ਵੈਨਕੂਵਰ (ਮਲਕੀਤ ਸਿੰਘ) : ਕੈਨੇਡਾ ਦੇ ਕੈਲਗਰੀ ਸ਼ਹਿਰ ਵਿੱਚ ਜਨਮੀ ਅੰਤਰਿਕਸ਼ ਯਾਤਰੀ ਜੈਨੀ ਗਿਬਨਜ਼ ਹੁਣ ਨਾਸਾ ਦੇ ਮਹੱਤਵਪੂਰਨ 'ਆਰਟੇਮਿਸ-2' ਚੰਦ ਮਿਸ਼ਨ ਨਾਲ ਜੁੜਨ ਜਾ ਰਹੀ ਹੈ। ਜਾਣਕਾਰੀ ਅਨੁਸਾਰ ਉਹ ਇਸ ਮਿਸ਼ਨ ਦੌਰਾਨ 'ਵੋਇਸ ਲਿੰਕ' ਵਜੋਂ ਕੰਮ ਕਰੇਗੀ, ਜੋ ਅੰਤਰਿਕਸ਼ ਯਾਤਰੀਆਂ ਅਤੇ ਧਰਤੀ ਦਰਮਿਆਨ ਸੰਚਾਰ ਬਣਾਈ ਰੱਖਣ ਵਿੱਚ ਸਹਾਈ ਹੁੰਦੀ ਹੈ।
ਇਸਦੇ ਨਾਲ ਹੀ ਜੈਨੀ ਗਿਬਨਜ਼ ਨੂੰ ਕੈਨੇਡੀਅਨ ਅੰਤਰਿਕਸ਼ ਯਾਤਰੀ ਜੇਰਮੀ ਹੈਨਸਨ ਦੀ ਬੈਕਅੱਪ ਵਜੋਂ ਵੀ ਚੁਣਿਆ ਗਿਆ ਹੈ। ਜੇਰਮੀ ਹੈਨਸਨ ਇਸ ਇਤਿਹਾਸਕ ਮਿਸ਼ਨ ਦਾ ਹਿੱਸਾ ਹਨ, ਜੋ ਮਨੁੱਖਾਂ ਨੂੰ ਮੁੜ ਚੰਦ ਦੇ ਖੇਤਰ 'ਚ ਲੈ ਜਾਣ ਲਈ ਤਿਆਰ ਕੀਤਾ ਗਿਆ ਹੈ। ਗਿਬਨਜ਼ ਨੂੰ ਬਚਪਨ ਤੋਂ ਹੀ ਅੰਤਰਿਕਸ਼ ਅਤੇ ਤਾਰਿਆਂ ਨਾਲ ਖਾਸ ਰੁਝਾਨ ਰਿਹਾ ਹੈ। ਹੁਣ ਉਹ ਆਪਣੇ ਸੁਪਨੇ ਨੂੰ ਸਾਕਾਰ ਕਰਦਿਆਂ ਨਾਸਾ ਦੇ ਇਸ ਵੱਡੇ ਪ੍ਰੋਗਰਾਮ ਦਾ ਹਿੱਸਾ ਬਣ ਰਹੀ ਹੈ।
'ਆਰਟੇਮਿਸ-2' ਮਿਸ਼ਨ ਮਨੁੱਖੀ ਅੰਤਰਿਕਸ਼ ਯਾਤਰਾ ਦੇ ਇਤਿਹਾਸ ਵਿੱਚ ਇਕ ਅਹਿਮ ਕਦਮ ਮੰਨਿਆ ਜਾ ਰਿਹਾ ਹੈ, ਜਿਸਦਾ ਮਕਸਦ ਚੰਦ ਦੇ ਆਲੇ-ਦੁਆਲੇ ਮਨੁੱਖੀ ਉਡਾਣ ਕਰਨਾ ਹੈ ਅਤੇ ਭਵਿੱਖ ਵਿੱਚ ਚੰਦ ‘ਤੇ ਦੁਬਾਰਾ ਲੈਂਡਿੰਗ ਲਈ ਰਸਤਾ ਤਿਆਰ ਕਰਨਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਫਗਾਨਿਸਤਾਨ 'ਚ ਕੁਦਰਤ ਦਾ ਕਹਿਰ: ਭਾਰੀ ਮੀਂਹ ਤੇ ਹੜ੍ਹ ਕਾਰਨ 17 ਮੌਤਾਂ, ਦਰਜਨਾਂ ਘਰ ਤਬਾਹ
NEXT STORY 
