ਇੰਟਰਨੈਸ਼ਨਲ ਡੈਸਕ- ਅੱਜ-ਕੱਲ ਲੋਕ ਅਕਸਰ ਹੀ ਮੰਜ਼ਿਲ 'ਤੇ ਜਲਦੀ ਪਹੁੰਚਣ ਲਈ ਜਹਾਜ਼ਾਂ ਰਾਹੀਂ ਸਫ਼ਰ ਕਰਦੇ ਹਨ। ਇਸੇ ਦੌਰਾਨ ਕਈ ਵਾਰ ਜਹਾਜ਼ ਦੇ ਸਫ਼ਰ 'ਚ ਅਜਿਹੀਆਂ ਘਟਨਾਵਾਂ ਵੀ ਵਾਪਰ ਜਾਂਦੀਆਂ ਹਨ, ਜੋ ਇਤਿਹਾਸ 'ਚ ਦਰਜ ਹੋ ਜਾਂਦੀਆਂ ਹਨ।
ਇਸੇ ਤਰ੍ਹਾਂ ਨੇਪਾਲ ਤੋਂ ਇਕ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਕਤਰ ਏਅਰਵੇਜ਼ 'ਚ ਇਕ ਯਾਤਰੀ 'ਤੇ ਡੁੱਲ੍ਹੀ ਕੌਫ਼ੀ ਦੇ ਏਅਰਲਾਈਨ ਨੂੰ 1.90 ਲੱਖ ਅਮਰੀਕੀ ਡਾਲਰ (ਕਰੀਬ 2.61 ਕਰੋੜ ਨੇਪਾਲੀ ਰੁਪਏ) 'ਚ ਪੈ ਗਈ, ਜਿਸ ਦਾ ਕੰਪਨੀ ਨੂੰ ਯਾਤਰੀ ਵੱਲ ਭੁਗਤਾਨ ਕਰਨਾ ਪਿਆ। ਅਦਾਲਤ ਵੱਲੋਂ ਸੁਣਾਇਆ ਗਿਆ ਇਹ ਫ਼ੈਸਲਾ ਫਲਾਈਟ ਦੌਰਾਨ ਕੈਬਿਨ ਕ੍ਰੂ ਦੀ ਲਾਪਰਵਾਹੀ ਕਾਰਨ ਮਹਿਲਾ ਯਾਤਰੀ 'ਤੇ ਗਰਮ ਕੌਫ਼ੀ ਡਿੱਗਣ ਅਤੇ ਉਸ ਦੇ ਬੁਰੀ ਤਰ੍ਹਾਂ ਝੁਲਸ ਜਾਣ ਦੇ ਮਾਮਲੇ ਵਿੱਚ ਆਇਆ ਹੈ।
ਇਹ ਘਟਨਾ ਅੱਜ ਤੋਂ ਕਰੀਬ 3 ਸਾਲ ਪਹਿਲਾਂ ਵਾਪਰੀ ਸੀ, ਜਦੋਂ ਲਲਿਤਪੁਰ (ਨੇਪਾਲ) ਦੀ ਰਹਿਣ ਵਾਲੀ ਪ੍ਰੀਤੀ ਥਾਪਾ ਨੇ ਮਈ 2023 ਵਿੱਚ ਕਤਰ ਏਅਰਵੇਜ਼ ਤੋਂ ਕਾਠਮੰਡੂ-ਦੋਹਾ-ਬੋਸਟਨ ਦੀ ਰਿਟਰਨ ਟਿਕਟ ਲਈ ਸੀ। 10 ਜੁਲਾਈ 2023 ਨੂੰ ਜਦੋਂ ਉਹ ਬੋਸਟਨ ਤੋਂ ਵਾਪਸ ਆ ਰਹੀ ਸੀ, ਤਾਂ ਫਲਾਈਟ (QR 744) 'ਚ ਕੈਬਿਨ ਕਰੂ ਗਰਮ ਕੌਫ਼ੀ ਪਰੋਸ ਰਿਹਾ ਸੀ, ਜਿਸ ਦਾ ਇਕ ਕੱਪ ਪ੍ਰੀਤੀ 'ਤੇ ਜਾ ਡਿੱਗਾ।
ਕੌਫ਼ੀ ਡਿੱਗਣ ਕਾਰਨ ਪ੍ਰੀਤੀ ਦੇ ਪੇਟ, ਲੱਤਾਂ ਅਤੇ ਸਰੀਰ ਦੇ ਕੁਝ ਹੋਰ ਹਿੱਸੇ ਬੁਰੀ ਤਰ੍ਹਾਂ ਝੁਲਸ ਗਏ। ਦੋਹਾ ਦੇ ਹਮਦ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਉਤਰਨ ਤੋਂ ਬਾਅਦ ਡਾਕਟਰਾਂ ਨੇ ਇਸ ਨੂੰ 'ਸੈਕਿੰਡ ਡਿਗਰੀ ਬਰਨ' ਐਲਾਨ ਕੇ ਇਸ ਦਾ ਇਲਾਜ ਸ਼ੁਰੂ ਕੀਤਾ। ਨੇਪਾਲ ਪਰਤਣ ਤੋਂ ਬਾਅਦ ਵੀ ਕੀਰਤੀਪੁਰ ਹਸਪਤਾਲ ਵਿੱਚ ਪ੍ਰੀਤੀ ਦਾ ਲੰਬਾ ਇਲਾਜ ਚੱਲਿਆ।
ਇਹ ਵੀ ਪੜ੍ਹੋ- ਸਕਿਓਰਿਟੀ ਗਾਰਡ ਰਾਤੋ-ਰਾਤ ਬਣ ਗਿਆ ਕਰੋੜਪਤੀ ! ਖ਼ਬਰ ਪੜ੍ਹ ਤੁਸੀਂ ਵੀ ਕਹੋਗੇ- 'ਕਿਸਮਤ ਹੋਵੇ ਤਾਂ ਐਸੀ'
ਪੀੜਤਾ ਨੇ ਪਹਿਲਾਂ ਕਤਰ ਏਅਰਵੇਜ਼ ਤੋਂ ਇਲਾਜ ਦੇ ਖਰਚੇ ਅਤੇ ਮੁਆਵਜ਼ੇ ਦੀ ਮੰਗ ਕੀਤੀ ਸੀ, ਪਰ ਏਅਰਲਾਈਨ ਨੇ ਲੰਬੇ ਸਮੇਂ ਤੱਕ ਇਸ 'ਤੇ ਕੋਈ ਧਿਆਨ ਨਹੀਂ ਦਿੱਤਾ ਅਤੇ ਅਪ੍ਰੈਲ 2025 ਵਿੱਚ ਅਧਿਕਾਰਤ ਤੌਰ 'ਤੇ ਮੁਆਵਜ਼ਾ ਦੇਣ ਤੋਂ ਨਾਂਹ ਕਰ ਦਿੱਤੀ। ਇਸ ਤੋਂ ਬਾਅਦ ਪ੍ਰੀਤੀ ਨੇ ਉਪਭੋਗਤਾ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ। ਕਤਰ ਏਅਰਵੇਜ਼ ਨੇ ਅਦਾਲਤ 'ਚ ਦਾਅਵਾ ਕੀਤਾ ਕਿ ਇਹ ਉਨ੍ਹਾਂ ਦੀ ਗਲਤੀ ਨਹੀਂ ਸੀ, ਬਲਕਿ ਯਾਤਰੀ ਦੀ ਆਪਣੀ ਅਣਗਹਿਲੀ ਕਾਰਨ ਕੌਫ਼ੀ ਡਿੱਗੀ ਸੀ। ਪਰ ਅਦਾਲਤ ਨੇ ਏਅਰਲਾਈਨ ਦੀ ਇਸ ਦਲੀਲ ਨੂੰ ਰੱਦ ਕਰ ਦਿੱਤਾ।
ਅਦਾਲਤ ਦੇ ਚੇਅਰਮੈਨ ਦਿਵਾਕਰ ਭੱਟ ਅਤੇ ਮੈਂਬਰ ਗਹੇਂਦਰ ਰਾਜ ਰੇਗਮੀ ਅਤੇ ਆਨੰਦ ਰਾਜ ਪੋਖਰੈਲ ਦੇ ਬੈਂਚ ਨੇ ਅੰਤਰਰਾਸ਼ਟਰੀ ਹਵਾਈ ਆਵਾਜਾਈ ਦੇ 'ਮਾਂਟਰੀਅਲ ਕਨਵੈਨਸ਼ਨ' ਦੀ ਧਾਰਾ 21(1) ਤਹਿਤ 24,192,406 ਨੇਪਾਲੀ ਰੁਪਏ ਅਤੇ ਨੇਪਾਲ ਦੇ 'ਉਪਭੋਗਤਾ ਸੁਰੱਖਿਆ ਐਕਟ' ਤਹਿਤ ਵਾਧੂ 20 ਲੱਖ ਨੇਪਾਲੀ ਰੁਪਏ (ਕੁੱਲ 26,192,406 ਰੁਪਏ) ਦਾ ਮੁਆਵਜ਼ਾ ਦੇਣ ਦਾ ਫੈਸਲਾ ਸੁਣਾਇਆ।
ਇਹ ਫੈਸਲਾ ਫਿਲਹਾਲ ਨੇਪਾਲ ਦੀ ਕੰਜ਼ਿਊਮਰ ਕੋਰਟ ਵੱਲੋਂ ਦਿੱਤਾ ਗਿਆ ਹੈ। ਨਿਯਮਾਂ ਮੁਤਾਬਕ, ਕਤਰ ਏਅਰਵੇਜ਼ ਕੋਲ ਅਜੇ ਇਸ ਫੈਸਲੇ ਖਿਲਾਫ ਨੇਪਾਲ ਦੀ ਉਪਰਲੀ ਅਦਾਲਤ ਵਿੱਚ ਅਪੀਲ ਕਰਨ ਦਾ ਰਾਹ ਖੁੱਲ੍ਹਾ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਕੀ ਏਅਰਲਾਈਨ ਕੰਜ਼ਿਊਮਰ ਕੋਰਟ ਦੇ ਫ਼ੈਸਲੇ ਨੂੰ ਉਪਰਲੀ ਅਦਾਲਤ 'ਚ ਚੁਣੌਤੀ ਦਿੰਦੀ ਹੈ ਜਾਂ ਫਿਰ ਯਾਤਰੀ ਨੂੰ ਇਹ ਮੁਆਵਜ਼ੇ ਦੀ ਰਾਸ਼ੀ ਦੇਣ ਲਈ ਤਿਆਰ ਹੁੰਦੀ ਹੈ।
ਇਹ ਵੀ ਪੜ੍ਹੋ- ਇਰਾਨ ਨੇ ਅਮਰੀਕਾ ਨਾਲ ਮੁੜ ਲਿਆ 'ਪੰਗਾ' ! ਜਾਰਡਨ, ਬਹਿਰੀਨ, ਕੁਵੈਤ ਸਣੇ 21 ਥਾਂਈਂ ਕਰ'ਤਾ ਹਮਲਾ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮਾਲਾਮਾਲ ਹੋਇਆ ਪਾਕਿਸਤਾਨ ! ਮਈ ਮਹੀਨੇ 'ਚ ਆਏ ਰਿਕਾਰਡ 4.25 ਅਰਬ ਡਾਲਰ
NEXT STORY 
