ਪੁਡੂਚੇਰੀ : ਪੁਡੂਚੇਰੀ ਵਿਧਾਨ ਸਭਾ ਚੋਣਾਂ ਦੇ ਨਤੀਜਿਆਂ 'ਚ ਭਾਜਪਾ ਦੀ ਅਗਵਾਈ ਵਾਲੇ ਐੱਨ.ਡੀ.ਏ. (NDA) ਗਠਜੋੜ ਨੇ ਬਹੁਮਤ ਹਾਸਲ ਕਰਕੇ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ। ਸੋਮਵਾਰ ਨੂੰ 30 ਵਿਧਾਨ ਸਭਾ ਹਲਕਿਆਂ ਲਈ ਹੋਈ ਵੋਟਾਂ ਦੀ ਗਿਣਤੀ ਵਿੱਚ ਗਠਜੋੜ ਨੇ ਸਪੱਸ਼ਟ ਬਹੁਮਤ ਪ੍ਰਾਪਤ ਕੀਤਾ ਹੈ।
ਕੁੱਲ 30 ਸੀਟਾਂ ਵਿੱਚੋਂ ਐੱਨ.ਡੀ.ਏ. ਗਠਜੋੜ ਨੇ 18 ਸੀਟਾਂ (16 ਜਿੱਤੀਆਂ ਅਤੇ 2 'ਤੇ ਲੀਡ) ਹਾਸਲ ਕੀਤੀਆਂ ਹਨ। ਗਠਜੋੜ ਦੀਆਂ ਭਾਈਵਾਲ ਪਾਰਟੀਆਂ ਦਾ ਪ੍ਰਦਰਸ਼ਨ ਹੇਠ ਲਿਖੇ ਅਨੁਸਾਰ ਰਿਹਾ। ਇਸ ਦੌਰਾਨ AINRC ਨੇ 10 ਸੀਟਾਂ ਜਿੱਤੀਆਂ ਅਤੇ 2 ਸੀਟਾਂ 'ਤੇ ਅੱਗੇ (ਕੁੱਲ 12) ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਭਾਰਤੀ ਜਨਤਾ ਪਾਰਟੀ (BJP) ਨੇ 4 ਸੀਟਾਂ 'ਤੇ ਜਿੱਤ ਦਰਜ ਕੀਤੀ। LJKL ਤੇ AIADMK ਨੇ 1-1 ਸੀਟ ਜਿੱਤੀ।
ਦੂਜੇ ਪਾਸੇ, ਕਾਂਗਰਸ (CONG) ਨੂੰ ਕੇਵਲ 6 ਸੀਟਾਂ ਮਿਲੀਆਂ ਹਨ ਅਤੇ ਟੀ.ਵੀ.ਕੇ. (TVK) ਨੇ 3 ਸੀਟਾਂ 'ਤੇ ਜਿੱਤ ਹਾਸਲ ਕੀਤੀ ਹੈ।
ਵੋਟਾਂ ਦੀ ਗਿਣਤੀ ਲਈ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ 6 ਗਿਣਤੀ ਕੇਂਦਰ ਸਥਾਪਿਤ ਕੀਤੇ ਗਏ ਸਨ। ਇਹ ਚੋਣਾਂ ਪੁਡੂਚੇਰੀ (23 ਸੀਟਾਂ), ਕਾਰਾਈਕਲ (5 ਸੀਟਾਂ), ਮਾਹੇ (1 ਸੀਟ) ਅਤੇ ਯਾਨਮ (1 ਸੀਟ) ਵਿੱਚ ਫੈਲੇ 30 ਹਲਕਿਆਂ ਲਈ ਹੋਈਆਂ ਸਨ। ਇਸ ਜਿੱਤ ਨਾਲ ਪੁਡੂਚੇਰੀ ਵਿੱਚ ਐੱਨ.ਡੀ.ਏ. ਦੀ ਨਵੀਂ ਸਰਕਾਰ ਬਣਨ ਦਾ ਰਸਤਾ ਸਾਫ਼ ਹੋ ਗਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
21 'ਚੋਂ 13 ਮੰਤਰੀ ਚੋਣਾਂ ਹਾਰੇ ! ਕੇਰਲ 'ਚ ਸਿਹਤ ਮੰਤਰੀ ਸਮੇਤ ਕਈ ਦਿੱਗਜਾਂ ਨੂੰ ਮਿਲੀ ਕਰਾਰੀ ਹਾਰ
NEXT STORY 
