ਇੰਟਰਨੈਸ਼ਨਲ ਡੈਸਕ: ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਰਿਸ਼ਤਿਆਂ ਵਿੱਚ ਇੱਕ ਵਾਰ ਫਿਰ ਪਾਣੀ ਦੀ ਵੰਡ ਨੂੰ ਲੈ ਕੇ ਤਣਾਅ ਪੈਦਾ ਹੁੰਦਾ ਨਜ਼ਰ ਆ ਰਿਹਾ ਹੈ। ਬੰਗਲਾਦੇਸ਼ ਦੀ ਸੱਤਾਧਾਰੀ ਬੀ.ਐਨ.ਪੀ. (BNP) ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ਭਾਰਤ ਨਾਲ ਰਿਸ਼ਤਿਆਂ ਵਿੱਚ ਸੁਧਾਰ ਹੁਣ ਗੰਗਾ ਜਲ ਦੀ ਵੰਡ ਸਬੰਧੀ 30 ਸਾਲ ਪੁਰਾਣੀ ਸੰਧੀ ਦੇ ਨਵੀਨੀਕਰਨ 'ਤੇ ਨਿਰਭਰ ਕਰੇਗਾ।
ਢਾਕਾ ਵਿੱਚ ਆਯੋਜਿਤ ਇੱਕ ਪ੍ਰੋਗਰਾਮ ਦੌਰਾਨ ਬੰਗਲਾਦੇਸ਼ ਦੇ ਪੇਂਡੂ ਵਿਕਾਸ ਮੰਤਰੀ ਮਿਰਜ਼ਾ ਫਖਰੂਲ ਇਸਲਾਮ ਆਲਮਗੀਰ ਨੇ ਕਿਹਾ ਕਿ ਜੇਕਰ ਦੋਵਾਂ ਦੇਸ਼ਾਂ ਦੇ ਰਿਸ਼ਤੇ ਬਿਹਤਰ ਕਰਨੇ ਹਨ, ਤਾਂ ਦਸੰਬਰ 2026 ਵਿੱਚ ਖਤਮ ਹੋ ਰਹੀ ਗੰਗਾ ਜਲ ਵੰਡ ਸੰਧੀ ਨੂੰ ਬੰਗਲਾਦੇਸ਼ ਦੀਆਂ ਲੋੜਾਂ ਅਤੇ ਉਮੀਦਾਂ ਮੁਤਾਬਕ ਨਵੇਂ ਸਿਰੇ ਤੋਂ ਤਿਆਰ ਕਰਨਾ ਹੋਵੇਗਾ। ਉਨ੍ਹਾਂ ਇਹ ਵੀ ਸੁਝਾਅ ਦਿੱਤਾ ਕਿ ਭਵਿੱਖ ਵਿੱਚ ਹੋਣ ਵਾਲੇ ਅਜਿਹੇ ਸਮਝੌਤੇ ਕਿਸੇ ਖਾਸ ਸਮੇਂ ਦੀ ਸੀਮਾ ਤੱਕ ਸੀਮਤ ਨਹੀਂ ਹੋਣੇ ਚਾਹੀਦੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤ-ਕੈਨੇਡਾ ਵਿਚਾਲੇ ਸੁਧਰ ਰਹੇ ਸਬੰਧ! ਰੱਖਿਆ ਸਹਿਯੋਗ ਮਜ਼ਬੂਤ ਕਰਨ ਲਈ ਹੋਈ ਅਹਿਮ ਮੀਟਿੰਗ
ਬੰਗਲਾਦੇਸ਼ ਦਾ ਦਾਅਵਾ ਹੈ ਕਿ ਭਾਰਤ ਦੇ ਫਰੱਕਾ ਬੈਰਾਜ ਕਾਰਨ ਸੁੱਕੇ ਮੌਸਮ ਵਿੱਚ ਪਾਣੀ ਦਾ ਵਹਾਅ ਘੱਟ ਜਾਂਦਾ ਹੈ, ਜਿਸ ਨਾਲ ਬੰਗਲਾਦੇਸ਼ (ਜਿੱਥੇ ਗੰਗਾ ਨੂੰ ਪਦਮਾ ਕਿਹਾ ਜਾਂਦਾ ਹੈ) ਦੇ ਕਈ ਇਲਾਕਿਆਂ ਵਿੱਚ ਖਾਰਾਪਣ ਵੱਧ ਰਿਹਾ ਹੈ ਅਤੇ ਖੇਤੀਬਾੜੀ, ਪੀਣ ਵਾਲੇ ਪਾਣੀ ਤੇ ਮੱਛੀ ਪਾਲਣ ਨੂੰ ਭਾਰੀ ਨੁਕਸਾਨ ਹੋ ਰਿਹਾ ਹੈ। ਇਸ ਪ੍ਰਭਾਵ ਨੂੰ ਘੱਟ ਕਰਨ ਲਈ ਬੰਗਲਾਦੇਸ਼ ਨੇ ਪਦਮਾ ਨਦੀ 'ਤੇ ਇੱਕ ਵੱਡਾ ਬੈਰਾਜ ਪ੍ਰੋਜੈਕਟ ਵੀ ਸ਼ੁਰੂ ਕੀਤਾ ਹੈ, ਜੋ 2033 ਤੱਕ ਪੂਰਾ ਹੋਣ ਦੀ ਉਮੀਦ ਹੈ।ਇੱਕ ਹੋਰ ਗੱਲ ਇਹ ਹੈ ਕਿ ਜੇਕਰ ਵਹਾਅ 70,000 ਅਤੇ 75,000 ਕਿਊਸਿਕ ਦੇ ਵਿਚਕਾਰ ਹੈ, ਤਾਂ ਬੰਗਲਾਦੇਸ਼ ਨੂੰ 35,000 ਕਿਊਸਿਕ ਪਾਣੀ ਮਿਲਦਾ ਹੈ ਅਤੇ ਬਾਕੀ ਭਾਰਤ ਨੂੰ ਮਿਲਦਾ ਹੈ। ਜੇਕਰ ਵਹਾਅ 75,000 ਕਿਊਸਿਕ ਤੋਂ ਉੱਪਰ ਹੈ, ਤਾਂ ਭਾਰਤ ਨੂੰ 40,000 ਕਿਊਸਿਕ ਮਿਲਦਾ ਹੈ, ਅਤੇ ਬਾਕੀ ਬੰਗਲਾਦੇਸ਼ ਨੂੰ ਮਿਲਦਾ ਹੈ।ਇਹ ਵਿਵਾਦ ਉਦੋਂ ਸ਼ੁਰੂ ਹੋਇਆ ਜਦੋਂ ਢਾਕਾ ਨੇ ਦੋਸ਼ ਲਗਾਇਆ ਕਿ ਭਾਰਤ ਬੈਰਾਜ ਤੋਂ ਵਾਧੂ ਪਾਣੀ ਕੱਢ ਰਿਹਾ ਹੈ, ਜਿਸ ਕਾਰਨ ਬੰਗਲਾਦੇਸ਼ ਵਿੱਚ ਨਦੀਆਂ ਸੁੱਕ ਗਈਆਂ ਹਨ।
ਬੰਗਲਾਦੇਸ਼ੀ ਆਗੂਆਂ ਨੇ ਪੱਛਮੀ ਬੰਗਾਲ ਦੀ ਪਿਛਲੀ ਰਾਜਨੀਤੀ 'ਤੇ ਨਿਸ਼ਾਨਾ ਸਾਧਦਿਆਂ ਦੋਸ਼ ਲਾਇਆ ਕਿ ਮਮਤਾ ਬੈਨਰਜੀ ਦੀ ਸਰਕਾਰ ਕਾਰਨ ਤੀਸਤਾ ਜਲ ਸਮਝੌਤਾ ਅਟਕਿਆ ਹੋਇਆ ਸੀ। ਹੁਣ ਉਨ੍ਹਾਂ ਉਮੀਦ ਜਤਾਈ ਹੈ ਕਿ ਪੱਛਮੀ ਬੰਗਾਲ ਵਿੱਚ ਰਾਜਨੀਤਿਕ ਬਦਲਾਅ ਤੋਂ ਬਾਅਦ ਤੀਸਤਾ ਜਲ ਵੰਡ 'ਤੇ ਗੱਲਬਾਤ ਅੱਗੇ ਵਧ ਸਕਦੀ ਹੈ। ਭਾਰਤ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਰਣਧੀਰ ਜਾਇਸਵਾਲ ਅਨੁਸਾਰ ਦੋਵੇਂ ਦੇਸ਼ 54 ਸਾਂਝੀਆਂ ਨਦੀਆਂ ਦੇ ਮੁੱਦਿਆਂ 'ਤੇ ਨਿਯਮਤ ਸੰਪਰਕ ਵਿੱਚ ਹਨ ਅਤੇ ਇਸ ਲਈ ਕਈ ਦੁਵੱਲੇ ਤੰਤਰ ਮੌਜੂਦ ਹਨ। ਹਾਲਾਂਕਿ, ਜਿਸ ਤਰ੍ਹਾਂ ਬੰਗਲਾਦੇਸ਼ ਨੇ ਪਾਣੀ ਦੇ ਮੁੱਦੇ ਨੂੰ ਸਿੱਧਾ ਰਿਸ਼ਤਿਆਂ ਨਾਲ ਜੋੜ ਦਿੱਤਾ ਹੈ, ਉਸ ਨਾਲ ਆਉਣ ਵਾਲੇ ਸਮੇਂ ਵਿੱਚ 'ਪਾਣੀ ਦੀ ਰਾਜਨੀਤੀ' ਦੋਵਾਂ ਦੇਸ਼ਾਂ ਲਈ ਵੱਡੀ ਚੁਣੌਤੀ ਬਣ ਸਕਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਟਾਰਮਰ ਮਗਰੋਂ ਕੌਣ ਸੰਭਾਲੇਗਾ ਬ੍ਰਿਟੇਨ ਦੀ ਕਮਾਨ ? PM ਦੀ ਰੇਸ 'ਚ ਇਹ 3 ਆਗੂ ਸਭ ਤੋਂ ਅੱਗੇ
NEXT STORY 
