ਬੀਜਿੰਗ- ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੂੰ ਚੀਨ ਵਿੱਚ ਬਗਾਵਤ ਦਾ ਖਦਸ਼ਾ ਹੈ। ਇਸ ਲਈ ਚੀਨ ਵਿੱਚ ਮਾਓ ਯੁੱਗ ਵਾਂਗ ਨਿਗਰਾਨੀ ਫਿਰ ਤੋਂ ਸ਼ੁਰੂ ਹੋ ਗਈ ਹੈ। ਇੱਥੋਂ ਤੱਕ ਕਿ ਸਕੂਲੀ ਬੱਚਿਆਂ ਦੀ ਵੀ ਜਾਸੂਸੀ ਕੀਤੀ ਜਾ ਰਹੀ ਹੈ। ਨਾਲ ਹੀ ਸਕੂਲਾਂ ਵਿਚ ਸੇਵਾਮੁਕਤ ਜੱਜਾਂ ਅਤੇ ਪੁਲਸ ਅਧਿਕਾਰੀਆਂ ਨੂੰ ਪ੍ਰਿੰਸੀਪਲ ਆਫ ਲਾਅ ਬਣਾਇਆ ਗਿਆ ਹੈ, ਜਿਨ੍ਹਾਂ ਦਾ ਕੰਮ ਇਹ ਦੇਖਣਾ ਹੈ ਕਿ ਕੋਈ ਬੱਚਾ ਬਾਗੀ ਸੁਭਾਅ ਦਾ ਹੈ ਜਾਂ ਨਹੀਂ। ਸੇਵਾਮੁਕਤ ਲੋਕਾਂ ਨੂੰ ਲੋਕਾਂ ਦੇ ਘਰਾਂ ਦੇ ਬਾਹਰ ਬੈਠ ਕੇ ਸ਼ਤਰੰਜ ਖੇਡਣ ਅਤੇ ਗੱਲਾਂ ਸੁਣਨ ਦਾ ਕੰਮ ਸੌਂਪਿਆ ਗਿਆ ਹੈ। ਉਨ੍ਹਾਂ ਦੀਆਂ ਗੱਲਾਂ ਦੀ ਬਕਾਇਦਾ ਰਿਪੋਰਟ ਤਿਆਰ ਕੀਤੀ ਜਾਂਦੀ ਹੈ।
ਗੁਆਂਢੀਆਂ ਨਾਲ ਝਗੜਾ ਕਰਨ ਵਾਲੇ ਲੋਕਾਂ ਨੂੰ ਸ਼ਾਂਤ ਕਰਨ ਦੇ ਬਹਾਨੇ ਪੁਲਸ ਰਿਹਾਇਸ਼ੀ ਇਮਾਰਤਾਂ ਦਾ ਦੌਰਾ ਕਰਦੀ ਹੈ ਤੇ ਉਥੋਂ ਦੇ ਲੋਕਾਂ 'ਤੇ ਨਜ਼ਰ ਰੱਖਦੀ ਹੈ। ਥਾਣਿਆਂ ਦੀਆਂ ਕੰਧਾਂ ਲਾਲ-ਪੀਲੇ-ਹਰੇ ਰੰਗਾਂ ਨਾਲ ਭਰੀਆਂ ਪਈਆਂ ਹਨ। ਜਿਹੜੇ ਪਰਿਵਾਰ ਸਰਕਾਰ ਅਤੇ ਜਿਨਪਿੰਗ ਦੇ ਸਮਰਥਕ ਮੰਨੇ ਜਾਂਦੇ ਹਨ। ਉਨ੍ਹਾਂ ਲਈ ਹਰੇ ਰੰਗ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜਿਨ੍ਹਾਂ ਘਰਾਂ ਵਿੱਚ ਲੋਕਾਂ ਦੀ ਸੋਚ ਬਦਲਦੀ ਰਹਿੰਦੀ ਹੈ, ਉਨ੍ਹਾਂ ਘਰਾਂ ਨੂੰ ਥਾਣੇ ਵਿੱਚ ਪੀਲਾ ਰੰਗ ਦਿੱਤਾ ਗਿਆ ਹੈ। ਭਾਵ ਉਨ੍ਹਾਂ ਨੂੰ ਨਿਗਰਾਨੀ ਦੀ ਲੋੜ ਹੈ। ਉਸ ਤੋਂ ਬਾਅਦ ਪੁਲਸ ਨੇ ਗੁਲਾਬੀ ਰੰਗ ਵਾਲੇ ਪਰਿਵਾਰਾਂ ’ਤੇ ਸਖ਼ਤੀ ਵਰਤਦੀ ਹੈ। ਦੁਕਾਨਦਾਰਾਂ ਅਤੇ ਹੋਰ ਚੀਨੀ ਕਾਰੋਬਾਰੀਆਂ 'ਤੇ ਵੀ ਨਜ਼ਰ ਰੱਖੀ ਜਾ ਰਹੀ ਹੈ। ਕੰਪਨੀਆਂ ਲਈ ਸੁਰੱਖਿਆ ਸਲਾਹਕਾਰਾਂ ਨੂੰ ਨਿਯੁਕਤ ਕਰਨਾ ਲਾਜ਼ਮੀ ਹੈ। ਉਹ ਮੁਲਾਜ਼ਮਾਂ ਦੀ ਪੂਰੀ ਰਿਪੋਰਟ ਬਣਾਉਂਦੀ ਹੈ ਅਤੇ ਪੁਲਸ ਨੂੰ ਹਰ ਤਰ੍ਹਾਂ ਦੀ ਗਤੀਵਿਧੀ ਦੀ ਜਾਣਕਾਰੀ ਦਿੰਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-WHO ਦਾ ਦਾਅਵਾ : ਕੋਵਿਡ ਕਾਰਨ ਗਲੋਬਲ ਜੀਵਨ ਦੀ ਸੰਭਾਵਨਾ 2 ਸਾਲਾਂ ਤੱਕ ਘਟੀ
ਚੀਨ ਵਿੱਚ ਨਾਰੀਵਾਦੀ, ਵਿਦਿਆਰਥੀ ਸਮੂਹ ਅਤੇ LGBT ਭਾਈਚਾਰੇ ਵੀ ਨਿਗਰਾਨੀ ਅਤੇ ਸਖਤ ਨਿਯੰਤਰਣ ਦੇ ਅਧੀਨ ਹਨ। ਕੋਰੋਨਾ ਦੌਰਾਨ ਦੇਸ਼ ਦੇ ਸ਼ਹਿਰੀ ਖੇਤਰਾਂ 'ਚ ਵਾਇਰਸ ਦੇ ਨਾਂ 'ਤੇ ਇਹ ਨਿਗਰਾਨੀ ਸ਼ੁਰੂ ਕੀਤੀ ਗਈ ਸੀ। ਫਿਰ ਇਸਨੂੰ ਹੌਲੀ ਹੌਲੀ ਵਧਾਇਆ ਗਿਆ ਅਤੇ ਹੁਣ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਕਮਿਊਨਿਸਟ ਪਾਰਟੀ ਇਸ ਨਿਗਰਾਨੀ ਨੂੰ ਇੱਕ ਸਥਾਈ ਪ੍ਰਣਾਲੀ ਬਣਾ ਰਹੀ ਹੈ। ਇਸ ਨੂੰ ਹੋਰ ਸਖ਼ਤ ਬਣਾਇਆ ਜਾ ਰਿਹਾ ਹੈ। ਕਮਿਊਨਿਸਟ ਪਾਰਟੀ ਇਸ ਨੂੰ ਫੇਂਗਕਿਆਓ ਅਨੁਭਵ ਕਹਿ ਰਹੀ ਹੈ ਅਤੇ ਇਸਨੂੰ ਜ਼ੀਰੋ ਡਿਸਟੈਂਸ ਗਵਰਨੈਂਸ ਵਜੋਂ ਅੱਗੇ ਵਧਾ ਰਹੀ ਹੈ। ਚੀਨ ਸਰਕਾਰ ਕਹਿ ਰਹੀ ਹੈ ਕਿ ਇਸ ਨਾਲ ਆਪਸੀ ਝਗੜਿਆਂ ਲਈ ਅਦਾਲਤ ਵਿਚ ਜਾਣ ਦੀ ਲੋੜ ਨਹੀਂ ਰਹੇਗੀ ਅਤੇ ਉਨ੍ਹਾਂ ਨੂੰ ਤੁਰੰਤ ਹੱਲ ਕਰ ਲਿਆ ਜਾਵੇਗਾ। ਫੇਂਗਕੀਆਓ ਦੇ ਨਾਮ 'ਤੇ ਪੁਲਸ ਨਿਯਮਿਤ ਤੌਰ 'ਤੇ ਉਈਗਰਾਂ ਅਤੇ ਤਿੱਬਤੀ ਵਰਗੀਆਂ ਘੱਟ ਗਿਣਤੀਆਂ ਦੇ ਘਰਾਂ ਦਾ ਦੌਰਾ ਕਰਦੀ ਹੈ।
ਮਸਜਿਦ ਦੇ ਗੁੰਬਦ ਹਟਾ ਦਿੱਤੇ ਗਏ, ਮੀਨਾਰ ਪੈਗੋਡਾ ਵਰਗੇ ਬਣਾਏ ਗਏ
ਚੀਨ ਨੇ ਦੇਸ਼ ਦੀ ਆਖ਼ਰੀ ਸਭ ਤੋਂ ਵੱਡੀ ਮਸਜਿਦ 'ਦਿ ਗ੍ਰੈਂਡ ਮਸਜਿਦ ਸਾਦੀਆਨ' ਦੇ ਗੁੰਬਦ ਨੂੰ ਹਟਾ ਦਿੱਤਾ ਹੈ। ਮਸਜਿਦ ਨੂੰ ਪੈਗੋਡਾ ਡਿਜ਼ਾਈਨ ਦਿੱਤਾ ਗਿਆ ਹੈ। ਮੀਨਾਰ ਵੀ ਪੈਗੋਡਾ ਟਾਵਰਾਂ ਵਾਂਗ ਬਣਾਏ ਗਏ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਟਲੀ ਨਗਰ ਕੌਂਸਲ ਚੋਣਾਂ : ਸ਼ਹੀਦ ਭਗਤ ਸਿੰਘ ਨਗਰ ਦਾ ਨੌਜਵਾਨ ਮੁਨੀਸ਼ ਕੁਮਾਰ ਰਿਸ਼ੀ ਮੈਦਾਨ 'ਚ
NEXT STORY 
