ਗਾਜ਼ਾ - ਫਿਲਸਤੀਨੀ ਅੱਤਵਾਦੀ ਸੰਗਠਨ ਹਮਾਸ ਨੇ ਵੀਰਵਾਰ ਨੂੰ 4 ਇਜ਼ਰਾਈਲੀ ਬੰਧਕਾਂ ਦੀਆਂ ਲਾਸ਼ਾਂ ਰੈੱਡ ਕ੍ਰਾਸ ਏਜੰਸੀ ਨੂੰ ਸੌਂਪ ਦਿੱਤੀਆਂ, ਜਿਨ੍ਹਾਂ ’ਚ ਸ਼ਿਰੀ ਬਿਬਾਸ ਤੇ ਉਸ ਦੇ 2 ਬੱਚੇ ਏਰੀਅਲ ਬਿਬਾਸ ਤੇ ਕੈਫਿਰ ਬਿਬਾਸ ਸ਼ਾਮਲ ਹਨ। 7 ਅਕਤੂਬਰ, 2023 ਨੂੰ ਜਦੋਂ ਹਮਾਸ ਨੇ ਇਨ੍ਹਾਂ ਨੂੰ ਬੰਧਕ ਬਣਾਇਆ ਸੀ ਤਾਂ ਏਰੀਅਲ 4 ਸਾਲ ਦਾ ਸੀ ਤੇ ਕੈਫਿਰ 9 ਮਹੀਨਿਆਂ ਦਾ ਸੀ। ਇਨ੍ਹਾਂ ਬੱਚਿਆਂ ਦੇ ਪਿਤਾ ਯਾਰਡੇਨ ਬਿਬਾਸ ਨੂੰ ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਰਿਹਾਅ ਕਰ ਦਿੱਤਾ ਗਿਆ ਸੀ। ਚੌਥੀ ਲਾਸ਼ 83 ਸਾਲਾ ਓਡੇਡ ਲਿਫਸ਼ਿਟਜ਼ ਦੀ ਹੈ। ਉਸ ਨੂੰ ਉਸ ਦੀ ਪਤਨੀ ਯੋਚੇਵੇਦ ਸਮੇਤ ਕਿਬੁਤਜ਼ ਨੀਰ ਓਜ਼ ਤੋਂ ਅਗਵਾ ਕਰ ਲਿਆ ਗਿਆ ਸੀ। ਯੋਚੇਵੇਦ ਨੂੰ ਹਮਾਸ ਨੇ 24 ਅਕਤੂਬਰ, 2023 ਨੂੰ ਰਿਹਾਅ ਕਰ ਦਿੱਤਾ ਸੀ। ਹਮਾਸ ਸ਼ਨੀਵਾਰ ਨੂੰ 6 ਬੰਧਕਾਂ ਨੂੰ ਰਿਹਾਅ ਕਰੇਗਾ। ਇਨ੍ਹਾਂ ਬੰਧਕਾਂ ਦੇ ਬਦਲੇ ਇਜ਼ਰਾਈਲ ਅਕਤੂਬਰ 2023 ਤੋਂ ਬਾਅਦ ਗ੍ਰਿਫ਼ਤਾਰ ਕੀਤੇ ਗਏ 19 ਸਾਲ ਤੋਂ ਘੱਟ ਉਮਰ ਦੇ ਫਿਲਸਤੀਨੀਆਂ ਨੂੰ ਰਿਹਾਅ ਕਰੇਗਾ। ਇਸ ਦੇ ਨਾਲ ਹੀ ਇਜ਼ਰਾਈਲ ਮਿਸਰ ਸਰਹੱਦ ਰਾਹੀਂ ਗਾਜ਼ਾ ਤੱਕ ਮਲਬਾ ਹਟਾਉਣ ਵਾਲੀਆਂ ਮਸ਼ੀਨਾਂ ਲਿਜਾਣ ਦੀ ਇਜਾਜ਼ਤ ਦੇਵੇਗਾ।
ਕੈਫਿਰ ਹਮਾਸ ਦੀ ਕੈਦ ’ਚ ਸਭ ਤੋਂ ਘੱਟ ਉਮਰ ਦਾ ਸੀ ਬੰਧਕ
ਕੈਫਿਰ ਨੂੰ ਜਦੋਂ ਬੰਧਕ ਬਣਾਇਆ ਗਿਆ ਸੀ ਤਾਂ ਉਦੋਂ ਉਹ ਸਿਰਫ਼ 9 ਮਹੀਨਿਆਂ ਦਾ ਸੀ। ਉਦੋਂ ਉਹ ਹਮਾਸ ਦੀ ਕੈਦ ’ਚ ਸਭ ਤੋਂ ਘੱਟ ਉਮਰ ਦਾ ਬੰਧਕ ਸੀ। ਹਮਾਸ ਨੇ ਨਵੰਬਰ 2023 ਵਿਚ ਦਾਅਵਾ ਕੀਤਾ ਸੀ ਕਿ ਸ਼ਿਰੀ ਤੇ ਉਸ ਦੇ ਦੋਵਾਂ ਬੱਚਿਆਂ ਦੀ ਇਜ਼ਰਾਈਲੀ ਬੰਬਾਰੀ ’ਚ ਮੌਤ ਹੋ ਚੁੱਕੀ ਹੈ। ਹਮਾਸ ਨੇ ਉਦੋਂ ਇਕ ਵੀਡੀਓ ਵੀ ਜਾਰੀ ਕੀਤੀ ਸੀ, ਜਿਸ ’ਚ ਯਾਰਡੇਨ ਬਿਬਾਸ ਆਪਣੇ ਪਰਿਵਾਰਕ ਮੈਂਬਰਾਂ ਦੀ ਮੌਤ ਲਈ ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਨੂੰ ਜ਼ਿੰਮੇਵਾਰ ਠਹਿਰਾ ਰਿਹਾ ਸੀ।
ਪੰਜਾਬ ਦੇ ਜੋਗਰਾਜ ਕਾਹਲੋਂ ਨੂੰ ਕੈਨੇਡਾ ਦੀ ਵਿਧਾਨ ਸਭਾ ’ਚ ਮਿਲੀ ਅਹਿਮ ਜ਼ਿੰਮੇਵਾਰੀ, ਹਰ ਪਾਸੇ ਹੋ ਰਹੀ ਵਾਹ-ਵਾਹ
NEXT STORY 
