ਵਾਸ਼ਿੰਗਟਨ : ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਦੁਨੀਆ ਵਿੱਚ ਆਈ ਇੱਕ ਨਵੀਂ ਕ੍ਰਾਂਤੀ ਨੇ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿੱਚ ਹਾਹਾਕਾਰ ਮਚਾ ਦਿੱਤੀ ਹੈ। Anthropic ਕੰਪਨੀ ਵੱਲੋਂ ਲਾਂਚ ਕੀਤੇ ਗਏ ਇੱਕ ਨਵੇਂ AI ਟੂਲ ਕਾਰਨ ਮਾਰਕੀਟ ਵਿੱਚੋਂ 285 ਅਰਬ ਡਾਲਰ (ਲਗਭਗ 26,129 ਅਰਬ ਰੁਪਏ) ਸਾਫ ਹੋ ਗਏ ਹਨ। ਇਸ ਟੂਲ ਦੀ ਐਂਟਰੀ ਨੇ ਖਾਸ ਤੌਰ 'ਤੇ ਸਾਫਟਵੇਅਰ, ਲੀਗਲ ਟੈਕ (ਕਾਨੂੰਨੀ ਤਕਨੀਕ) ਅਤੇ ਵਿੱਤੀ ਸੇਵਾਵਾਂ ਵਾਲੇ ਸਟਾਕਸ ਨੂੰ ਬੁਰੀ ਤਰ੍ਹਾਂ ਹਿਲਾ ਕੇ ਰੱਖ ਦਿੱਤਾ ਹੈ।
ਕਿਉਂ ਮਚਿਆ ਬਾਜ਼ਾਰ 'ਚ ਹੰਗਾਮਾ?
Anthropic ਨੇ ਆਪਣੇ ਏਜੰਟਿਕ AI ਅਸਿਸਟੈਂਟ 'Claude Cowork' ਲਈ 11 ਨਵੇਂ ਓਪਨ ਸੋਰਸ ਪਲੱਗਇਨ ਲਾਂਚ ਕੀਤੇ ਹਨ। ਹੁਣ ਤੱਕ ਬਾਜ਼ਾਰ ਵਿੱਚ ਆਉਣ ਵਾਲੇ ਜ਼ਿਆਦਾਤਰ AI ਟੂਲਜ਼ ਦਾ ਫੋਕਸ ਕੋਡਿੰਗ ਵਰਗੇ ਕੰਮਾਂ 'ਤੇ ਸੀ, ਪਰ ਇਹ ਨਵਾਂ ਟੂਲ ਨਾਨ-ਕੋਡਿੰਗ (Non-coding) ਕੰਮਾਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ। ਇਸ ਦੀ ਮਦਦ ਨਾਲ ਕੰਪਨੀਆਂ ਆਪਣੇ ਕਈ ਰੋਜ਼ਾਨਾ ਦੇ ਕੰਮਾਂ ਨੂੰ ਆਟੋਮੇਟ (ਖੁਦਚਾਲਿਤ) ਕਰ ਸਕਦੀਆਂ ਹਨ।
ਵੱਡੀਆਂ ਕੰਪਨੀਆਂ ਲਈ ਬਣਿਆ ਵੱਡਾ ਖ਼ਤਰਾ
ਇਸ AI ਟੂਲ ਦੇ ਆਉਣ ਨਾਲ ਆਈ.ਟੀ. (IT) ਕੰਪਨੀਆਂ ਵਿੱਚ ਹੜਕੰਪ ਮਚ ਗਿਆ ਹੈ ਅਤੇ ਕਈ ਕੰਪਨੀਆਂ ਦੇ ਸਟਾਕ 25 ਫੀਸਦੀ ਤੱਕ ਡਿੱਗ ਗਏ ਹਨ। ਇਹ ਟੂਲ ਫਾਈਲਾਂ ਨੂੰ ਪੜ੍ਹਨ, ਫੋਲਡਰਾਂ ਨੂੰ ਵਿਵਸਥਿਤ ਕਰਨ, ਦਸਤਾਵੇਜ਼ ਡਰਾਫਟ ਕਰਨ ਅਤੇ ਯੂਜ਼ਰ ਲਈ ਕਈ ਪੜਾਵਾਂ ਵਾਲੇ ਗੁੰਝਲਦਾਰ ਕੰਮਾਂ ਨੂੰ ਪੂਰਾ ਕਰਨ ਵਿੱਚ ਸਮਰੱਥ ਹੈ।
ਸੂਤਰਾਂ ਮੁਤਾਬਕ, ਸਭ ਤੋਂ ਵੱਡਾ ਖ਼ਤਰਾ ਇਹ ਹੈ ਕਿ Anthropic ਹੁਣ ਸਿਰਫ਼ AI ਮਾਡਲ ਹੀ ਨਹੀਂ ਵੇਚ ਰਹੀ, ਸਗੋਂ ਉਸ ਨੇ ਵਰਕਫਲੋ (Workflow) ਸੇਵਾਵਾਂ 'ਤੇ ਆਪਣਾ ਅਧਿਕਾਰ ਜਮਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਉਦਾਹਰਣ ਵਜੋਂ, ਜੇਕਰ Anthropic ਸਿੱਧੇ ਤੌਰ 'ਤੇ ਰੈਡੀਮੇਡ ਹੱਲ ਵੇਚਣਾ ਸ਼ੁਰੂ ਕਰਦੀ ਹੈ, ਤਾਂ ਉਹ Thomson Reuters ਵਰਗੀਆਂ ਵੱਡੀਆਂ ਸੇਵਾ ਪ੍ਰਦਾਤਾ ਕੰਪਨੀਆਂ ਲਈ ਸਹਿਯੋਗੀ ਦੀ ਬਜਾਏ ਇੱਕ ਵੱਡਾ ਮੁਕਾਬਲੇਬਾਜ਼ (Competition) ਬਣ ਜਾਵੇਗੀ। ਇਹੀ ਕਾਰਨ ਹੈ ਕਿ ਨਿਵੇਸ਼ਕਾਂ ਵਿੱਚ ਡਰ ਦਾ ਮਾਹੌਲ ਹੈ ਅਤੇ ਬਾਜ਼ਾਰ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਇਨ੍ਹਾਂ ਕੰਮਾਂ 'ਤੇ ਪਵੇਗਾ ਸਭ ਤੋਂ ਵੱਧ ਅਸਰ:
• ਦਸਤਾਵੇਜ਼ ਤਿਆਰ ਕਰਨਾ: ਆਪਣੇ ਆਪ ਦਸਤਾਵੇਜ਼ ਡਰਾਫਟ ਕਰਨਾ।
• ਡੇਟਾ ਪ੍ਰਬੰਧਨ: ਫਾਈਲਾਂ ਅਤੇ ਫੋਲਡਰਾਂ ਨੂੰ ਆਰਗੇਨਾਈਜ਼ ਕਰਨਾ।
• ਕਾਨੂੰਨੀ ਕੰਮ: ਲੀਗਲ ਵਰਕਫਲੋ ਨੂੰ ਆਟੋਮੇਟ ਕਰਨਾ।
• ਵਿੱਤੀ ਸੇਵਾਵਾਂ: ਕੰਪਨੀਆਂ ਦੇ ਮਲਟੀ-ਸਟੈਪ ਟਾਸਕ ਪੂਰੇ ਕਰਨਾ।
ਬਰੈਂਪਟਨ 'ਚ ਗਣਤੰਤਰ ਦਿਵਸ ਨੂੰ ਸਮਰਪਿਤ ਸਮਾਗਮ, ਹਿਮਕੈਨ ਨੂੰ 'ਸਰਵੋਤਮ ਝਾਂਕੀ' ਪੁਰਸਕਾਰ
NEXT STORY 
