ਮਾਨਤੋਵਾ( ਕੈਂਥ) ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਲਾਇਨਸ ਆਫ ਪੰਜਾਬ ਆਜੋਲਾ ਵੱਲੋਂ ਸੱਤਵਾਂ ਫੁੱਟਬਾਲ ਕੱਪ ਕਸਤੀਲੀਉਨੇ ਦੈਲੇ ਸਤੀਵੀਏਰੇ (ਮਾਨਤੋਵਾ) ਵਿਖੇ 11 ਅਤੇ 12 ਜੁਲਾਈ ਨੂੰ ਹੋਣ ਜਾ ਰਿਹਾ ਹੈ।ਜਿਸ ਵਿੱਚ ਹੁਣ ਤੱਕ ਲਗਭਗ 21 ਟੀਮਾਂ ਭਾਗ ਲੈਣ ਲਈ ਐਂਟਰੀ ਕਰਵਾ ਚੁੱਕੀਆਂ ਹਨ। ਇਸ ਤੋਂ ਇਲਾਵਾ ਕਲੱਬ ਦੇ ਮੈਂਬਰਾਂ ਨੇ ਜਾਣਕਾਰੀ ਦਿੰਦਿਆਂ ਹੋਇਆਂ ਦੱਸਿਆ ਕਿ ਹਰ ਮੈਚ 'ਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਵਿੱਚੋਂ ਪਲੇਅਰ ਆਫ ਦੀ ਮੈਚ, ਪਲੇਅਰ ਆਫ ਦੀ ਟੂਰਨਾਮੈਂਟ, ਬੈਸਟ ਸਕੋਰਰ, ਬੈਸਟ ਗੋਲਕੀਪਰ ਤੋਂ ਇਲਾਵਾ ਬੈਸਟ ਕੋਚ ਦਾ ਵੀ ਉਚੇਚੇ ਤੌਰ 'ਤੇ ਸਨਮਾਨ ਕੀਤਾ ਜਾਵੇਗਾ।
ਹਰਦੀਪ ਸਿੰਘ ਹੈਰੀ, ਗਿੱਲ ਆਜੋਲਾ, ਬੱਬੂ ਆਜੋਲਾ, ਮਹਿਕ ਪੁਨਤੀਨੀਆ, ਮਨੀ ਬਸਰਾ, ਪਰਮ ਬੋਪਾਰਾਏ, ਬਲਜੀਤ ਆਜੋਲਾ, ਗਰੇਵਾਲ ਲੱਖੀ, ਤਾਜੀ ਰਮਦੈਲੋ, ਰੋਮੀ ਅਤੇ ਆਗਿਆਪਾਲ ਵੱਲੋਂ ਬੈਸਟ ਪਲੇਅਰ ਨੂੰ ਸੋਨੇ ਦੀ ਚੈਨ ਨਾਲ ਸਨਮਾਨਿਤ ਕੀਤਾ ਜਾਵੇਗਾ ਅਤੇ ਇਹਨਾਂ ਸਾਰੇ ਭਰਾਵਾਂ ਵੱਲੋਂ ਲਾਇਨਸ ਆਫ ਪੰਜਾਬ ਦੀ ਰੀੜ੍ਹ ਦੀ ਹੱਡੀ ਅਮਨਪ੍ਰੀਤ ਸਿੰਘ ਦੂਹੜਾ ਦਾ ਵੀ ਸੋਨੇ ਦੀ ਚੈਨ ਨਾਲ ਵਿਸ਼ੇਸ਼ ਸਨਮਾਨ ਕੀਤਾ ਜਾਵੇਗਾ। ਪਹਿਲੇ ਅਤੇ ਦੂਸਰੇ ਸਥਾਨ 'ਤੇ ਰਹਿਣ ਵਾਲੀਆਂ ਟੀਮਾਂ ਦਾ ਟਰੋਫੀਆਂ ਤੋਂ ਇਲਾਵਾ ਨਗਦੀ ਨਾਲ ਸਨਮਾਨ ਕੀਤਾ ਜਾਵੇਗਾ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤੀ ਮੂਲ ਦੇ ਨਾਸਾ ਪੁਲਾੜ ਯਾਤਰੀ ਅਨਿਲ ਮੈਨਨ 14 ਜੁਲਾਈ ਨੂੰ ਹੋਣਗੇ ਰਵਾਨਾ; ਕਰਨਗੇ ਵਿਗਿਆਨਕ ਪ੍ਰਯੋਗ
ਪਿਛਲੇ ਸਾਲ ਖਿਡਾਰੀਆਂ ਦੀ ਅਣਥੱਕ ਮਿਹਨਤ ਨੂੰ ਦੇਖਦਿਆਂ ਹੋਇਆਂ ਲਾਇਨਸ ਆਫ ਪੰਜਾਬ ਦੇ ਸਪੌਂਸਰ ਅਮਨਦੀਪ ਚੱਡਾ ਵੱਲੋਂ ਇਸ ਸਾਲ ਫਾਈਨਲ ਵਿੱਚ ਪਹਿਲੇ ਸਥਾਨ 'ਤੇ ਰਹਿਣ ਵਾਲੀ ਟੀਮ ਨੂੰ 2100 ਯੂਰੋ ਅਤੇ ਦੂਜੇ ਸਥਾਨ 'ਤੇ ਆਉਣ ਵਾਲੀ ਟੀਮ ਨੂੰ 1100 ਯੂਰੋ ਦੇਣ ਦਾ ਐਲਾਨ ਕੀਤਾ। ਜੋ ਕਿ ਪੰਜਾਬੀ ਕਮਿਊਨਿਟੀ ਵੱਲੋਂ ਕਰਵਾਏ ਜਾ ਰਹੇ ਸਾਰੇ ਫੁੱਟਬਾਲ ਟੂਰਨਾਮੈਂਟਾਂ ਵਿੱਚੋਂ ਹੁਣ ਤੱਕ ਦਾ ਸਭ ਤੋਂ ਵੱਡਾ ਇਨਾਮ ਰਹੇਗਾ। ਟਰੋਫੀਆਂ ਦੀ ਭੂਮਿਕਾ ਰਠੌਰ ਬ੍ਰਦਰਜ਼ ਵੱਲੋਂ ਨਿਭਾਈ ਜਾਵੇਗੀ। ਬਿੱਟੂ ਅਤੇ ਵਿੱਕੀ ਦੋਨੇ ਵੀਰ ਸਪੌਂਸਰ ਵਜੋਂ ਗਰਾਊਂਡ ਦੀ ਭੂਮਿਕਾ ਨਿਭਾਉਣਗੇ। ਆਏ ਹੋਏ ਖਿਡਾਰੀਆਂ ਅਤੇ ਦਰਸ਼ਕ ਸਾਹਿਬਾਨਾਂ ਦੇ ਲਈ ਲੰਗਰ ਦੀ ਸੇਵਾ ਜਸਵੀਰ ਸਿੰਘ ਅਤੇ ਦਲਜੀਤ ਸਿੰਘ ਦੋਨਾਂ ਭਰਾਵਾਂ ਵੱਲੋਂ ਨਿਭਾਈ ਜਾਵੇਗੀ। ਇਹ ਦੋ ਦਿਨਾਂ ਫੁੱਟਬਾਲ ਕੱਪ ਦਾ ਸਾਰਾ ਪ੍ਰੋਗਰਾਮ ਕਲਤੂਰਾ ਸਿੱਖ ਟੀਵੀ 'ਤੇ ਲਾਈਵ ਦਿਖਾਇਆ ਜਾਵੇਗਾ। ਪ੍ਰਬੰਧਕਾਂ ਵੱਲੋਂ ਇਸ ਖੇਡ ਪ੍ਰੋਗਰਾਮ ਨੂੰ ਯਾਦਗਾਰੀ ਬਣਾਉਣ ਲਈ ਖੇਡ ਪ੍ਰੇਮੀਆਂ ਨੂੰ ਹੁੰਮ ਹੁੰਮਾਂ ਕੇ ਇਸ ਦੋ ਦਿਨਾਂ ਫੁੱਟਬਾਲ ਕੱਪ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ ਗਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਆਸਟ੍ਰੇਲੀਆ ਦੀ BBL ਦੀ ਭਾਰਤ 'ਚ ਐਂਟਰੀ, ਮੈਲਬੋਰਨ 'ਚ ਪ੍ਰਧਾਨ ਮੰਤਰੀ ਮੋਦੀ ਨੇ ਕੀਤਾ ਐਲਾਨ
NEXT STORY 
