ਬੀਜਿੰਗ (ਏਜੰਸੀ) ਚੀਨ ਵਿੱਚ ਪਿਛਲੇ ਕਈ ਦਿਨਾਂ ਤੋਂ ਹੋ ਰਹੀ ਭਾਰੀ ਬਾਰਿਸ਼ ਕਾਰਨ ਜਨਜੀਵਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ ਹੈ। ਚੀਨ ਦੀ ਰਾਜਧਾਨੀ ਬੀਜਿੰਗ 'ਚ 8 ਅਗਸਤ ਤੱਕ ਭਾਰੀ ਹੜ੍ਹ ਕਾਰਨ 33 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ 18 ਲੋਕ ਅਜੇ ਵੀ ਲਾਪਤਾ ਹਨ। ਹਾਲਾਂਕਿ ਬੀਜਿੰਗ ਦੇ ਦੱਖਣ-ਪੱਛਮ ਵਿਚ ਚੀਨੀ ਸ਼ਹਿਰ ਜ਼ੂਓਜ਼ੂ ਵਿਚ ਹੜ੍ਹ ਦਾ ਪਾਣੀ ਘਟਣਾ ਸ਼ੁਰੂ ਹੋ ਗਿਆ ਹੈ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਜਿਵੇਂ-ਜਿਵੇਂ ਹੜ੍ਹ ਦਾ ਪਾਣੀ ਘੱਟ ਰਿਹਾ ਹੈ, ਇਸ ਕਾਰਨ ਪੈਦਾ ਹੋਈਆਂ ਚੁਣੌਤੀਆਂ ਲਗਾਤਾਰ ਵਧ ਰਹੀਆਂ ਹਨ। ਬੀਜਿੰਗ ਡੇਲੀ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਅਖ਼ਬਾਰ ਨੇ ਕਿਹਾ ਕਿ ਟਾਈਫੂਨ ਡੌਕਸੁਰੀ ਕਾਰਨ ਹੋਈ ਤਬਾਹੀ ਨੇ ਲਗਭਗ 1.29 ਮਿਲੀਅਨ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ, ਜਿਸ ਕਾਰਨ 59,000 ਘਰ ਢਹਿ ਗਏ ਅਤੇ 147,000 ਘਰ ਗੰਭੀਰ ਰੂਪ ਨਾਲ ਨੁਕਸਾਨੇ ਗਏ। ਪਿਛਲੇ ਹਫਤੇ ਟਾਈਫੂਨ ਡੌਕਸਰੀ ਤੋਂ ਬਾਅਦ ਆਏ ਤੂਫਾਨ ਕਾਰਨ ਹੇਬੇਈ ਪ੍ਰਾਂਤ ਵਿੱਚ ਭਾਰੀ ਬਾਰਸ਼ ਹੋਈ, ਜਿਸ ਕਾਰਨ ਪਤਝੜ ਦੀਆਂ ਫਸਲਾਂ ਪ੍ਰਭਾਵਿਤ ਹੋਈਆਂ ਅਤੇ ਖੇਤੀ ਉਪਕਰਣਾਂ ਨੂੰ ਨੁਕਸਾਨ ਪਹੁੰਚਾਇਆ। ਬੀਜਿੰਗ ਦੇ ਉਪ ਮੇਅਰ ਜ਼ਿਆ ਲਿਨਮਾਓ ਨੇ ਬੁੱਧਵਾਰ ਨੂੰ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਕਿਹਾ ਕਿ 100 ਤੋਂ ਵੱਧ ਪੁਲਾਂ ਦੇ ਨਾਲ-ਨਾਲ ਕਈ ਸੜਕਾਂ ਨੂੰ ਨੁਕਸਾਨ ਪਹੁੰਚਿਆ ਹੈ।
ਬੀਜਿੰਗ ਅਤੇ ਹੇਬੇਈ ਵਿੱਚ ਬਿਜਲੀ ਬਹਾਲ
ਬੀਜਿੰਗ ਅਤੇ ਹੇਬੇਈ ਸੂਬੇ ਦੇ ਕਈ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਬਿਜਲੀ ਵੀ ਬਹਾਲ ਕਰ ਦਿੱਤੀ ਗਈ ਹੈ। ਰਾਜ ਪ੍ਰਸਾਰਕ ਸੀਸੀਟੀਵੀ ਨੇ ਕਿਹਾ ਕਿ ਉੱਤਰ-ਪੂਰਬੀ ਪ੍ਰਾਂਤਾਂ ਜਿਲਿਨ, ਹੇਲੋਂਗਜਿਆਂਗ ਅਤੇ ਲਿਓਨਿੰਗ ਵਿੱਚ ਦੁਬਾਰਾ ਬਿਜਲੀ ਬਹਾਲ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਉੱਤਰ-ਪੂਰਬੀ ਚੀਨ, ਬੀਜਿੰਗ ਅਤੇ ਹੇਬੇਈ ਪ੍ਰਾਂਤ ਦੋ ਹਫ਼ਤੇ ਪਹਿਲਾਂ ਦੱਖਣੀ ਫੁਜਿਆਨ ਪ੍ਰਾਂਤ ਵਿੱਚ ਇੱਕ ਭਿਆਨਕ ਤੂਫਾਨ ਦੇ ਬਾਅਦ ਤੋਂ ਭਾਰੀ ਬਾਰਿਸ਼ ਅਤੇ ਹੜ੍ਹਾਂ ਨਾਲ ਪ੍ਰਭਾਵਿਤ ਹੋਇਆ ਹੈ। ਇਸ ਦੇ ਨਾਲ ਹੀ ਹੜ੍ਹ ਕਾਰਨ ਚੀਨ ਦਾ ਸਭ ਤੋਂ ਵੱਡਾ ਸ਼ਹਿਰ ਜ਼ੂਓਜ਼ੋ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਹੋਇਆ ਹੈ। ਇੱਥੇ ਰਹਿ ਰਹੇ 600,000 ਲੋਕਾਂ ਵਿੱਚੋਂ ਇੱਕ ਲੱਖ ਲੋਕਾਂ ਨੂੰ ਹੋਰ ਥਾਵਾਂ 'ਤੇ ਸ਼ਿਫਟ ਕੀਤਾ ਗਿਆ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਬ੍ਰਿਟਿਸ਼ ਸਰਕਾਰ ਨੇ ਇਮੀਗ੍ਰੇਸ਼ਨ ਵਕੀਲਾਂ 'ਤੇ ਕੱਸਿਆ ਸ਼ਿੰਕਜ਼ਾ, ਨਵੇਂ ਟਾਸਕ ਫੋਰਸ ਦਾ ਕੀਤਾ ਗਠਨ
17 ਬਿਲੀਅਨ ਯੂਆਨ ਤੱਕ ਦਾ ਨੁਕਸਾਨ
ਇਕ ਅਧਿਕਾਰੀ ਮੁਤਾਬਕ ਤਿੰਨ ਸਾਲਾਂ ਤੋਂ ਮਹਾਮਾਰੀ ਸੀ ਅਤੇ ਇਸ ਵਾਰ ਹੜ੍ਹ ਨੇ ਸਭ ਕੁਝ ਵਿਗਾੜ ਕੇ ਰੱਖ ਦਿੱਤਾ ਹੈ। ਇਸ ਦੇ ਨਾਲ ਹੀ ਜ਼ੂਜ਼ੋਓ ਦੇ ਪ੍ਰਸ਼ਾਸਨ ਨੇ ਕਿਹਾ ਕਿ ਹੜ੍ਹ ਕਾਰਨ ਇਲਾਕੇ 'ਚ ਸੈਂਕੜੇ ਪੁਲ ਅਤੇ ਸੈਂਕੜੇ ਕਿਲੋਮੀਟਰ ਸੜਕਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਪ੍ਰਸ਼ਾਸਨ ਨੇ ਅਨੁਮਾਨ ਲਗਾਇਆ ਹੈ ਕਿ ਪਾਣੀ ਕਾਰਨ ਖੇਤਰ ਦਾ ਨੁਕਸਾਨ ਲਗਭਗ 17 ਅਰਬ ਯੂਆਨ ਤੱਕ ਪਹੁੰਚ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਮਰਾਨ ਖਾਨ ਨੂੰ ਮੱਖੀਆਂ ਤੇ ਖਟਮਲਾਂ ਨਾਲ ਭਰੀ ਕੋਠੜੀ ’ਚ ਰੱਖਿਆ ਗਿਆ
NEXT STORY 
