ਇਸਲਾਮਾਬਾਦ (ਭਾਸ਼ਾ)- ਅਜ਼ਰਬਾਈਜਾਨ ਨੇ ਕਥਿਤ ਤੌਰ 'ਤੇ 1.6 ਅਰਬ ਅਮਰੀਕੀ ਡਾਲਰ ਦੇ ਸੌਦੇ ਤਹਿਤ ਪਾਕਿਸਤਾਨ ਤੋਂ ਬਹੁ-ਰੋਲ ਜੇਐਫ-17 ਬਲਾਕ-3 ਲੜਾਕੂ ਜਹਾਜ਼ ਖਰੀਦੇ ਹਨ। ਇਹ ਜਾਣਕਾਰੀ ਸ਼ੁੱਕਰਵਾਰ ਨੂੰ ਇਕ ਮੀਡੀਆ ਖ਼ਬਰ 'ਚ ਦਿੱਤੀ ਗਈ। ਪਾਕਿਸਤਾਨੀ ਫੌਜ ਨੇ ਇਕ ਬਿਆਨ 'ਚ ਕਿਹਾ ਕਿ ਹਾਲ ਹੀ 'ਚ ਅਜ਼ਰਬਾਈਜਾਨ ਨੂੰ ਜੇਐੱਫ-17 ਬਲਾਕ-3 ਲੜਾਕੂ ਜਹਾਜ਼ ਵੇਚਣ ਦਾ ਇਕਰਾਰਨਾਮਾ ਕੀਤਾ ਗਿਆ ਹੈ। 'ਡਾਨ' ਅਖ਼ਬਾਰ ਦੀ ਖਬਰ ਮੁਤਾਬਕ ਮੰਨਿਆ ਜਾ ਰਿਹਾ ਹੈ ਕਿ ਇਹ ਸਮਝੌਤਾ ਇਸ ਸਾਲ ਫਰਵਰੀ 'ਚ ਹੋਇਆ ਸੀ।
ਅਜ਼ਰਬਾਈਜਾਨ ਮੀਡੀਆ ਰਿਪੋਰਟਾਂ ਦਾ ਦਾਅਵਾ ਹੈ ਕਿ ਜਹਾਜ਼ਾਂ, ਹਥਿਆਰਾਂ ਅਤੇ ਸਿਖਲਾਈ ਲਈ 1.6 ਬਿਲੀਅਨ ਅਮਰੀਕੀ ਡਾਲਰ ਸੌਦੇ 'ਤੇ ਹਸਤਾਖਰ ਕੀਤੇ ਗਏ ਹਨ। ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ ਕਿ ਸੌਦੇ ਦੇ ਤਹਿਤ ਕਿੰਨੇ ਜਹਾਜ਼ ਖਰੀਦੇ ਗਏ ਸਨ। ਅਜ਼ਰਬਾਈਜਾਨ ਦੇ ਰਾਸ਼ਟਰਪਤੀ ਦਫਤਰ ਨੇ ਬੁੱਧਵਾਰ ਨੂੰ ਹੈਦਰ ਅਲੀਯੇਵ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਜਹਾਜ਼ ਨੂੰ ਰਸਮੀ ਤੌਰ 'ਤੇ ਰਾਸ਼ਟਰਪਤੀ ਇਲਹਾਮ ਅਲੀਯੇਵ ਨੂੰ ਸੌਂਪਣ ਤੋਂ ਬਾਅਦ ਇੱਕ ਬਿਆਨ ਵਿੱਚ ਕਿਹਾ,"ਇਹ ਜਹਾਜ਼ ਪਹਿਲਾਂ ਹੀ ਅਜ਼ਰਬਾਈਜਾਨ ਏਅਰ ਫੋਰਸ ਦੇ ਬੇੜੇ ਵਿੱਚ ਸ਼ਾਮਲ ਕੀਤੇ ਗਏ ਹਨ।"
ਪੜ੍ਹੋ ਇਹ ਅਹਿਮ ਖ਼ਬਰ-ਸਕੂਲ ਦੀ ਬੇਰਹਿਮੀ, ਛੋਟੀ ਜਿਹੀ ਗੱਲ 'ਤੇ ਵਿਦਿਆਰਥੀ ਤੋਂ 1000 ਲੋਕਾਂ ਤੋਂ ਮੰਗਵਾਈ ਮੁਆਫ਼ੀ
ਰਾਸ਼ਟਰਪਤੀ ਅਲੀਯੇਵ ਨੂੰ ਬਾਕੂ ਵਿੱਚ ਅਜ਼ਰਬਾਈਜਾਨ ਅੰਤਰਰਾਸ਼ਟਰੀ ਰੱਖਿਆ ਪ੍ਰਦਰਸ਼ਨੀ 2024 ਦੇ ਮੌਕੇ 'ਤੇ ਆਯੋਜਿਤ ਸਮਾਰੋਹ ਵਿੱਚ ਜੈੱਟ ਦੇ ਅਤਿ-ਆਧੁਨਿਕ ਰਣਨੀਤਕ ਅਤੇ ਤਕਨੀਕੀ ਵਿਸ਼ੇਸ਼ਤਾਵਾਂ, ਸੰਚਾਲਨ ਦਿਸ਼ਾ ਨਿਰਦੇਸ਼ਾਂ ਅਤੇ ਮੁੱਖ ਪ੍ਰਦਰਸ਼ਨ ਸੂਚਕਾਂ ਬਾਰੇ ਜਾਣਕਾਰੀ ਦਿੱਤੀ ਗਈ। ਰਾਸ਼ਟਰਪਤੀ ਅਲੀਯੇਵ ਦੀ JF-17C ਬਲਾਕ-3 ਲੜਾਕੂ ਜਹਾਜ਼ ਦੇ ਅੰਦਰ ਬੈਠੇ ਦੀ ਕੇ ਫੋਟੋ ਖਿੱਚੀ ਗਈ। ਜਹਾਜ਼ ਦਾ ਮੁਆਇਨਾ ਕਰਨ ਤੋਂ ਇਲਾਵਾ, ਉਸਨੇ ਹਵਾਈ ਪ੍ਰਦਰਸ਼ਨਾਂ ਨੂੰ ਵੀ ਦੇਖਿਆ, ਜੋ ਲੜਾਕੂ ਜਹਾਜ਼ਾਂ ਦੀ ਸਮਰੱਥਾ ਅਤੇ ਚਾਲ-ਚਲਣ ਦਾ ਪ੍ਰਦਰਸ਼ਨ ਕਰਦਾ ਸੀ। ਮਿਆਂਮਾਰ ਅਤੇ ਨਾਈਜੀਰੀਆ ਤੋਂ ਬਾਅਦ ਅਜ਼ਰਬਾਈਜਾਨ ਪਾਕਿਸਤਾਨ ਤੋਂ JF-17 ਲੜਾਕੂ ਜਹਾਜ਼ ਖਰੀਦਣ ਵਾਲਾ ਤੀਜਾ ਦੇਸ਼ ਬਣ ਗਿਆ ਹੈ। ਲੰਬੇ ਸਮੇਂ ਤੋਂ ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ਇਰਾਕ ਵੀ ਪਾਕਿਸਤਾਨ ਤੋਂ JF-17 ਖਰੀਦਣ 'ਤੇ ਵਿਚਾਰ ਕਰ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮੁਲਾਜ਼ਮਾਂ ਦੀ ਸਿਰਜਣਾਤਮਕ ਊਰਜਾ ਨੂੰ ਉਤੇਜਿਤ ਕਰਨ ’ਚ ਇਕ ਪ੍ਰੇਰਣਾ ਸ਼ਕਤੀ ਰਿਹੈ ਅਵਾਰਡ
NEXT STORY 
