ਵੈਨਕੂਵਰ— ਸਾਹਿਬ ਸ੍ਰੀ ਕਾਂਸ਼ੀ ਰਾਮ ਜੀ ਵਲੋਂ ਬਹੁਜਨ ਸਮਾਜ ਲਈ ਚਲਾਈ ਗਈ ਸਮਾਜਿਕ ਪਰਿਵਰਤਨ ਅਤੇ ਆਰਥਿਕ ਮੁਕਤੀ ਅੰਦੋਲਨ ਦੀ ਲਹਿਰ ਦੇ ਸੱਚੇ ਸਿਪਾਹੀ ਅਤੇ ਉਨ੍ਹਾਂ ਨਾਲ ਮੋਢੇ ਨਾਲ ਮੋਢਾ ਲਗਾ ਕੇ ਚੱਲਣ ਵਾਲੇ ਬਹੁਜਨ ਸਮਾਜ ਦੇ ਬਾਬਾ ਬੋਹੜ ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਪਹਿਲੇ ਮੈਂਬਰ ਪਾਰਲੀਮੈਂਟ ਬਣੇ ਸਤਿਕਾਰਯੋਗ ਸ: ਹਰਭਜਨ ਸਿੰਘ ਲਾਖਾ ਜੀ ਦੀ ਚੌਥੀ ਬਰਸੀ ਮਿਤੀ 16 ਜੂਨ ਦਿਨ ਸ਼ਨੀਵਾਰ ਨੂੰ ਸਥਾਨਕ ਰਿਵਰਸਾਈਡ ਗਰੈਂਡ ਬਾਲਰੂਮ ਵਿਖੇ ਮਨਾਈ ਜਾ ਰਹੀ ਹੈ। ਜਿਸ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਗਈਆਂ ਹਨ। ਇਸ ਸਬੰਧੀ ਹੋਈ ਮੀਟਿੰਗ ਉਪਰੰਤ ਜਾਣਕਾਰੀ ਦਿੰਦਿਆਂ ਐਸਰੋ ਦੇ ਡਾਇਰੈਕਟਰ ਤੇ ਪਾਵਰ ਕੂਲ ਕੰਪਨੀ ਕੈਨੇਡਾ ਦੇ ਮਾਲਕ ਸ੍ਰੀ ਪਰਮਜੀਤ ਲਾਖਾ ਨੇ ਦੱਸਿਆ ਕਿ ਇਸ ਬਰਸੀ ਸਮਾਗਮ ਵਿਚ ਭਾਰਤ ਤੋਂ ਵਿਸ਼ੇਸ਼ ਤੌਰ 'ਤੇ ਸਵ: ਕਾਂਸ਼ੀ ਰਾਮ ਜੀ ਦੀ ਛੋਟੀ ਭੈਣ ਬੀਬੀ ਬੀਬੀ ਸਵਰਨ ਕੌਰ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਣਗੇ। ਜਦੋਂ ਕਿ ਉਨ੍ਹਾਂ ਨਾਲ ਮਿਸ਼ਨਰੀ ਗੀਤਕਾਰ ਵਿਜੈ ਗੁਣਾਚੌਰ, ਪੱਤਰਕਾਰ ਹਰਨੇਕ ਸਿੰਘ ਵਿਰਦੀ ਵੀ ਇਸ ਬਰਸੀ ਸਮਾਗਮ ਵਿਚ ਸ਼ਿਰਕਤ ਕਰਨਗੇ।
ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਡਾ. ਹਰਚੰਦ ਸਿੰਘ ਯੂ.ਐੱਸ.ਏ., ਸ੍ਰੀ ਦਿਲਬਾਗ ਸਿੰਘ ਯੂ.ਐੱਸ.ਏ., ਇੰਦਰਜੀਤ ਸਿੰਘ ਬੱਲੋਵਾਲੀਆ, ਰੂਪ ਲਾਲ ਗੱਡੂ ਆਦਿ ਬੁਲਾਰੇ ਸਵ: ਹਰਭਜਨ ਲਾਖਾ ਜੀ ਦੇ ਜੀਵਨ ਬਾਰੇ ਵਿਸਥਾਰਪੂਰਵਕ ਚਾਨਣਾ ਪਾਉਣਗੇ। ਇਸ ਮੌਕੇ ਮੀਟਿੰਗ ਵਿੱਚ ਹਰਜੀਤ ਸੋਹਪਾਲ, ਅਮਰਜੀਤ ਲੀਹਲ, ਸੋਢੀ ਦਦਰਾਲ, ਪ੍ਰਮੋਟਰ ਬਲਵੀਰ ਬੈਂਸ ਕੈਨੇਡਾ, ਰੂਪ ਚੰਦਰ, ਰਛਪਾਲ ਲਾਖਾ, ਕੁਲਵੰਤ ਮੰਮਣ, ਗੁਰਮੇਲ ਰੌਲੀਆ, ਰਤਨਪਾਲ, ਰਛਪਾਲ ਭਾਰਦਵਾਜ, ਸੁਰਿੰਦਰ ਗਾਟ, ਸਤਨਾਮ ਸਰੋਆ, ਹਰਦੇਵ ਸਰੋਆ, ਮੱਖਣ ਚੰਬਾ, ਪਰਮਜੀਤ ਸਰੋਆ ਆਦਿ ਤੋਂ ਇਲਾਵਾ ਹੋਰ ਸ਼ਖਸ਼ੀਅਤਾਂ ਹਾਜ਼ਰ ਸਨ।
ਬੀਤੇ 20 ਸਾਲਾਂ 'ਚ ਲੱਗਭਗ 1,300 ਬੱਚੇ ਸਕੂਲਾਂ 'ਚ ਹੋਏ ਯੌਣ ਸ਼ੌਸ਼ਣ ਦੇ ਸ਼ਿਕਾਰ : ਰਿਪੋਰਟ
NEXT STORY 
