Fact check by BOOM
ਅੱਗ ਦੇ ਦ੍ਰਿਸ਼ਾਂ ਅਤੇ ਪੁਲਸ ਦੁਆਰਾ ਇੱਕ ਵਿਅਕਤੀ ਦੀ ਗ੍ਰਿਫ਼ਤਾਰੀ ਨੂੰ ਦਰਸਾਉਂਦਾ ਇੱਕ ਵੀਡੀਓ ਵਾਇਰਲ ਹੋਇਆ ਹੈ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਇਸ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ ਕਿ ਸੰਯੁਕਤ ਰਾਜ ਅਮਰੀਕਾ ਵਿੱਚ ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (FBI) ਨੇ ਵੈਸਟਲੈਂਡ ਡਿਵੈਲਪਰਜ਼ ਨਾਮ ਦੀ ਇੱਕ ਕੰਪਨੀ ਦੇ ਸੀ.ਈ.ਓ ਰਿਚਰਡ ਗ੍ਰੇਵਜ਼ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਕੰਪਨੀ ਦੇ ਸੀ.ਈ.ਓ 'ਤੇ ਇੱਕ ਰੀਅਲ ਅਸਟੇਟ ਪ੍ਰੋਜੈਕਟ ਵਿਕਸਤ ਕਰਨ ਲਈ ਕੈਲੀਫੋਰਨੀਆ ਦੇ ਲਾਸ ਏਂਜਲਸ ਵਿੱਚ ਅੱਗ ਲਗਾਉਣ ਦੀ ਯੋਜਨਾ ਬਣਾਉਣ ਦਾ ਦੋਸ਼ ਹੈ। ਬੂਮ ਨੇ ਦਾਅਵੇ ਦੀ ਜਾਂਚ ਕੀਤੀ ਅਤੇ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਮਿਲਿਆ ਕਿ ਐਫ.ਬੀ.ਆਈ ਨੇ ਲਾਸ ਏਂਜਲਸ ਅੱਗ ਦੇ ਸਬੰਧ ਵਿੱਚ ਅਜਿਹੀ ਕੋਈ ਗ੍ਰਿਫ਼ਤਾਰੀ ਕੀਤੀ ਹੈ। ਇਸ ਤੋਂ ਇਲਾਵਾ ਵਾਇਰਲ ਵੀਡੀਓ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਲੋਕਾਂ ਨੂੰ ਦਿਖਾਉਂਦੇ ਦ੍ਰਿਸ਼ ਵੀ ਵੀਡੀਓ ਵਿੱਚ ਕੀਤੇ ਗਏ ਦਾਅਵਿਆਂ ਦਾ ਸਮਰਥਨ ਨਹੀਂ ਕਰਦੇ।
ਜਨਵਰੀ ਦੇ ਪਹਿਲੇ ਹਫ਼ਤੇ ਦੱਖਣੀ ਕੈਲੀਫੋਰਨੀਆ ਦੇ ਲਾਸ ਏਂਜਲਸ ਵਿੱਚ ਲੱਗੀ ਜੰਗਲ ਦੀ ਅੱਗ ਆਪਣੇ ਵਿਨਾਸ਼ਕਾਰੀ ਪ੍ਰਭਾਵ ਦਿਖਾ ਰਹੀ ਹੈ। ਦ ਨਿਊਯਾਰਕ ਟਾਈਮਜ਼ ਦੀ ਰਿਪੋਰਟ ਅਨੁਸਾਰ ਲਾਸ ਏਂਜਲਸ ਅਤੇ ਇਸਦੇ ਆਲੇ ਦੁਆਲੇ ਲੱਗੀ ਅੱਗ ਵਿੱਚ ਘੱਟੋ-ਘੱਟ 25 ਲੋਕਾਂ ਦੀ ਮੌਤ ਹੋ ਗਈ ਹੈ, ਅੱਗ ਨੇ ਇਲਾਕੇ ਦੀ ਹਰ ਚੀਜ਼ ਨੂੰ ਤਬਾਹ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਇਸ 1 ਮਿੰਟ 19 ਸਕਿੰਟ ਦੇ ਵੀਡੀਓ ਵਿੱਚ ਜੰਗਲ ਦੀ ਅੱਗ ਦੇ ਦ੍ਰਿਸ਼ ਹਨ ਅਤੇ ਪੁਲਸ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰਦੀ ਦਿਖਾਈ ਦੇ ਰਹੀ ਹੈ। ਵੀਡੀਓ ਵਿੱਚ ਇੱਕ ਔਰਤ ਦੀ ਆਵਾਜ਼ ਵੀ ਸ਼ਾਮਲ ਹੈ ਜੋ ਕਹਿ ਰਹੀ ਹੈ ਕਿ ਐਫ.ਬੀ.ਆਈ ਨੇ ਵੈਸਟਲੈਂਡ ਡਿਵੈਲਪਮੈਂਟਸ ਦੇ ਸੀ.ਈ.ਓ ਰਿਚਰਡ ਗ੍ਰੇਵਜ਼ ਨੂੰ ਲਾਸ ਏਂਜਲਸ ਵਿੱਚ ਅੱਗ ਲਗਾਉਣ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਹੈ। ਫੇਸਬੁੱਕ 'ਤੇ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, 'ਹੈਰਾਨ ਕਰਨ ਵਾਲੀ ਖ਼ਬਰ, ਕੈਲੀਫੋਰਨੀਆ ਇਨਫਰਨੋ ਦੇ ਦੋਸ਼ੀ ਨੂੰ ਐਫ.ਬੀ.ਆਈ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਹਾਂ ਅਪਰਾਧੀਆਂ ਦਾ ਕੋਈ ਧਰਮ ਨਹੀਂ ਹੁੰਦਾ।'
(ਆਰਕਾਈਵ ਲਿੰਕ)
ਸਾਨੂੰ ਵੀਡੀਓ ਦੀ ਪ੍ਰਮਾਣਿਕਤਾ ਦੀ ਪੁਸ਼ਟੀ ਕਰਨ ਲਈ ਇਹ ਵੀਡੀਓ ਬੂਮ ਟਿਪਲਾਈਨ (+917700906588) 'ਤੇ ਵੀ ਪ੍ਰਾਪਤ ਹੋਇਆ।
ਫੈਕਟ ਚੈੱਕ
ਬੂਮ ਨੇ ਦਾਅਵੇ ਦੀ ਪੜਤਾਲ ਲਈ ਲਾਸ ਏਂਜਲਸ ਅੱਗ ਦੇ ਸਬੰਧ ਵਿੱਚ ਐਫ.ਬੀ.ਆਈ ਦੁਆਰਾ ਗ੍ਰਿਫ਼ਤਾਰ ਕੀਤੇ ਗਏ 'ਵੈਸਟਲੈਂਡ ਡਿਵੈਲਪਮੈਂਟਸ ਦੇ ਸੀ.ਈ.ਓ ਰਿਚਰਡ ਗ੍ਰੇਵਜ਼' ਨਾਲ ਸਬੰਧਤ ਕੁਝ ਕੀਵਰਡਸ ਨਾਲ ਗੂਗਲ 'ਤੇ ਸਰਚ ਕੀਤੀ। ਸਾਨੂੰ ਇਸ ਦਾਅਵੇ ਦੀ ਪੁਸ਼ਟੀ ਕਰਨ ਲਈ ਕੋਈ ਭਰੋਸੇਯੋਗ ਖ਼ਬਰ ਨਹੀਂ ਮਿਲੀ। ਇਸ ਦੇ ਇਲਾਵਾ ਅਸੀਂ ਐਫ.ਬੀ.ਆਈ ਦੁਆਰਾ ਰੱਖੇ ਗਏ ਅਪਰਾਧਿਕ ਰਿਕਾਰਡਾਂ ਦੀ ਵੀ ਜਾਂਚ ਕੀਤੀ ਪਰ ਦਾਅਵਾ ਕੀਤੇ ਅਨੁਸਾਰ ਹਾਲ ਹੀ ਵਿੱਚ ਲਾਸ ਏਂਜਲਸ ਅੱਗ ਦੀ ਘਟਨਾ ਦੇ ਸਬੰਧ ਵਿੱਚ ਕਿਸੇ ਵੀ ਗ੍ਰਿਫ਼ਤਾਰੀ ਦਾ ਕੋਈ ਰਿਕਾਰਡ ਨਹੀਂ ਮਿਲਿਆ। ਸਾਨੂੰ ਪਿਛਲੇ ਹਫ਼ਤੇ ਰਿਪੋਰਟਾਂ ਮਿਲੀਆਂ ਸਨ ਕਿ ਸਥਾਨਕ ਪੁਲਸ ਨੇ ਸੈਂਟਾ ਮੋਨਿਕਾ ਨਿਕਾਸੀ ਖੇਤਰਾਂ ਵਿੱਚ 40 ਤੋਂ ਵੱਧ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਪਰ ਇਨ੍ਹਾਂ ਲੋਕਾਂ ਨੂੰ 7 ਜਨਵਰੀ ਤੋਂ 12 ਜਨਵਰੀ, 2025 ਤੱਕ ਸਥਾਨਕ ਐਮਰਜੈਂਸੀ ਆਦੇਸ਼ਾਂ, ਸ਼ਹਿਰ ਅਤੇ ਕਾਉਂਟੀ ਕਰਫਿਊ ਦੇ ਆਦੇਸ਼ਾਂ ਦੇ ਅਧੀਨ ਉਲੰਘਣਾ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਦੀ ਉਲੰਘਣਾ ਕਰ ਰਿਹਾ ਹੈ।
ਸੈਂਟਾ ਮੋਨਿਕਾ ਪੁਲਸ ਵਿਭਾਗ (SMPD) ਨੇ 13 ਜਨਵਰੀ, 2025 ਨੂੰ ਇਹਨਾਂ ਗ੍ਰਿਤਾਰੀਆਂ ਸੰਬੰਧੀ ਇੱਕ ਪ੍ਰੈਸ ਰਿਲੀਜ਼ ਵੀ ਜਾਰੀ ਕੀਤੀ। ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ, "ਦਸ ਲੋਕਾਂ ਨੂੰ ਚੋਰੀ ਦੇ ਦੋਸ਼ ਵਿੱਚ, ਛੇ ਨੂੰ ਚੋਰੀ ਦੇ ਸਾਮਾਨ ਰੱਖਣ ਦੇ ਦੋਸ਼ ਵਿੱਚ, ਬਾਕੀਆਂ ਨੂੰ ਕਰਫਿਊ ਦੀ ਉਲੰਘਣਾ, ਨਸ਼ੀਲੇ ਪਦਾਰਥ ਰੱਖਣ, ਡਰਾਈਵਿੰਗ ਉਲੰਘਣਾ, ਬਕਾਇਆ ਵਾਰੰਟ, ਪੈਰੋਲ ਅਤੇ ਪ੍ਰੋਬੇਸ਼ਨ ਉਲੰਘਣਾਵਾਂ ਸਮੇਤ ਕਈ ਹੋਰ ਉਲੰਘਣਾ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।" ਇਸ ਵਿੱਚ ਦੋ ਆਦਮੀਆਂ ਕੋਲ ਛੁਪੀਆਂ ਹੋਈਆਂ ਬੰਦੂਕਾਂ ਵੀ ਸਨ। ਗ੍ਰਿਫ਼ਤਾਰ ਕੀਤੇ ਗਏ ਲੋਕਾਂ ਵਿੱਚੋਂ ਕੋਈ ਵੀ ਸੈਂਟਾ ਮੋਨਿਕਾ ਤੋਂ ਨਹੀਂ ਹੈ।" ਅਸੀਂ 7 ਜਨਵਰੀ ਤੋਂ 14 ਜਨਵਰੀ ਤੱਕ SMPD ਦੀਆਂ ਰੋਜ਼ਾਨਾ ਗ੍ਰਿਫ਼ਤਾਰੀ ਰਿਪੋਰਟਾਂ ਵੇਖੀਆਂ ਪਰ ਸਾਨੂੰ ਇਨ੍ਹਾਂ ਰਿਪੋਰਟਾਂ ਵਿੱਚ 'ਰਿਚਰਡ ਗ੍ਰੇਵਜ਼' ਨਾਮ ਦਾ ਕੋਈ ਜ਼ਿਕਰ ਨਹੀਂ ਮਿਲਿਆ। ਇਸ ਤੋਂ ਇਲਾਵਾ ਸਾਨੂੰ "ਵੈਸਟਲੈਂਡ ਡਿਵੈਲਪਮੈਂਟਸ" ਨਾਮ ਦੀ ਕੰਪਨੀ ਦਾ ਕੋਈ ਸਬੂਤ ਨਹੀਂ ਮਿਲਿਆ ਜਿਸਦੇ ਮਾਲਕ ਰਿਚਰਡ ਗ੍ਰੇਵਜ਼ ਹਨ। ਜਦੋਂ ਅਸੀਂ ਇਸ ਨਾਮ ਬਾਰੇ ਖੋਜ ਕੀਤੀ, ਤਾਂ ਸਾਨੂੰ ਇੱਕੋ ਜਿਹੇ ਨਾਵਾਂ ਵਾਲੀਆਂ ਦੋ ਕੰਪਨੀਆਂ ਮਿਲੀਆਂ। ਪਹਿਲੀ "ਵੈਸਟਲੈਂਡ ਡਿਵੈਲਪਮੈਂਟਸ ਲਿਮਟਿਡ" ਹੈ ਜੋ ਕਿ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਸਥਿਤ ਹੈ ਅਤੇ ਮੁਰੰਮਤ ਅਤੇ ਕਸਟਮ ਘਰਾਂ 'ਤੇ ਕੇਂਦ੍ਰਤ ਕੰਮ ਕਰਦੀ ਹੈ ਅਤੇ ਦੂਜੀ "ਵੈਸਟਲੈਂਡ ਡਿਵੈਲਪਮੈਂਟ ਗਰੁੱਪ" ਹੈ ਜੋ ਕਿ ਕੈਲੀਫੋਰਨੀਆ ਵਿੱਚ ਸਥਿਤ ਇੱਕ ਜਾਇਦਾਦ ਪ੍ਰਬੰਧਨ ਕੰਪਨੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕੀ ਸੂਬੇ 'ਚ ਬਰਫ਼ੀਲੇ ਤੂਫਾਨ ਦੀ ਚਿਤਾਵਨੀ, 21 ਜਨਵਰੀ ਨੂੰ ਸਕੂਲ ਬੰਦ
ਵਾਇਰਲ ਵੀਡੀਓ ਵਿੱਚ ਦਿਖਾਏ ਗਏ ਦ੍ਰਿਸ਼ਾਂ ਦੀ ਅਸਲੀਅਤ
ਵੀਡੀਓ ਫੁਟੇਜ 1 - ਵਾਇਰਲ ਵੀਡੀਓ ਦੇ ਇੱਕ ਫਰੇਮ ਵਿੱਚ ਇੱਕ ਵਿਅਕਤੀ ਨੂੰ ਕੁਝ ਸੁਰੱਖਿਆ ਅਧਿਕਾਰੀਆਂ ਸਾਹਮਣੇ ਆਤਮ ਸਮਰਪਣ ਕਰਦੇ ਦਿਖਾਇਆ ਗਿਆ ਹੈ। ਗੂਗਲ 'ਤੇ ਇਸ ਫਰੇਮ ਦੀ ਰਿਵਰਸ ਇਮੇਜ ਸਰਚ ਕਰਨ 'ਤੇ ਸਾਨੂੰ ਦਿ ਨੈਸ਼ਨਲ ਦੀ 14 ਅਪ੍ਰੈਲ, 2023 ਦੀ ਇੱਕ ਨਿਊਜ਼ ਰਿਪੋਰਟ ਮਿਲੀ, ਜਿਸ ਵਿੱਚ ਵਾਇਰਲ ਵੀਡੀਓ ਦੇ ਦ੍ਰਿਸ਼ ਦਿਖਾਏ ਗਏ ਹਨ।
ਰਿਪੋਰਟ ਵਿੱਚ ਦੱਸਿਾ ਗਿਆ ਹੈ ਕਿ ਮੈਸੇਚਿਉਸੇਟਸ ਏਅਰ ਨੈਸ਼ਨਲ ਗਾਰਡ ਦੇ 21 ਸਾਲਾ ਮੈਂਬਰ ਜੈਕ ਡਗਲਸ ਟੇਕਸੀਰਾ ਨੂੰ ਗੁਪਤ ਅਮਰੀਕੀ ਰੱਖਿਆ ਜਾਣਕਾਰੀ ਨੂੰ ਕਥਿਤ ਤੌਰ 'ਤੇ ਅਣਅਧਿਕਾਰਤ ਤੌਰ 'ਤੇ ਹਟਾਉਣ, ਰੱਖਣ ਅਤੇ ਪ੍ਰਸਾਰਿਤ ਕਰਨ ਦੀ ਜਾਂਚ ਤੋਂ ਬਾਅਦ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਹ ਵੀ ਕਿਹਾ ਗਿਆ ਹੈ ਕਿ ਇਹ ਗ੍ਰਿਫ਼ਤਾਰੀ ਐਫ.ਬੀ.ਆਈ ਦੁਆਰਾ ਕੀਤੀ ਗਈ ਸੀ।
ਵੀਡੀਓ ਫੁਟੇਜ 2 - ਅਸੀਂ ਇਸ ਫਰੇਮ 'ਤੇ ਗੂਗਲ ਰਿਵਰਸ ਇਮੇਜ ਸਰਚ ਵੀ ਕੀਤੀ। ਸਾਨੂੰ ਡੇਲੀ ਮੇਲ ਦੀ ਇੱਕ ਰਿਪੋਰਟ ਮਿਲੀ, ਜਿਸ ਵਿੱਚ ਵਾਇਰਲ ਵੀਡੀਓ ਵਰਗੇ ਹੀ ਵਿਜ਼ੂਅਲ ਦਿਖਾਏ ਗਏ ਸਨ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਵੀਡੀਓ ਵਿੱਚ ਦਿਖਾਈ ਦੇਣ ਵਾਲੇ ਵਿਅਕਤੀ ਨੂੰ ਲਾਸ ਏਂਜਲਸ ਦੇ ਜੰਗਲ ਦੀ ਅੱਗ ਨੇੜੇ ਨਿਵਾਸੀਆਂ ਨੇ ਬਲੋਟਾਰਚ ਨਾਲ ਹਿਰਾਸਤ ਵਿੱਚ ਲਿਆ ਸੀ। ਉਸ ਵਿਅਕਤੀ ਨੂੰ ਬਾਅਦ ਵਿੱਚ ਲਾਸ ਏਂਜਲਸ ਪੁਲਸ ਵਿਭਾਗ (LAPD) ਨੇ ਗ੍ਰਿਫ਼ਤਾਰ ਕਰ ਲਿਆ। ਉਹ ਇੱਕ ਗੈਰ-ਕਾਨੂੰਨੀ ਪ੍ਰਵਾਸੀ ਸੀ।
14 ਜਨਵਰੀ, 2025 ਨੂੰ ਲਾਸ ਏਂਜਲਸ ਟਾਈਮਜ਼ ਵਿੱਚ ਛਪੀ ਇੱਕ ਰਿਪੋਰਟ ਵਿੱਚ ਉਸ ਵਿਅਕਤੀ ਦੀ ਪਛਾਣ ਜੁਆਨ ਮੈਨੂਅਲ ਸੀਅਰਾ ਵਜੋਂ ਹੋਈ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ,''ਲਾਸ ਏਂਜਲਸ ਪੁਲਸ ਵਿਭਾਗ ਨੇ ਜੁਆਨ ਮੈਨੂਅਲ ਸੀਏਰਾ ਨੂੰ ਕੇਨੇਥ ਅੱਗ ਦੇ ਨੇੜੇ ਵੈਸਟ ਹਿਲਜ਼ ਇਲਾਕੇ ਵਿੱਚ 'ਅੱਗ ਲਗਾਉਣ ਦੀ ਕੋਸ਼ਿਸ਼' ਕਰਨ ਤੋਂ ਬਾਅਦ ਸੰਗੀਨ ਪ੍ਰੋਬੇਸ਼ਨ ਦੀ ਉਲੰਘਣਾ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ।" ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਅਤੇ ਦਿ ਟਾਈਮਜ਼ ਦੁਆਰਾ ਦੇਖੇ ਗਏ ਇੱਕ ਦਸਤਾਵੇਜ਼ ਅਨੁਸਾਰ ਦੀਆਂ ਰਿਪੋਰਟਾਂ ਅਨੁਸਾਰ, ਉਹ ਲਗਭਗ 1,000 ਏਕੜ ਵਿੱਚ ਫੈਲੀ ਅੱਗ ਨਾਲ ਸਬੰਧਤ ਇੱਕ ਮਾਮਲੇ ਵਿੱਚ ਸ਼ੱਕੀ ਹੈ।" ਰਿਪੋਰਟ ਵਿੱਚ ਇਮੀਗ੍ਰੇਸ਼ਨ ਅਤੇ ਕਸਟਮਜ਼ ਇਨਫੋਰਸਮੈਂਟ (ICE) ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਸੀਅਰਾ ਇੱਕ ਮੈਕਸੀਕਨ ਸੀ ਜੋ ਕਿਸੇ ਇਮੀਗ੍ਰੇਸ਼ਨ ਅਧਿਕਾਰੀ ਦੁਆਰਾ ਜਾਂਚ ਕੀਤੇ ਬਿਨਾਂ ਗੈਰ-ਕਾਨੂੰਨੀ ਤੌਰ 'ਤੇ ਅਮਰੀਕਾ ਵਿੱਚ ਦਾਖਲ ਹੋਇਆ ਸੀ।
ਵੀਡੀਓ ਵਿੱਚ ਕੀਤੇ ਗਏ ਦਾਅਵਿਆਂ ਦੀ ਸੱਚਾਈ ਦੀ ਪੁਸ਼ਟੀ ਕਰਨ ਲਈ BOOM ਨੇ FBI ਨਾਲ ਸੰਪਰਕ ਕੀਤਾ। ਐਫ.ਬੀ.ਆਈ ਮੀਡੀਆ ਪਰਸਨ ਲੌਰਾ ਆਈਮਿਲਰ ਨੇ ਬੂਮ ਨੂੰ ਦੱਸਿਆ,"ਮੈਨੂੰ ਇਸ ਸਮੇਂ ਅੱਗ ਨਾਲ ਜੁੜੇ ਕਿਸੇ ਵੀ ਵਿਅਕਤੀ ਖ਼ਿਲਾਫ਼ ਕਿਸੇ ਵੀ ਦੋਸ਼ ਬਾਰੇ ਜਾਣਕਾਰੀ ਨਹੀਂ ਹੈ।"
(Disclaimer: ਇਹ ਫੈਕਟ ਚੈੱਕ ਮੂਲ ਤੌਰ 'ਤੇ BOOM ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ)
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
34ਵੀਂ ਵਿਸ਼ਵ ਪੰਜਾਬੀ ਕਾਨਫਰੰਸ ’ਚ ਹਿੱਸਾ ਲੈਣ ਲਈ ਭਾਰਤ ਤੋਂ 65 ਮੈਂਬਰੀ ਜੱਥਾ ਪਹੁੰਚਿਆ ਪਾਕਿ
NEXT STORY 
