ਲਾਹੌਰ (ਏਜੰਸੀ)- ਜੇਲ੍ਹ ਵਿੱਚ ਬੰਦ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਕਿਹਾ ਹੈ ਕਿ ਬੱਚਾ-ਬੱਚਾ ਜਾਣਦਾ ਹੈ ਕਿ ਪਾਕਿਸਤਾਨ ਨੂੰ ਫੌਜ ਮੁਖੀ ਜਨਰਲ ਅਸੀਮ ਮੁਨੀਰ ਚਲਾ ਰਹੇ ਹਨ। ਖਾਨ ਨੇ 'ਐਕਸ' 'ਤੇ ਇਕ ਪੋਸਟ ਵਿਚ ਕਿਹਾ, 'ਮੈਂ ਡੀਜੀ ਆਈਐੱਸਪੀਆਰ (ਫੌਜੀ ਵਿੰਗ ਦੇ ਬੁਲਾਰੇ) ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਫੌਜ ਦੀ ਭਰੋਸੇਯੋਗਤਾ ਨੂੰ ਤਬਾਹ ਕੀਤਾ ਜਾ ਰਿਹਾ ਹੈ। ਭਾਵੇਂ ਫੌਜ ਰਾਜਨੀਤੀ ਵਿੱਚ ਦਖਲ ਨਾ ਦੇਣ ਦਾ ਦਾਅਵਾ ਕਰਦੀ ਹੈ, ਪਰ ਬੱਚਾ-ਬੱਚਾ ਵੀ ਜਾਣਦਾ ਹੈ ਕਿ ਫੌਜ ਮੁਖੀ ਦੇਸ਼ ਚਲਾ ਰਹੇ ਹਨ।'
ਖਾਨ, ਜੋ ਅਗਸਤ 2023 ਤੋਂ ਵੱਖ-ਵੱਖ ਮਾਮਲਿਆਂ ਵਿੱਚ ਜੇਲ੍ਹ ਵਿੱਚ ਹੈ, ਨੇ ਕਿਹਾ, "ਦੇਸ਼ ਨੂੰ (ਗ੍ਰਹਿ ਮੰਤਰੀ ਅਤੇ ਪੀਸੀਬੀ ਚੇਅਰਮੈਨ) ਮੋਹਸਿਨ ਨਕਵੀ ਵਰਗੇ ਦਲਾਲਾਂ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ, ਜਿਨ੍ਹਾਂ ਨੇ ਕਦੇ ਕੌਂਸਲਰ ਦੀ ਚੋਣ ਵੀ ਨਹੀਂ ਲੜੀ ਪਰ ਹੁਣ ਉਹ ਕ੍ਰਿਕਟ ਤੋਂ ਲੈ ਕੇ ਅੰਦਰੂਨੀ ਅਤੇ ਬਾਹਰੀ ਮਾਮਲਿਆਂ ਤੱਕ ਹਰ ਚੀਜ਼ ਨੂੰ ਕੰਟਰੋਲ ਕਰਦੇ ਹਨ। ਪੂਰਾ ਦੇਸ਼ ਦਮਨ ਅਤੇ ਫਾਸੀਵਾਦ ਦੀ ਜਕੜ ਵਿੱਚ ਹੈ।" ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ਼ (ਪੀ.ਟੀ.ਆਈ.) ਪਾਰਟੀ ਦੇ ਸੰਸਥਾਪਕ ਖਾਨ ਨੇ ਕਿਹਾ ਕਿ ਸਭ ਤੋਂ ਵੱਡੇ ਮਨੀ ਲਾਂਡਰਰ - ਸ਼ਰੀਫ ਅਤੇ ਜ਼ਰਦਾਰੀ - ਨੂੰ ਦੇਸ਼ 'ਤੇ ਥੋਪਿਆ ਗਿਆ ਹੈ।
ਟਰੰਪ ਨੇ ਪਲਾਸਟਿਕ ਸਟ੍ਰਾਅ ਦੀ ਵਰਤੋਂ 'ਤੇ ਦਿੱਤਾ ਜ਼ੋਰ, ਹੁਕਮ 'ਤੇ ਕੀਤੇ ਦਸਤਖਤ
NEXT STORY 
