ਨਿਊਜਰਸੀ (ਰਾਜ ਗੋਗਨਾ)- ਅਮਰੀਕਾ ਵਿਚ ਵੱਸਦੇ ਭਾਰਤੀ-ਅਮਰੀਕੀ ਭਾਈਚਾਰੇ ਦੇ ਕੁਝ ਮੈਂਬਰਾਂ ਨੇ ਐਤਵਾਰ ਨੂੰ ਪੂਰੇ ਅਮਰੀਕਾ ਵਿੱਚ ਹਵਨ ਕਰਵਾਏ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤੀ ਜਨਤਾ ਪਾਰਟੀ ਦੀਆ ਚੱਲ ਰਹੀਆਂ ਲੋਕ ਸਭਾ ਚੋਣਾਂ ਵਿੱਚ ਸਫਲਤਾ ਲਈ ਪ੍ਰਾਰਥਨਾ ਵੀ ਕੀਤੀ। ਭਾਜਪਾ-ਅਮਰੀਕਾ ਦੇ ਓਵਰਸੀਜ਼ ਫ੍ਰੈਂਡਜ਼ ਦੇ ਵਲੰਟੀਅਰਾਂ ਅਤੇ ਉਨ੍ਹਾਂ ਦੇ ਪ੍ਰਧਾਨ ਅਡਪਾ ਪ੍ਰਸਾਦ ਅਤੇ ਜਨਰਲ ਸਕੱਤਰ ਵਾਸੂਦੇਵ ਪਟੇਲ ਦੀ ਅਗਵਾਈ ਵਿੱਚ ਦੇਸ਼ ਭਰ ਵਿੱਚ ਹਵਨ ਸਮਾਗਮਾਂ ਦਾ ਆਯੋਜਨ ਕੀਤਾ ਗਿਆ।
ਇਸੇ ਤਰ੍ਹਾਂ ਹਵਨ ਦਾ ਇਕ ਸਮਾਗਮ ਸ਼੍ਰੀ ਸ਼ਿਵ ਵਿਸ਼ਨੂੰ ਮੰਦਿਰ, ਸਾਈਂ ਦੱਤ ਪੀਠਮ, ਐਡੀਸਨ, ਨਿਊਜਰਸੀ ਵਿਖੇ ਕੀਤਾ ਗਿਆ। ਸਮਾਗਮ ਦੌਰਾਨ ਭਾਜਪਾ ਦੇ ਸਮਰਥਕਾਂ ਨੇ ਸੁਦਰਸ਼ਨ ਮੰਤਰ ਦਾ ਜਾਪ ਕੀਤਾ। ਅਤੇ ਲੋਕ ਸਭਾ ਚੋਣਾਂ ਵਿੱਚ ਪਾਰਟੀ ਦੀ ਜਿੱਤ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਲਗਾਤਾਰ ਤੀਜੇ ਕਾਰਜਕਾਲ ਲਈ ਪ੍ਰਾਰਥਨਾ ਕੀਤੀ। ਪ੍ਰਧਾਨ ਮੰਤਰੀ ਮੋਦੀ ਅਤੇ ਭਾਜਪਾ ਦੇ ਸੈਂਕੜੇ ਸਮਰਥਕਾਂ ਨੇ ਇਸ ਸਮਾਗਮ ਵਿੱਚ ਹਿੱਸਾ ਲਿਆ। ਪ੍ਰਧਾਨ ਅਡੱਪਾ ਪ੍ਰਸਾਦ ਨੇ ਫਰੈਂਡਜ ਆਫ਼ ਬੀਜੇਪੀ ਵਲੰਟੀਅਰਾਂ ਦੇ ਯਤਨਾਂ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ "ਇਹ ਪਵਿੱਤਰ ਰਸਮਾਂ ਅਧਿਆਤਮਿਕ ਤਾਕਤ ਪੈਦਾ ਕਰਦੀਆਂ ਹਨ ਅਤੇ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਵਿੱਚ ਇੱਕ ਖੁਸ਼ਹਾਲ ਭਾਰਤ ਲਈ ਭਾਜਪਾ ਦੇ ਦ੍ਰਿਸ਼ਟੀਕੋਣ ਦਾ ਸਮਰਥਨ ਕਰਨ ਲਈ ਸਾਡੇ ਸਮੂਹਿਕ ਸੰਕਲਪ ਨੂੰ ਦਰਸਾਉਂਦੀਆਂ ਹਨ।ਇਹ ਭਾਰਤ ਦੀ ਤਰੱਕੀ ਅਤੇ ਵਿਕਾਸ ਲਈ ਸਾਡੀ ਅਟੁੱਟ ਵਚਨਬੱਧਤਾ ਦਾ ਡੂੰਘਾ ਪ੍ਰਗਟਾਵਾ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ ਨੇ ਸਟਾਰਟ-ਅੱਪ ਵੀਜ਼ਾ ਪ੍ਰੋਗਰਾਮ 'ਚ ਕੀਤੀ ਕਟੌਤੀ, ਇਸ ਸਾਲ 1000 ਤੋਂ ਘੱਟ ਅਰਜ਼ੀਆਂ ਹੋਣਗੀਆਂ ਸਵੀਕਾਰ
ਉਨ੍ਹਾਂ ਅੱਗੇ ਕਿਹਾ ਕਿ ਹਵਨ ਸਮਾਗਮ ਵਿਚ ਇਕੱਠੇ ਹੋਏ ਭਾਰਤੀ ਭਾਈਚਾਰੇ ਦੇ ਮੈਂਬਰਾਂ ਵਿਚ ਭਾਰੀ ਉਤਸ਼ਾਹ ਅਤੇ ਬਹੁਤ ਆਤਮ ਵਿਸ਼ਵਾਸ ਹੈ। ਭਾਰਤੀ-ਅਮਰੀਕੀ ਕ੍ਰਿਸ਼ਨਾ ਰੈੱਡੀ ਨੇ ਵੀ ਆਪਣੇ ਸੰਬੋਧਨ ਵਿਚ ਵਿਸ਼ਵਾਸ ਪ੍ਰਗਟਾਇਆ ਕਿ ਰੱਬੀ ਅਸ਼ੀਰਵਾਦ ਨਾਲ ਭਾਜਪਾ ਅਤੇ ਪ੍ਰਧਾਨ ਮੰਤਰੀ ਮੋਦੀ ਚੋਣਾਂ ਵਿੱਚ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰਨਗੇ। ਭਾਰਤੀ ਡਾਇਸਪੋਰਾ ਦੇ ਇੱਕ ਹੋਰ ਮੈਂਬਰ ਚਰਨ ਸਿੰਘ ਨੇ ਪ੍ਰਵਾਸੀ ਭਾਰਤੀ ਭਾਈਚਾਰੇ ਵਿੱਚ ਭਾਜਪਾ ਲਈ ਮਜ਼ਬੂਤ ਸਮਰਥਨ ਨੂੰ ਉਜਾਗਰ ਕੀਤਾ। ਕਲਪਨਾ ਸ਼ੁਕਲਾ ਨੇ ਭਾਰਤ ਅਤੇ ਵਿਸ਼ਵ ਪੱਧਰ 'ਤੇ ਲੋਕਾਂ ਦੀ ਬਿਹਤਰੀ ਲਈ ਪ੍ਰਧਾਨ ਮੰਤਰੀ ਮੋਦੀ ਦੇ ਅਣਥੱਕ ਯਤਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ। ਦੀਪ ਭੱਟ ਨੇ ਪੀ.ਐਮ ਮੋਦੀ ਦਾ ਸਮਰਥਨ ਕਰਨ ਲਈ ਨੌਜਵਾਨਾਂ ਵਿੱਚ ਉਤਸ਼ਾਹ ਨੂੰ ਉਜਾਗਰ ਕੀਤਾ। ਇਸ ਸਮਾਗਮ ਵਿੱਚ ਪਦਮਸ੍ਰੀ ਅਵਾਰਡੀ ਸੁਧੀਰ ਪਾਰੇਖ, ਜਯੇਸ਼ ਪਟੇਲ, ਕੇ ਨਰੂਲਾ, ਰਾਜਲਕਸ਼ਮੀ, ਗੁੰਜਨ ਮਿਸ਼ਰਾ, ਹੈਰੀ ਸੇਠੀ, ਮਧੁਕਰ ਰੈੱਡੀ, ਗਣੇਸ਼ ਆਰ ਗੋਵਿੰਦਰਾਜ, ਸ਼੍ਰੀਕਾਂਤ ਰੈੱਡੀ ਵਰਗੇ ਪ੍ਰਮੁੱਖ ਭਾਈਚਾਰਕ ਨੇਤਾਵਾਂ ਅਤੇ ਵਲੰਟੀਅਰਾਂ ਦੇ ਨਾਲ ਨਿਊਜਰਸੀ ਵਿੱਚ ਰਹਿੰਦੇ ਹੋਰ ਭਾਰਤੀ ਪ੍ਰਵਾਸੀਆਂ ਨੇ ਭਾਗ ਲਿਆ।
ਸ਼ਿਕਾਗੋ ਵਿੱਚ ਵੀ ਭਾਰਤੀ ਅਮਰੀਕੀ ਪੇਸ਼ੇਵਰ, ਉੱਦਮੀ ਅਤੇ ਨਿਵਾਸੀ ਇਸ ਪਵਿੱਤਰ 'ਹਵਨ' ਸਮਾਰੋਹ ਵਿੱਚ ਹਿੱਸਾ ਲੈਣ ਲਈ ਸ਼ਹਿਰ ਦੇ ਉਪਨਗਰਾਂ ਵਿੱਚ ਸਥਿਤ ਇੱਕ ਹਿੰਦੂ ਮੰਦਰ ਵਿੱਚ ਇਕੱਠੇ ਹੋਏ। ਇਸ ਸਮਾਗਮ ਵਿੱਚ ਛੱਤੀਸਗੜ੍ਹ ਦੇ ਸਾਬਕਾ ਰਾਜਪਾਲ ਸਵਰਗੀ ਬਲਰਾਮ ਜੀ ਟੰਡਨ ਦੀ ਪੋਤੀ, ਪ੍ਰਕ੍ਰਿਤੀ ਬੱਤਰਾ ਸਮੇਤ ਸਤਿਕਾਰਤ ਸ਼ਖਸੀਅਤਾਂ ਦੀ ਇੱਕ ਮਹੱਤਵਪੂਰਨ ਮੌਜੂਦਗੀ ਦੇਖੀ ਗਈ। ਸ਼ਿਕਾਗੋ ਵਿੱਚ ਇਸ 'ਚੰਡੀ ਹੋਮਮ' ਨੂੰ ਅਮਰ ਉਪਾਧਿਆਏ, ਨਿਰਮਲਾ ਰੈੱਡੀ, ਅਤੇ ਰਾਕੇਸ਼ ਮਲਹੋਤਰਾ, ਭਾਰਤੀ ਡਾਇਸਪੋਰਾ ਦੇ ਮੈਂਬਰਾਂ ਦੁਆਰਾ ਸਨਮਾਨਿਤ ਕੀਤਾ ਗਿਆ। ਆਰ ਬੀਜੇਪੀ ਦੇ ਪ੍ਰਵਾਸੀ ਭਾਰਤੀ ਸਮਰਥਕ ਵਾਸ਼ਿੰਗਟਨ, ਡੀਸੀ ਮੈਟਰੋ ਖੇਤਰ ਦੇ ਫੇਅਰਫੈਕਸ, ਵਰਜੀਨੀਆ ਦੇ 'ਸ਼੍ਰੀ ਵੈਂਕਟੇਸ਼ਵਰ ਲੋਟਸ ਟੈਂਪਲ' ਵਿਖੇ ਗਣਪਤੀ ਹੋਮ ਕਰਨ ਲਈ ਇਕੱਠੇ ਹੋਏ। ਭਾਰਤ ਦੀ ਭਲਾਈ ਅਤੇ ਖੁਸ਼ਹਾਲੀ ਲਈ ਪ੍ਰਾਰਥਨਾ ਕਰਦੇ ਹੋਏ ਅਤੇ ਪ੍ਰਧਾਨ ਮੰਤਰੀ ਮੋਦੀ ਲਈ ਭਗਵਾਨ ਗਣੇਸ਼ ਦਾ ਅਸ਼ੀਰਵਾਦ ਮੰਗਦੇ ਹੋਏ ਅਤੇ ਚੱਲ ਰਹੀਆਂ 2024 ਦੀਆਂ ਆਮ ਚੋਣਾਂ ਵਿੱਚ ਭਾਜਪਾ ਦੀ ਕਾਮਯਾਬੀ ਲਈ ਅਰਦਾਸਾਂ ਕੀਤੀਆਂ। ਸ਼੍ਰੀ ਵੈਂਕਟੇਸ਼ਵਰ ਲੋਟਸ ਟੈਂਪਲ ਦੇ ਸੀਨੀਅਰ ਪੁਜਾਰੀ ਸ਼੍ਰੀਮਨ ਕੇਸ਼ਵਨ ਦੇ ਨਾਲ ਲਗਭਗ 50 ਵਲੰਟੀਅਰਾਂ, ਸ਼ੁਭਚਿੰਤਕਾਂ ਅਤੇ ਕਾਰਜਕਰਤਾਵਾਂ ਨੇ ਇਸ ਸਮਾਗਮ ਵਿੱਚ ਹਿੱਸਾ ਲਿਆ। ਇਸੇ ਤਰ੍ਹਾਂ ਦੇ ਹਵਨ ਲਾਸ ਏਂਜਲਸ, ਆਸਟਿਨ, ਡੇਟਰੋਇਟ ਅਤੇ ਰੇਲੇ ਵਿੱਚ ਆਯੋਜਿਤ ਕੀਤੇ ਗਏ ਸਨ। ਇਨ੍ਹਾਂ ਹਵਨਾਂ ਵਿੱਚ ਕ੍ਰਮਵਾਰ ਪੀ ਕੇ ਨਾਇਕ, ਅਨਿਲ ਮਹਾਜਨ, ਵੇਣੂ ਉੱਪਲਾ, ਸ਼ਿਆਮ ਐਨਾਗੰਤੀ, ਰਾਜੂ ਕੁਰਪਤੀ ਅਤੇ ਹੋਰ ਵਲੰਟੀਅਰ ਵੀ ਹਾਜ਼ਰ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੈਨੇਡਾ ਨੇ ਸਟਾਰਟ-ਅੱਪ ਵੀਜ਼ਾ ਪ੍ਰੋਗਰਾਮ 'ਚ ਕੀਤੀ ਕਟੌਤੀ, ਇਸ ਸਾਲ 1000 ਤੋਂ ਘੱਟ ਅਰਜ਼ੀਆਂ ਹੋਣਗੀਆਂ ਸਵੀਕਾਰ
NEXT STORY 
