ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਦੇ ਮੈਰੀਲੈਂਡ 'ਚ ਸਥਿਤ ਕਲਾਰਕਸਵਿਲ ਵਿਖੇ 'ਸਿੱਖਸ ਆਫ਼ ਅਮੈਰਿਕਾ' ਵੱਲੋਂ ਸਾਲਾਨਾ ਵਿਸਾਖੀ ਦਾ ਸਮਾਗਮ ਬੜੀ ਹੀ ਧੂਮਧਾਮ ਨਾਲ ਮਨਾਇਆ ਗਿਆ, ਜਿਸ 'ਚ ਪੰਜਾਬੀ ਤੇ ਸਿੱਖ ਭਾਈਚਾਰੇ ਦੇ ਲੋਕਾਂ ਨੇ ਵਧ-ਚੜ੍ਹ ਕੇ ਸ਼ਮੂਲੀਅਤ ਕੀਤੀ। ਇਸ ਸਮਾਗਮ 'ਚ ਮਸ਼ਹੂਰ ਸਿੱਖ ਉੱਦਮੀ ਬਲਦੇਵ ਸਿੰਘ ਕੰਗ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਤ ਕੀਤਾ ਗਿਆ, ਜਿੱਥੇ ਉਨ੍ਹਾਂ ਨੂੰ ਉਨ੍ਹਾਂ ਦੀ ਅਗਵਾਈ, ਪੇਸ਼ੇਵਰ ਸਫਲਤਾ ਤੇ ਅੱਗੇ ਵਧਦੇ ਰਹਿਣ ਦੇ ਜਜ਼ਬੇ, ਜਿਸ ਨੇ ਹੋਰ ਹਜ਼ਾਰਾਂ ਸਿੱਖ ਉੱਦਮੀਆਂ ਨੂੰ ਪ੍ਰੇਰਿਤ ਕੀਤਾ ਹੈ, ਸਦਕਾ ਵਿਸ਼ੇਸ਼ ਸਨਮਾਨ ਦੇ ਕੇ ਨਿਵਾਜਿਆ ਗਿਆ।
ਇਹ ਸਮਾਗਮ ਐਤਵਾਰ 17 ਮਈ ਨੂੰ ਸ਼ਾਮ 6.30 ਵਜੇ ਕਲਾਰਕਸਵਿਲ ਦੇ 'ਦਿ ਗੈਦਰਿੰਗ ਪੈਲੇਸ' 'ਚ ਕਰਵਾਇਆ ਗਿਆ। ਇਸ ਸਮਾਗਮ 'ਚ ਸਿੱਖ ਭਾਈਚਾਰੇ ਨੂੰ ਉਤਸ਼ਾਹਿਤ ਕਰਨ ਵਾਲੇ ਸਿੱਖਾਂ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ। ਇਸ ਸਮਾਗਮ 'ਚ ਮਸ਼ਹੂਰ ਪੰਜਾਬੀ ਗਾਇਕਾ ਮਿਸ ਪੂਜਾ ਨੇ ਲਾਈਵ ਸ਼ੋਅ 'ਚ ਆਪਣੀ ਕਲਾਕਾਰੀ ਰਾਹੀਂ ਜਾਦੂ ਬਿਖੇਰਿਆ।
ਕੌਣ ਹਨ ਬਲਦੇਵ ਸਿੰਘ ਕੰਗ ?
ਬਲਦੇਵ ਸਿੰਘ ਕੰਗ ਭਾਰਤ ਦੇ ਮਸ਼ਹੂਰ 'ਪ੍ਰਬਲ' ਟੀ.ਐੱਮ.ਟੀ. ਕੰਪਨੀ ਦੇ ਸੰਸਥਾਪਕ ਹਨ। ਉਹ ਸਿਰਫ਼ ਭਾਰਤ ਹੀ ਨਹੀਂ, ਸਗੋਂ ਦੁਬਈ, ਅਰਮੀਨੀਆ ਤੇ ਅਮਰੀਕਾ ਵਰਗੇ ਵੱਡੇ ਦੇਸ਼ਾਂ 'ਚ ਵੀ ਇਕ ਸਿਰਕੱਢ ਬਿਲਡਰ ਵਜੋਂ ਆਪਣੀ ਪਛਾਣ ਬਣਾਉਂਦੇ ਜਾ ਰਹੇ ਹਨ। ਉਨ੍ਹਾਂ ਭਾਰਤ ਤੋਂ ਬਾਅਦ ਅਰਮੀਨੀਆ 'ਚ ਵੀ ਆਪਣੀ ਫੈਕਟਰੀ ਲਗਾਈ ਹੈ, ਜਿਸ ਦੇ ਉਦਘਾਟਨ 'ਚ ਉੱਥੋਂ ਦੇ ਰਾਸ਼ਟਰਪਤੀ ਵੀ ਸ਼ਾਮਲ ਹੋਏ ਸਨ। ਘੱਟ ਉਮਰ 'ਚ ਹੀ ਉਨ੍ਹਾਂ ਦੀ ਇਸ ਸਫ਼ਲਤਾ ਨੇ ਹਜ਼ਾਰਾਂ ਹੋਰ ਨੌਜਵਾਨਾਂ ਨੂੰ ਉੱਦਮੀ ਬਣਨ ਲਈ ਪ੍ਰੇਰਿਤ ਕੀਤਾ ਹੈ, ਜਿਸ ਕਾਰਨ ਉਨ੍ਹਾਂ ਨੂੰ ਇਹ ਖ਼ਾਸ ਸਨਮਾਨ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ- ਮੁੜ ਲੱਗ ਸਕਦੈ Lockdown ! WHO ਨੇ ਐਲਾਨੀ Global Emergency
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਹੈਤੀ ਵੱਲੋਂ 2026 ਫੀਫਾ ਵਰਲਡ ਕੱਪ ਲਈ ਟੀਮ ਦਾ ਐਲਾਨ
NEXT STORY 
