ਕਾਲਜ ਟਾਊਨਸ਼ਿਪ (ਅਮਰੀਕਾ) (ਵਾਰਤਾ)- ਆਮ ਤੌਰ 'ਤੇ ਜ਼ਿਆਦਾਤਰ ਲੋਕ ਨੀਂਦ ਨਾ ਆਉਣ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ। ਅਮਰੀਕਾ ਦੇ ਲਗਭਗ 10 ਪ੍ਰਤੀਸ਼ਤ ਲੋਕ ਕਹਿੰਦੇ ਹਨ ਕਿ ਉਹ ਅਨੀਂਦਰੇ ਦੀ ਸਮੱਸਿਾ ਤੋਂ ਪੀੜਤ ਹਨ ਅਤੇ ਲੱਖਾਂ ਹੋਰ ਲੋਕ ਚੰਗੀ ਤਰ੍ਹਾਂ ਨੀਂਦ ਨਾ ਆਉਣ ਦੀ ਸ਼ਿਕਾਇਤ ਕਰਦੇ ਹਨ। ਇਨਸੌਮਨੀਆ 'ਤੇ ਕੀਤੇ ਗਏ ਇੱਕ ਅਧਿਐਨ ਤੋਂ ਪਤਾ ਲੱਗਾ ਹੈ ਕਿ ਘੱਟ ਨੀਂਦ ਕਈ ਸਿਹਤ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ, ਜਿਸ ਵਿੱਚ ਦਿਲ ਦੀ ਬਿਮਾਰੀ ਵੀ ਸ਼ਾਮਲ ਹੈ। ਪੇਨ ਸਟੇਟ ਕਾਲਜ ਆਫ਼ ਮੈਡੀਸਨ ਵਿਖੇ ਮਨੋਵਿਗਿਆਨ ਅਤੇ ਵਿਵਹਾਰ ਸੰਬੰਧੀ ਸਿਹਤ, ਨਿਊਰੋਸਾਇੰਸ ਅਤੇ ਜਨਤਕ ਸਿਹਤ ਵਿਗਿਆਨ ਦੇ ਪ੍ਰੋਫੈਸਰ ਡਾ. ਜੂਲੀਓ ਫਰਨਾਂਡੇਜ਼-ਮੈਂਡੋਜ਼ਾ ਦੁਆਰਾ ਇਸ ਖੋਜ ਵਿੱਚ ਵਿਚਾਰੇ ਗਏ ਨੁਕਤਿਆਂ ਵਿੱਚ ਨੀਂਦ ਦੀ ਜ਼ਰੂਰਤ, ਕਿਸ਼ੋਰਾਂ ਨੂੰ ਬਾਲਗਾਂ ਨਾਲੋਂ ਜ਼ਿਆਦਾ ਨੀਂਦ ਦੀ ਲੋੜ ਕਿਉਂ ਹੈ ਅਤੇ ਦਵਾਈ ਤੋਂ ਬਿਨਾਂ ਚੰਗੀ ਨੀਂਦ ਕਿਵੇਂ ਪ੍ਰਾਪਤ ਕੀਤੀ ਜਾਵੇ, ਸ਼ਾਮਲ ਹਨ।
ਬਾਲਗਾਂ ਅਤੇ ਕਿਸ਼ੋਰਾਂ ਨੂੰ ਕਿੰਨੀ ਨੀਂਦ ਦੀ ਲੋੜ ਹੁੰਦੀ ਹੈ?
ਜਿਹੜੇ ਬਾਲਗ ਰਾਤ ਨੂੰ ਸੱਤ ਤੋਂ ਅੱਠ ਘੰਟੇ ਤੱਕ ਸੌਂਦੇ ਹਨ, ਉਨ੍ਹਾਂ ਦੀ ਸਰੀਰਕ ਅਤੇ ਮਾਨਸਿਕ ਸਿਹਤ ਆਮ ਤੌਰ 'ਤੇ ਸਭ ਤੋਂ ਵਧੀਆ ਹੁੰਦੀ ਹੈ ਅਤੇ ਉਹ ਲੰਬੇ ਸਮੇਂ ਤੱਕ ਜੀਉਂਦੇ ਹਨ। ਪਰ ਇਹ ਸੁਝਾਅ ਉਮਰ ਦੇ ਨਾਲ ਥੋੜੇ ਬਦਲਦੇ ਹਨ। 65 ਸਾਲ ਤੋਂ ਵੱਧ ਉਮਰ ਦੇ ਬਾਲਗਾਂ ਲਈ ਰਾਤ ਵਿੱਚ ਸਿਰਫ਼ ਛੇ ਤੋਂ ਸੱਤ ਘੰਟੇ ਦੀ ਨੀਂਦ ਹੀ ਕਾਫ਼ੀ ਹੋ ਸਕਦੀ ਹੈ। ਇਸ ਲਈ ਜੇਕਰ ਕੋਈ ਬਜ਼ੁਰਗ ਵਿਅਕਤੀ ਸਿਹਤਮੰਦ ਹੈ ਤਾਂ ਉਸਨੂੰ ਚਿੰਤਾ ਨਹੀਂ ਕਰਨੀ ਚਾਹੀਦੀ ਕਿ ਉਹ ਸਿਰਫ਼ ਛੇ ਘੰਟੇ ਹੀ ਸੌਂ ਪਾਉਂਦਾ ਹੈ। ਨੌਜਵਾਨਾਂ ਨੂੰ ਸਭ ਤੋਂ ਵੱਧ ਘੱਟੋ-ਘੱਟ ਨੌਂ ਘੰਟੇ ਦੀ ਨੀਂਦ ਦੀ ਲੋੜ ਹੁੰਦੀ ਹੈ ਅਤੇ ਕੁਝ ਛੋਟੇ ਬੱਚਿਆਂ ਨੂੰ ਇਸ ਤੋਂ ਵੀ ਵੱਧ ਨੀਂਦ ਦੀ ਲੋੜ ਹੋ ਸਕਦੀ ਹੈ।
ਘੱਟ ਨੀਂਦ ਸਾਡੀ ਸਿਹਤ ਨੂੰ ਕਿਵੇਂ ਨੁਕਸਾਨ ਪਹੁੰਚਾ ਸਕਦੀ ਹੈ?
ਟੀਮ ਨੇ ਪਹਿਲਾਂ ਪਾਇਆ ਕਿ ਜਿਨ੍ਹਾਂ ਲੋਕਾਂ ਨੂੰ ਨੀਂਦ ਨਾ ਆਉਣ ਦੀ ਸ਼ਿਕਾਇਤ ਸੀ, ਉਨ੍ਹਾਂ ਨੂੰ ਹਾਈ ਬਲੱਡ ਪ੍ਰੈਸ਼ਰ ਅਤੇ ਦਿਲ ਦੀ ਬਿਮਾਰੀ ਦਾ ਖ਼ਤਰਾ ਵਧੇਰੇ ਸੀ। ਕਿਸ਼ੋਰਾਂ ਅਤੇ ਬਾਲਗਾਂ ਦੋਵਾਂ ਵਿੱਚ ਪਾਇਆ ਗਿਆ ਕਿ ਇਨਸੌਮਨੀਆ ਅਤੇ ਮਾੜੀ ਨੀਂਦ ਤਣਾਅ, ਹਾਰਮੋਨ ਦੇ ਪੱਧਰ ਅਤੇ ਸੋਜ ਵਰਗੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਆਮ ਤੌਰ 'ਤੇ ਅਜਿਹੇ ਲੱਛਣ ਦਿਲ ਦੀ ਬਿਮਾਰੀ ਤੋਂ ਪਹਿਲਾਂ ਦਿਖਾਈ ਦਿੰਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਦੁਬਈ 'ਚ ਦੇਸ਼ ਨਿਕਾਲੇ ਤੇ ਯਾਤਰਾ ਪਾਬੰਦੀਆਂ ਦੇ ਨਵੇਂ ਨਿਯਮ ਲਾਗੂ
ਚੰਗੀ ਨੀਂਦ ਲਈ ਸੁਝਾਅ
ਨੀਂਦ ਦੀਆਂ ਗੰਭੀਰ ਸਮੱਸਿਆਵਾਂ ਤੋਂ ਪੀੜਤ ਲੋਕਾਂ ਲਈ ਜੋ ਮਹੱਤਵਪੂਰਨ ਹੈ ਉਹ ਹੈ ਘੱਟ ਕੈਫੀਨ ਅਤੇ ਸ਼ਰਾਬ ਦਾ ਸੇਵਨ ਕਰਨਾ, ਸਿਗਰਟਨੋਸ਼ੀ ਨਾ ਕਰਨਾ, ਨਿਯਮਿਤ ਤੌਰ 'ਤੇ ਕਸਰਤ ਕਰਨਾ, ਇਹ ਅਜਿਹੀਆਂ ਆਦਤਾਂ ਹਨ ਜੋ ਚੰਗੀ ਨੀਂਦ ਲੈਣ ਵਿੱਚ ਮਦਦ ਕਰਦੀਆਂ ਹਨ। ਮਾਹਰ ਖਾਣਾ ਨਾ ਛੱਡਣ, ਰਾਤ ਨੂੰ ਬਹੁਤ ਦੇਰੀ ਨਾਲ ਭੋਜਨ ਨਾ ਖਾਣ ਅਤੇ ਬਹੁਤ ਜ਼ਿਆਦਾ ਨਾ ਖਾਣ ਦੀ ਸਿਫਾਰਸ਼ ਕਰਦੇ ਹਨ। ਪਰ ਲੰਬੇ ਸਮੇਂ ਤੋਂ ਨੀਂਦ ਦੀਆਂ ਸਮੱਸਿਆਵਾਂ ਵਾਲੇ ਲੋਕਾਂ ਨੂੰ ਹੋਰ ਵਿਵਹਾਰਕ ਤਬਦੀਲੀਆਂ ਕਰਨ ਦੀ ਲੋੜ ਹੋ ਸਕਦੀ ਹੈ। ਇਹ ਅਧਿਐਨ ਛੇ ਨਿਯਮਾਂ ਦੀ ਪਾਲਣਾ ਕਰਨ ਦੀ ਸਿਫ਼ਾਰਸ਼ ਕਰਦਾ ਹੈ ਜੋ ਤੁਹਾਡੀ ਨੀਂਦ ਨੂੰ ਬਿਹਤਰ ਬਣਾ ਸਕਦੇ ਹਨ। ਇਹ ਅਜਿਹੇ ਨਿਯਮ ਹਨ ਕਿ ਤੁਹਾਨੂੰ ਇਨ੍ਹਾਂ ਦੀ ਪਾਲਣਾ ਕਰਨ ਵਿੱਚ ਜ਼ਿਆਦਾ ਸਮਾਂ ਨਹੀਂ ਲੱਗੇਗਾ ਅਤੇ ਫਿਰ ਤੁਸੀਂ ਫੈਸਲਾ ਕਰ ਸਕਦੇ ਹੋ ਕਿ ਇਨ੍ਹਾਂ ਨਿਯਮਾਂ ਨੂੰ ਆਪਣੀ ਜੀਵਨ ਸ਼ੈਲੀ ਵਿੱਚ ਕਿਵੇਂ ਅਪਣਾਉਣਾ ਹੈ।
ਪਹਿਲਾ: ਭਾਵੇਂ ਕੁਝ ਵੀ ਹੋ ਜਾਵੇ, ਤੁਹਾਨੂੰ ਹਰ ਰੋਜ਼ ਇੱਕੋ ਸਮੇਂ ਉੱਠਣਾ ਚਾਹੀਦਾ ਹੈ। ਭਾਵੇਂ ਤੁਹਾਨੂੰ ਕਿੰਨੀ ਵੀ ਨੀਂਦ ਕਿਉਂ ਨਾ ਆਵੇ। ਇਹ ਤੁਹਾਡੇ ਨੀਂਦ/ਜਾਗਣ ਦੇ ਚੱਕਰ ਨੂੰ ਸਥਿਰ ਕਰੇਗਾ।
ਦੂਜਾ: ਬਿਸਤਰੇ ਵਿੱਚ ਸੌਣ ਅਤੇ ਸੰਭੋਗ ਤੋਂ ਇਲਾਵਾ ਹੋਰ ਕੁਝ ਨਾ ਕਰੋ।
ਤੀਜਾ: ਜਦੋਂ ਤੁਹਾਨੂੰ ਨੀਂਦ ਨਹੀਂ ਆ ਰਹੀ, ਤਾਂ ਬਿਨਾਂ ਵਜ੍ਹਾ ਬਿਸਤਰੇ 'ਤੇ ਨਾ ਲੇਟੋ। ਇਸ ਦੀ ਬਜਾਏ, ਜੇ ਸੰਭਵ ਹੋਵੇ ਤਾਂ ਬਿਸਤਰੇ ਤੋਂ ਉੱਠੋ, ਅਤੇ ਦੂਜੇ ਕਮਰੇ ਵਿੱਚ ਜਾਓ ਅਤੇ ਕੋਈ ਅਜਿਹੀ ਗਤੀਵਿਧੀ ਕਰੋ ਜੋ ਮਜ਼ੇਦਾਰ ਜਾਂ ਆਰਾਮਦਾਇਕ ਹੋਵੇ। ਜਦੋਂ ਤੁਸੀਂ ਸੌਣ ਲਈ ਤਿਆਰ ਹੋਵੋ ਤਾਂ ਹੀ ਵਾਪਸ ਸੌਂ ਜਾਓ।
ਚੌਥਾ: ਘੱਟ ਨੀਂਦ ਆਉਣ ਤੋਂ ਬਾਅਦ ਵੀ ਆਪਣੇ ਰੋਜ਼ਾਨਾ ਦੇ ਕੰਮ ਜਾਰੀ ਰੱਖੋ। ਦਿਨ ਵੇਲੇ ਨੀਂਦ ਦੀ ਕਮੀ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਨਾ ਕਰੋ। ਜੇਕਰ ਤੁਹਾਨੂੰ ਨੀਂਦ ਨਾ ਆਉਣ ਦੀ ਸਮੱਸਿਆ ਹੈ ਅਤੇ ਪਿਛਲੀ ਰਾਤ ਚੰਗੀ ਨੀਂਦ ਨਹੀਂ ਆਈ, ਤਾਂ ਦਿਨ ਜਾਂ ਸ਼ਾਮ ਨੂੰ ਨਾ ਝਪਕੀ ਲਓ ਅਤੇ ਨਾ ਹੀ ਸੌਂਵੋ।
ਪੰਜਵਾਂ: ਸਿਰਫ਼ ਉਦੋਂ ਹੀ ਸੌਂਵੋ ਜਦੋਂ ਤੁਹਾਨੂੰ ਅਸਲ ਵਿੱਚ ਨੀਂਦ ਆ ਰਹੀ ਹੋਵੇ।
ਛੇਵਾਂ: ਘੱਟੋ-ਘੱਟ ਪੰਜ ਘੰਟੇ ਦੀ ਨੀਂਦ ਨਾਲ ਸ਼ੁਰੂਆਤ ਕਰੋ ਅਤੇ ਫਿਰ ਇਸਨੂੰ ਹਫ਼ਤੇ ਵਿੱਚ 15 ਮਿੰਟ ਵਧਾਓ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
‘ਗੋਲੀ ਸੋਡੇ’ ਦੀ ਵਿਦੇਸ਼ਾਂ 'ਚ ਵਧੀ ਮੰਗ, US,UK,Europe ਸਮੇਤ ਖਾੜੀ ਦੇਸ਼ਾਂ ਨੂੰ ਹੋ ਰਿਹੈ ਨਿਰਯਾਤ
NEXT STORY 
