੇ ਘੁਟਾਲਿਆਂ ਨੇ ਦੁਨੀਆ ਭਰ ਦੇ ਲੋਕਾਂ ਤੋਂ ਅਰਬਾਂ ਡਾਲਰ ਦੀ ਧੋਖਾਧੜੀ ਕੀਤੀ ਹੈ, ਜਦੋਂ ਕਿ ਇਨ੍ਹਾਂ ਧੋਖਾਧੜੀਆਂ ਨੂੰ ਅੰਜਾਮ ਦੇਣ ਲਈ ਭਰਤੀ ਕੀਤੇ ਗਏ ਲੋਕਾਂ ਨੂੰ ਅਕਸਰ ਨੌਕਰੀ ਦਿਵਾਉਣ ਦੇ ਨਾਮ 'ਤੇ ਧੋਖਾ ਦਿੱਤਾ ਜਾਂਦਾ ਹੈ ਅਤੇ ਇਨ੍ਹਾਂ ਕਾਰੋਬਾਰਾਂ ਵਿੱਚ ਫਸਾਇਆ ਜਾਂਦਾ ਹੈ।
ਇਹ ਵੀ ਪੜ੍ਹੋ: 'You Are Great, ਅਸੀਂ ਤੁਹਾਨੂੰ ਬਹੁਤ ਯਾਦ ਕਰਦੇ ਹਾਂ...',ਜਾਣੋ ਟਰੰਪ ਨੇ PM ਮੋਦੀ ਦੀ ਪ੍ਰਸ਼ੰਸਾ 'ਚ ਕੀ-ਕੀ ਕਿਹਾ
ਫੌਜ ਨੇ ਕਿਹਾ ਕਿ ਸਭ ਤੋਂ ਤਾਜ਼ਾ ਕਾਰਵਾਈ ਵਿੱਚ ਬਚਾਏ ਗਏ ਲੋਕ 20 ਦੇਸ਼ਾਂ ਤੋਂ ਸਨ, ਜਿਨ੍ਹਾਂ ਵਿੱਚ ਵੱਡੀ ਗਿਣਤੀ ਵਿੱਚ ਇਥੋਪੀਆ, ਕੀਨੀਆ, ਫਿਲੀਪੀਨਜ਼, ਮਲੇਸ਼ੀਆ, ਪਾਕਿਸਤਾਨ ਅਤੇ ਚੀਨ ਸ਼ਾਮਲ ਹਨ। ਫੌਜ ਦੇ ਅਨੁਸਾਰ, ਇਨ੍ਹਾਂ ਤੋਂ ਇਲਾਵਾ, ਬਚਾਏ ਗਏ ਲੋਕਾਂ ਵਿੱਚ ਇੰਡੋਨੇਸ਼ੀਆ, ਨੇਪਾਲ, ਤਾਈਵਾਨ, ਯੂਗਾਂਡਾ, ਲਾਓਸ, ਬ੍ਰਾਜ਼ੀਲ, ਬੁਰੂੰਡੀ, ਤਨਜ਼ਾਨੀਆ, ਬੰਗਲਾਦੇਸ਼, ਕੰਬੋਡੀਆ, ਸ਼੍ਰੀਲੰਕਾ, ਨਾਈਜੀਰੀਆ, ਘਾਨਾ ਅਤੇ ਭਾਰਤ ਦੇ ਨਾਗਰਿਕ ਵੀ ਸ਼ਾਮਲ ਹਨ। ਫੌਜ ਨੇ ਕਿਹਾ ਕਿ ਉਨ੍ਹਾਂ (ਬਚਾਏ ਗਏ ਲੋਕਾਂ) ਨੂੰ ਬੁੱਧਵਾਰ ਨੂੰ ਮਿਆਂਮਾਰ ਦੇ ਮਯਾਵਾਡੀ ਜ਼ਿਲ੍ਹੇ ਤੋਂ ਸਰਹੱਦ ਪਾਰ ਥਾਈਲੈਂਡ ਦੇ ਟਾਕ ਸੂਬੇ ਭੇਜਿਆ ਗਿਆ ਸੀ।
ਇਹ ਵੀ ਪੜ੍ਹੋ: Illegal migrants ਦੇ ਮੁੱਦੇ 'ਤੇ ਬੋਲੇ ਮੋਦੀ, ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ US 'ਚ ਰਹਿਣ ਦਾ ਕੋਈ ਅਧਿਕਾਰ ਨਹੀਂ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੋਪ ਫਰਾਂਸਿਸ ਹਸਪਤਾਲ 'ਚ ਦਾਖਲ
NEXT STORY 
