ਇੰਟਰਨੈਸ਼ਨਲ ਡੈਸਕ: ਯੂ.ਕੇ ਵਿਚ ਕੰਮ ਕਰਨ ਦੇ ਚਾਹਵਾਨ ਹੁਨਰਮੰਦ ਭਾਰਤੀਆਂ ਲਈ ਚੰਗੀ ਖ਼ਬਰ ਹੈ। ਯੂ.ਕੇ ਜਲਦ ਹੀ ਹੁਨਰਮੰਦ ਕਾਮਿਆਂ ਦੀ ਤਨਖਾਹ ਵਿਚ ਵਾਧਾ ਕਰੇਗਾ। ਇਸ ਲਈ ਯੂ.ਕੇ ਵਿਦੇਸ਼ੀ ਹੁਨਰਮੰਦ ਕਾਮਿਆਂ ਦੀ ਗਿਣਤੀ ਘਟਾਏਗਾ। ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਇਸ ਯੋਜਨਾ 'ਤੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਦੇ ਮੰਤਰੀਆਂ ਨੂੰ ਇਕ ਪ੍ਰਸਤਾਵ 'ਤੇ ਕੰਮ ਕਰਨ ਲਈ ਕਿਹਾ ਗਿਆ ਹੈ, ਜਿਸ 'ਚ ਵਿਦੇਸ਼ੀ ਹੁਨਰਮੰਦ ਕਾਮਿਆਂ ਦੀ ਘੱਟੋ-ਘੱਟ ਉਜਰਤ 31 ਲੱਖ ਰੁਪਏ (30 ਹਜ਼ਾਰ ਪੌਂਡ) ਪ੍ਰਤੀ ਮਹੀਨਾ ਜ਼ਰੂਰੀ ਹੋਵੇਗੀ। ਫਿਲਹਾਲ ਇਹ ਸੀਮਾ 27.39 ਲੱਖ ਰੁਪਏ ਪ੍ਰਤੀ ਮਹੀਨਾ ਹੈ। ਇਹ ਔਸਤ ਤਨਖਾਹ 34.49 ਲੱਖ ਰੁਪਏ ਤੋਂ ਬਹੁਤ ਘੱਟ ਹੈ।
ਇਸ ਦੇ ਨਾਲ ਹੀ ਇੱਕ ਸਾਲ ਵਿੱਚ ਵੱਧ ਤੋਂ ਵੱਧ 5 ਲੱਖ ਵਿਦੇਸ਼ੀ ਪ੍ਰਵਾਸੀਆਂ ਨੂੰ ਆਉਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। ਸੁਨਕ ਸਰਕਾਰ ਨੇ ਮੰਤਰੀਆਂ ਨੂੰ ਇਸ ਸਬੰਧੀ ਪ੍ਰਸਤਾਵ ਤਿਆਰ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸਰਕਾਰ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਹੁਨਰਮੰਦ ਕਾਮਿਆਂ ਲਈ ਤਨਖ਼ਾਹ ਸੀਮਾ ਵਧਾ ਕੇ ਪ੍ਰਵਾਸੀਆਂ ਦੀ ਗਿਣਤੀ ਘਟਾਉਣ ਲਈ ਪ੍ਰਸਤਾਵ ਪੇਸ਼ ਕੀਤੇ ਜਾਣਗੇ।
6.72 ਲੱਖ ਪ੍ਰਵਾਸੀ ਪਹੁੰਚੇ:
ਯੂ.ਕੇ ਦੇ ਰਾਸ਼ਟਰੀ ਅੰਕੜਾ ਦਫਤਰ ਦੁਆਰਾ ਵੀਰਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ ਜੂਨ 2023 ਨੂੰ ਖ਼ਤਮ ਹੋਏ ਸਾਲ ਵਿੱਚ 6.72 ਲੱਖ ਵਿਦੇਸ਼ੀ ਪ੍ਰਵਾਸੀ ਪਹੁੰਚੇ। ਇਹ ਗਿਣਤੀ ਪਿਛਲੇ ਸਾਲ 6.07 ਲੱਖ ਤੋਂ ਵੱਧ ਹੈ। ਭਾਰਤੀ ਹੁਨਰਮੰਦ ਕਾਮੇ, ਡਾਕਟਰ ਅਤੇ ਵਿਦਿਆਰਥੀ ਯੂ.ਕੇ ਵੀਜ਼ਾ ਸੂਚੀ ਵਿੱਚ ਦਬਦਬਾ ਬਣਾਏ ਹੋਏ ਹਨ। ਸਭ ਤੋਂ ਵੱਧ 38,866 ਭਾਰਤੀਆਂ ਨੂੰ ਬ੍ਰਿਟੇਨ ਦਾ ਵੀਜ਼ਾ ਮਿਲਿਆ।
4 ਸਾਲਾਂ ਤੋਂ ਹੁਨਰਮੰਦ ਕਾਮਿਆਂ ਦੀ ਉੱਚ ਮੰਗ
ਪੜ੍ਹਾਈ ਹੋਵੇ ਜਾਂ ਨੌਕਰੀ, ਬ੍ਰਿਟੇਨ ਭਾਰਤੀਆਂ ਦੀ ਮੁੱਖ ਪਸੰਦ ਹੈ। ਉੱਥੇ ਕਰਮਚਾਰੀਆਂ ਦੀ ਭਾਰੀ ਕਮੀ ਹੈ। ਵੱਡੇ ਖੇਤਰਾਂ ਵਿੱਚ ਵੱਡੇ ਅਹੁਦਿਆਂ 'ਤੇ ਨੌਕਰੀਆਂ ਤੋਂ ਇਲਾਵਾ, ਹੁਨਰਮੰਦ ਕਾਰਜ ਬਲ ਯਾਨੀ ਕਿ ਹੁਨਰਮੰਦ ਕਾਮਿਆਂ ਦੀ ਲੋੜ ਹੋਵੇਗੀ।
2027 ਤੱਕ ਕਿਸ ਸੈਕਟਰ ਵਿੱਚ ਕਿੰਨੀ ਵਿਕਾਸ ਦਰ
2.7% ਰਵਾਇਤੀ ਇੰਜੀਨੀਅਰਿੰਗ
ਆਈਟੀ ਸੈਕਟਰ 4.2%
ਅਰਥ ਸ਼ਾਸਤਰ ਅਤੇ ਅੰਕੜੇ 4.3%
ਪ੍ਰੋਗਰਾਮਿੰਗ, ਸਾਫਟਵੇਅਰ ਡਿਵੈਲਪਮੈਂਟ 4.2%
ਇਨ੍ਹਾਂ ਖੇਤਰਾਂ ਵਿਚ ਅਗਲੇ ਚਾਰ ਸਾਲਾਂ ਵਿਚ ਨੌਕਰੀਆਂ ਦੀ ਮੰਗ ਤੇਜ਼ੀ ਨਾਲ ਵਧੇਗੀ, ਇਸ ਲਈ ਸਹੀ ਡਿਗਰੀ ਅਤੇ ਕੰਮ ਦੇ ਤਜ਼ਰਬੇ ਨਾਲ ਢੁਕਵੀਂ ਨੌਕਰੀ ਆਸਾਨੀ ਨਾਲ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਸਿੱਖ ਸ਼ਰਧਾਲੂਆਂ ਲਈ ਚੰਗੀ ਖ਼ਬਰ, ਪ੍ਰਕਾਸ਼ ਪੁਰਬ ਮੌਕੇ ਪਾਕਿਸਤਾਨ ਨੇ ਜਾਰੀ ਕੀਤੇ 'ਵੀਜ਼ੇ'
ਭਾਰਤੀਆਂ ਲਈ ਬ੍ਰਿਟੇਨ ਵਿੱਚ ਨੌਕਰੀ ਪ੍ਰਾਪਤ ਕਰਨ ਦਾ ਇਹ ਸੁਨਹਿਰੀ ਮੌਕਾ
2021 ਤੋਂ 2022 ਦਰਮਿਆਨ ਭਾਰਤੀਆਂ ਲਈ ਸਕਿਲਡ ਵਰਕਰਜ਼ ਵੀਜ਼ਾ ਵਿੱਚ ਵਾਧਾ 63%
ਹੈਲਥਕੇਅਰ: ਹੁਨਰਮੰਦ ਲੇਬਰ ਵੀਜ਼ਾ ਸਕੀਮ ਅਧੀਨ ਵਿਦੇਸ਼ਾਂ ਤੋਂ ਨਰਸਾਂ, ਫਾਰਮਾਸਿਸਟਾਂ, ਦੇਖਭਾਲ ਕਰਨ ਵਾਲੇ ਪੇਸ਼ੇਵਰਾਂ ਦੀ ਭਰਤੀ ਰਾਹੀਂ। ਵੀਜ਼ਾ ਦੀ ਮਿਆਦ ਵਧਾਈ ਜਾ ਸਕਦੀ ਹੈ।
ਰਵਾਇਤੀ ਇੰਜੀਨੀਅਰਿੰਗ: ਸਿਵਲ, ਮਕੈਨੀਕਲ, ਇਲੈਕਟ੍ਰੀਕਲ ਅਤੇ ਇਲੈਕਟ੍ਰੋਨਿਕਸ ਦੇ ਨਾਲ-ਨਾਲ ਡਿਜ਼ਾਈਨ-ਡਿਵੈਲਪਮੈਂਟ ਇੰਜੀਨੀਅਰਾਂ ਦੀ ਭਾਰੀ ਮੰਗ ਹੈ।
ਆਈਟੀ ਸੈਕਟਰ: ਆਰਕੀਟੈਕਟਸ ਅਤੇ ਸਿਸਟਮ ਡਿਜ਼ਾਈਨਰਾਂ ਸਮੇਤ 2027 ਤੱਕ 4.2 ਫੀਸਦੀ ਦਰ ਨਾਲ (5200) ਨੌਕਰੀਆਂ ਵਧਣਗੀਆਂ। ਚਾਰ ਸਾਲਾਂ ਵਿੱਚ 39.6 ਫੀਸਦੀ ਵਰਕਫਰੋਸ ਰਿਟਾਇਰ ਹੋਵੇਗਾ। ਕਰੀਬ 49,600 ਹੋਰ ਨੌਕਰੀਆਂ ਮਿਲਣਗੀਆਂ।ਪ੍ਰੋਗਰਾਮਿੰਗ, ਸਾਫਟਵੇਅਰ ਡਿਵੈਲਪਮੈਂਟ ਅਤੇ ਬੀਮਾ ਬਿੱਲ ਵਿਚ ਵੀ ਮੌਕੇ। ਸਭ ਤੋਂ ਵੱਧ ਨੌਕਰੀਆਂ ਪ੍ਰੋਗਰਾਮਿੰਗ, ਸਾਫਟਵੇਅਰ ਡਿਵੈਲਪਮੈਂਟ ਵਿਚ 1,31,400 ਅਤੇ ਸਭ ਤੋਂ ਘੱਟ ਆਈਟੀ ਸੈਕਟਰ ਵਿਚ 54,800 ਹੋਣਗੀਆਂ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ ਮੂਲ ਦੇ ਡਾਕਟਰ ਨੇ ਅਮਰੀਕਾ 'ਚ ਹਿੰਦੂ ਸੰਗਠਨਾਂ ਨੂੰ 40 ਲੱਖ ਡਾਲਰ ਦੇਣ ਦਾ ਕੀਤਾ ਵਾਅਦਾ
NEXT STORY 
