ਸਿਡਨੀ (ਬਿਊਰੋ): ਕੋਰੋਨਾ ਦੀ ਮਾਰ ਝੱਲ ਰਹੇ ਆਸਟ੍ਰੇਲੀਆ ਤੋਂ ਇਕ ਰਾਹਤ ਭਰੀ ਖ਼ਬਰ ਹੈ। ਜਾਣਕਾਰੀ ਮੁਤਾਬਕ, ਨਿਊ ਸਾਊਥ ਵੇਲਜ਼ ਵਿਚ ਅੱਜ ਲਗਾਤਾਰ 10ਵਾਂ ਦਿਨ ਹੈ ਜਦੋਂ ਕੋਰੋਨਾ ਦੇ ਸਥਾਨਕ ਟ੍ਰਾਂਸਮਿਸ਼ਨ ਦਾ ਕੋਈ ਵੀ ਮਾਮਲਾ ਦਰਜ ਨਹੀਂ ਕੀਤਾ ਗਿਆ। ਇਸ ਦੇ ਨਾਲ ਰਾਜ ਵਿਚ ਕੋਰੋਨਾ ਟੈਸਟਾਂ ਦੀ ਗਿਣਤੀ ਵੀ ਕਾਫੀ ਘਟੀ ਹੋਈ ਹੈ। ਬੀਤੇ 24 ਘੰਟਿਆਂ ਦੌਰਾਨ ਸਿਰਫ 9723 ਕੋਰੋਨਾ ਟੈਸਟ ਹੀ ਕੀਤੇ ਗਏ ਹਨ ਜੋ ਕਿ ਇਸ ਤੋਂ ਪਹਿਲਾਂ ਬੀਤੇ ਸਮੇਂ ਵਿਚ 7819 ਤੋਂ ਥੋੜ੍ਹਾ ਹੀ ਜ਼ਿਆਦਾ ਹਨ ਜਦੋਂ ਕਿ ਰਾਜ ਸਰਕਾਰ ਨੇ ਟੈਸਟਾਂ ਦੀ ਮਿਕਦਾਰ 25,000 ਤੋਂ 30,000 ਤੱਕ ਦੀ ਮਿੱਥੀ ਹੋਈ ਸੀ। ਹੁਣ ਸਰਕਾਰ ਵੱਲੋਂ ਕੁਝ ਪਾਬੰਦੀਆਂ ਵਿਚ ਛੋਟ ਦੇਣ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਐਨ.ਐਸ.ਡਬਲਊ. ਵਿਚ ਕੋਰੋਨਾਵਾਇਰਸ ਪਾਬੰਦੀਆਂ ਇਸ ਸ਼ੁੱਕਰਵਾਰ ਤੋਂ ਢਿੱਲ ਦਿੱਤੀ ਜਾਵੇਗੀ ਅਤੇ ਘਰਾਂ ਵਿਚ 30 ਤੋਂ ਜ਼ਿਆਦਾ ਲੋਕਾਂ ਦੀ ਇਜਾਜ਼ਤ ਹੋਵੇਗੀ ਜਦਕਿ ਕੁਝ ਘਰੇਲੂ ਸੈਟਿੰਗਾਂ ਵਿਚ ਮਾਸਕ ਲਾਜ਼ਮੀ ਨਹੀਂ ਹੋਣਗੇ। ਸ਼ੁੱਕਰਵਾਰ ਸਵੇਰੇ 12.01 ਵਜੇ ਤੋਂ, ਬਹੁਤ ਸਾਰੇ ਨਿਯਮਾਂ ਵਿਚ ਤਬਦੀਲੀ ਹੋਵੇਗੀ। ਐਨ.ਐਸ.ਡਬਲਊ. ਪ੍ਰੀਮੀਅਰ ਗਲੇਡਜ਼ ਬੇਰੇਜਿਕਲਿਅਨ ਨੇ ਘੋਸ਼ਣਾ ਕੀਤੀ ਕਿ 30 ਤੋਂ ਵੱਧ ਲੋਕਾਂ ਨੂੰ ਬੱਚਿਆਂ ਸਣੇ ਇੱਕ ਘਰ ਵਿੱਚ ਜਾਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ ਅਤੇ 50 ਲੋਕ ਬਾਹਰੀ ਪ੍ਰੋਗਰਾਮ ਵਿਚ ਸ਼ਾਮਲ ਹੋ ਸਕਦੇ ਹਨ ਜਿਵੇਂਕਿ ਪਿਕਨਿਕ।
ਚਾਰ-ਵਰਗ-ਮੀਟਰ ਦੇ ਨਿਯਮ ਦੇ ਅਧੀਨ ਹੁਣ ਲੱਗਭਗ 300 ਲੋਕ ਵਿਆਹਾਂ ਵਿਚ ਭਾਗ ਲੈ ਸਕਦੇ ਹਨ।
ਪੜ੍ਹੋ ਇਹ ਅਹਿਮ ਖਬਰ- ਬਾਈਡੇਨ ਪ੍ਰਸ਼ਾਸਨ ਨਾਲ ਕੰਮ ਕਰਨ ਲਈ ਉਤਸ਼ਾਹਿਤ ਹਾਂ : ਸੰਧੂ
ਚਾਰ-ਵਰਗ-ਮੀਟਰ ਦੇ ਨਿਯਮ ਦੇ ਅਧੀਨ ਪ੍ਰਾਹੁਣਚਾਰੀ ਵਾਲੇ ਸਥਾਨਾਂ ਜਾਂ ਪੂਜਾ ਸਥਾਨਾਂ 'ਤੇ ਲੋਕਾਂ ਦੀ ਸੰਖਿਆ' ਤੇ ਕੋਈ ਪਾਬੰਦੀ ਨਹੀਂ ਹੈ। ਜਨਤਕ ਆਵਾਜਾਈ ਅਤੇ ਪੂਜਾ ਸਥਾਨਾਂ 'ਤੇ ਮਾਸਕ ਲਾਜ਼ਮੀ ਰਹਿਣਗੇ ਪਰ ਸੁਪਰਮਾਰਕੀਟਾਂ ਅਤੇ ਹੋਰ ਪ੍ਰਚੂਨ ਅਤੇ ਪ੍ਰਾਹੁਣਚਾਰੀ ਸਥਾਨਾਂ 'ਤੇ ਵਿਕਲਪ ਬਣਾਏ ਜਾਣਗੇ। ਸਿਹਤ ਅਧਿਕਾਰੀ ਡਾਕਟਰ ਜੈਰੇਮੀ ਮੈਕਅਨਲਟੀ ਨੇ ਕਿਹਾ ਕਿ ਲੋਕਾਂ ਨੂੰ ਆਪਣੇ ਕੋਰੋਨਾ ਟੈਸਟ ਕਰਵਾ ਲੈਣੇ ਚਾਹੀਦੇ ਹਨ ਤਾਂ ਜੋ ਅਸਲ ਸਥਿਤੀਆਂ ਅਤੇ ਅੰਕੜਿਆਂ ਦਾ ਸਹੀ ਤੌਰ ਤੇ ਮੁਲਾਂਕਣ ਕੀਤਾ ਜਾ ਸਕੇ। ਬੀਤੇ 24 ਘੰਟਿਆਂ ਦੌਰਾਨ ਹੀ ਹੋਟਲ ਕੁਆਰੰਟੀਨ ਦੇ ਮਾਮਲਿਆਂ ਵਿਚ 2 ਦਾ ਇਜਾਫ਼ਾ ਹੋਇਆ ਹੈ ਅਤੇ ਇਸ ਤਰ੍ਹਾਂ ਨਾਲ ਰਾਜ ਵਿਚ ਕੁੱਲ ਕੋਰੋਨਾ ਮਾਮਲਿਆਂ ਦੀ ਗਿਣਤੀ 4904 ਹੋ ਗਈ ਹੈ।
ਨੋਟ- ਉਕਤ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
ਕੁਝ ਕਿਸਾਨਾਂ ਤੇ ਪੁਲਸ ਵਿਚਕਾਰ ਹੋਈ ਝੜਪ ਕਾਰਨ ਹੋਈ ਨਿਰਾਸ਼ਾ : ਤਨਮਨਜੀਤ ਢੇਸੀ
NEXT STORY 
