ਬਿਊਨਸ ਆਇਰਸ- ਲਾਤੀਨੀ ਅਮਰੀਕੀ ਦੇਸ਼ ਅਰਜਨਟੀਨਾ ਵਿਚ 9 ਸਾਲ ਦੇ ਇਕ ਬੱਚੇ ਨੂੰ ਮੌਤ ਨੇੜਿਓਂ ਛੂਹ ਕੇ ਚਲੀ ਗਈ ਤੇ ਬੱਚੇ ਦੀ ਜਾਨ ਬਚ ਗਈ। ਈਸਾਈ ਬਹੁਲਤਾ ਵਾਲੇ ਇਸ ਦੇਸ਼ ਵਿਚ ਇਕ 9 ਸਾਲਾ ਬੱਚਾ ਖੇਡ ਰਿਹਾ ਸੀ ਅਤੇ ਉਸ ਦੇ ਗਲ਼ੇ ਵਿਚ ਕ੍ਰਾਸ ਦਾ ਲਾਕੇਟ ਸੀ। ਅਚਾਨਕ ਇਕ ਵਿਅਕਤੀ ਨੇ ਬੱਚੇ 'ਤੇ ਗੋਲੀ ਚਲਾਈ ਪਰ ਇਹ ਗੋਲੀ ਉਸ ਦੇ ਲਾਕੇਟ ਨਾਲ ਟਕਰਾਅ ਕੇ ਡਿੱਗ ਗਈ।
ਬੱਚੇ ਨੂੰ ਪਤਾ ਹੀ ਨਹੀਂ ਲੱਗਾ ਕਿ ਉਸ ਦੇ ਗੋਲੀ ਵੱਜੀ ਹੈ ਪਰ ਉਸ ਦੀ ਛਾਤੀ ਵਿਚ ਦਰਦ ਹੋ ਰਹੀ ਸੀ। ਜਦ ਉਸ ਦਾ ਪਰਿਵਾਰ ਉਸ ਨੂੰ ਹਸਪਤਾਲ ਲੈ ਕੇ ਗਿਆ ਤਾਂ ਡਾਕਟਰਾਂ ਨੇ ਦੱਸਿਆ ਕਿ ਉਸ ਨੂੰ ਗੋਲੀ ਮਾਰੀ ਗਈ ਸੀ। ਜਾਂਚ ਮਗਰੋਂ ਉਸ ਦਾ ਲਾਕੇਟ ਤੇ ਗੋਲੀ ਉਸੇ ਸਥਾਨ ਤੋਂ ਪ੍ਰਾਪਤ ਹੋਏ, ਜਿੱਥੇ ਉਹ ਖੇਡ ਰਿਹਾ ਸੀ। ਇਹ ਘਟਨਾ 31 ਦਸੰਬਰ ਨੂੰ ਵਾਪਰੀ। ਨਵੇਂ ਸਾਲ ਦੀ ਖੁਸ਼ੀ ਵਿਚ ਉਹ ਆਪਣੇ ਚਚੇਰੇ ਭੈਣ-ਭਰਾਵਾਂ ਨਾਲ ਘਰ ਦੇ ਬਾਹਰ ਖੇਡ ਰਿਹਾ ਸੀ।
ਪਰਿਵਾਰ ਇਸ ਘਟਨਾ ਨੂੰ ਚਮਤਕਾਰ ਮੰਨ ਰਿਹਾ ਹੈ। ਬੱਚੇ ਨੂੰ ਇਕ ਘੰਟੇ ਬਾਅਦ ਹਸਪਤਾਲ ਤੋਂ ਛੁੱਟੀ ਮਿਲ ਗਈ। ਪਰਿਵਾਰ ਨੇ ਦੱਸਿਆ ਕਿ ਬੱਚੇ ਦੇ ਪਿਤਾ ਨੇ ਉਸ ਨੂੰ ਚਾਂਦੀ ਦਾ ਲਾਕੇਟ ਬਣਾ ਕੇ ਦਿੱਤਾ ਸੀ ਤੇ ਬੱਚਾ ਇਸ ਨੂੰ ਪਾ ਕੇ ਰੱਖਦਾ ਸੀ। ਪਰਿਵਾਰ ਨੇ ਬੱਚੇ ਦੀ ਜਾਨ ਬਚਣ 'ਤੇ ਪ੍ਰਮਾਤਮਾ ਦਾ ਸ਼ੁਕਰ ਕੀਤਾ। ਸਥਾਨਕ ਮੀਡੀਆ ਵਿਚ ਇਹ ਖ਼ਬਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਫਿਲਹਾਲ ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਆਸਟ੍ਰੇਲੀਆ, ਕੈਨੇਡਾ, ਅਮਰੀਕਾ 'ਤੇ ਬ੍ਰਿਟੇਨ ਨੇ ਹਾਂਗਕਾਂਗ 'ਚ ਗ੍ਰਿਫ਼ਤਾਰੀ ਦੀ ਕੀਤੀ ਸਖ਼ਤ ਨਿੰਦਾ
NEXT STORY 
