ਇੰਟਰਨੈਸ਼ਨਲ ਡੈਸਕ- ਇਰਾਨ ਸਮਰਥਿਤ ਯਮਨ ਦੇ ਹੂਤੀ ਬਾਗੀਆਂ ਨੇ ਵੱਡਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਨੇ ਯਮਨ ਦੇ ਮਾਰਿਬ ਸੂਬੇ ਵਿਚ ਸਾਊਦੀ ਅਰਬ ਦਾ ਇਕ ਐੱਫ-15 ਲੜਾਕੂ ਜਹਾਜ਼ ਮਾਰ ਡੇਗਣ ਦਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਅਨੁਸਾਰ, ਇਹ ਜਹਾਜ਼ ਸਥਾਨਕ ਪੱਧਰ ’ਤੇ ਬਣਾਈ ਗਈ ਜ਼ਮੀਨ ਤੋਂ ਹਵਾ ਵਿਚ ਮਾਰ ਕਰਨ ਵਾਲੀ ਮਿਜ਼ਾਈਲ ਨਾਲ ਡੇਗਿਆ ਗਿਆ।
ਹੂਤੀ ਫੌਜੀ ਮੀਡੀਆ ਨੇ ਇਸ ਦਾਅਵੇ ਦੇ ਨਾਲ ਇਕ ਵੀਡੀਓ ਵੀ ਜਾਰੀ ਕੀਤੀ ਹੈ, ਜੋ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵੀਡੀਓ ਦੀ ਸ਼ੁਰੂਆਤ ਇਕ ਐਨੀਮੇਟਿਡ ਗ੍ਰਾਫਿਕ ਨਾਲ ਹੁੰਦੀ ਹੈ, ਜਿਸ ’ਚ ਮਿਜ਼ਾਈਲ ਲੜਾਕੂ ਜਹਾਜ਼ ਨਾਲ ਟਕਰਾਉਂਦੀ ਦਿਸਦੀ ਹੈ। ਇਸ ਤੋਂ ਬਾਅਦ ਰੇਤਲੇ ਇਲਾਕੇ ਵਿਚ ਜਹਾਜ਼ ਦੇ ਮਲਬੇ ਦੀ ਜਾਂਚ ਕਰਦੇ ਹੂਤੀ ਲੜਾਕੇ ਦਿਸ ਰਹੇ ਹਨ।
ਰਿਪੋਰਟਾਂ ਅਨੁਸਾਰ, ਇਹ ਮਲਬਾ ਮੱਧ ਯਮਨ ਦੇ ਮਾਰਿਬ ਖੇਤਰ ’ਚ ਮਿਲਿਆ ਹੈ। ਹੂਤੀਆਂ ਨੇ ਆਪਣੇ ਬਿਆਨ ’ਚ ਦਾਅਵਾ ਕੀਤਾ ਹੈ ਕਿ ਐੱਫ-15 ਜਹਾਜ਼ ਉਸ ਸਮੇਂ ਡੇਗਿਆ ਗਿਆ, ਜਦੋਂ ਉਹ ‘ਦੁਸ਼ਮਣੀ ਭਰੇ ਅਭਿਆਨ’ ’ਤੇ ਸੀ। ਭਾਵ ਜਹਾਜ਼ ਕਥਿਤ ਹਮਲੇ ਜਾਂ ਗਸ਼ਤ ਦੇ ਮਿਸ਼ਨ ’ਤੇ ਸੀ। ਹਾਲਾਂਕਿ ਇਸ ਵੀਡੀਓ ਦੀ ਅਜੇ ਸੁਤੰਤਰ ਪੁਸ਼ਟੀ ਨਹੀਂ ਹੋ ਸਕੀ ਹੈ। ਸਾਊਦੀ ਅਰਬ ਵੱਲੋਂ ਫਿਲਹਾਲ ਇਸ ਘਟਨਾ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਆਈ ਹੈ।
ਭਾਰਤ ਦੀ ਨੇਵੀ ਅਕੈਡਮੀ 'ਚ 1 ਸਾਲ ਤੱਕ ਕੰਮ ਕਰਦਾ ਰਿਹਾ ਬੰਗਲਾਦੇਸ਼ੀ ਨਾਗਰਿਕ ! ਇੰਝ ਖੁੱਲ੍ਹਿਆ ਭੇਤ
NEXT STORY 
