ਟੋਕੀਓ- ਜਾਪਾਨ 'ਚ ਲਿਬਰਲ ਡੈਮੋਕ੍ਰੇਟਿਕ ਪਾਰਟੀ (ਐੱਲਡੀਪੀ) ਦੀ ਪ੍ਰਧਾਨ ਸਾਨੇ ਤਾਕਾਇਚੀ (64) ਨੂੰ ਮੰਗਲਵਾਰ ਨੂੰ ਸੰਸਦ ਨੇ ਪ੍ਰਧਾਨ ਮੰਤਰੀ ਚੁਣ ਲਿਆ ਹੈ। ਇਸ ਦੇ ਨਾਲ ਹੀ ਉਹ ਜਾਪਾਨ 'ਚ ਇਸ ਸਰਵਉੱਚ ਅਹੁਦੇ 'ਤੇ ਕਾਬਜ਼ ਹੋਣ ਵਾਲੀ ਪਹਿਲੀ ਔਰਤ ਬਣ ਗਈ। ਸੁਸ਼੍ਰੀ ਤਾਕਾਇਚੀ ਨੇ ਹੇਠਲੇ ਸਦਨ 'ਚ ਪਹਿਲੇ ਦੌਰ ਦੀ ਵੋਟਿੰਗ 'ਚ 237 ਵੋਟਾਂ ਹਾਸਲ ਕੀਤੀਆਂ ਅਤੇ ਦੂਜੇ ਦੌਰ ਦੀਆਂ ਚੋਣਾਂ ਦੀ ਨੌਬਤ ਹੀ ਨਹੀਂ ਆਈ। ਉਨ੍ਹਾਂ ਦੇ ਵਿਰੋਧੀ ਅਤੇ ਡੈਮਕ੍ਰੋਟਿਕ ਪਾਰਟੀ ਦੇ ਯੋਸ਼ੀਹਿਕੋ ਨੋਦਾ ਨੂੰ ਸਿਰਫ਼ 149 ਵੋਟਾਂ ਮਿਲੀਆਂ। ਤਾਕਾਇਚੀ ਦੀ ਵੋਟਿੰਗ ਕਰਦੇ ਹੋਏ ਸੰਸਦ ਮੈਂਬਰਾਂ ਨੇ ਤਾੜੀਆਂ ਵਜਾ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਦੀਆਂ ਚੋਣਾਂ ਤੋਂ ਬਾਅਦ ਤਾੜੀਆਂ ਦੀ ਗੜਗੜਾਹਟ ਨਾਲ ਉਨ੍ਹਾਂ ਦਾ ਸਵਾਗਤ ਕੀਤਾ।
ਬੀਤੇ ਸੋਮਵਾਰ ਨੂੰ ਐੱਲਡੀਪੀ ਅਤੇ ਜਾਪਾਨ ਇਨੋਵੇਸ਼ਨ ਪਾਰਟੀ (ਜੇਆਈਪੀ) ਵਿਚਾਲੇ ਹੋਏ ਗਠਜੋੜ ਸਮਝੌਤੇ ਨੇ ਉਨ੍ਹਾਂ ਦਾ ਪ੍ਰਧਾਨ ਮੰਤਰੀ ਬਣਨਾ ਤੈਅ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਇਸ ਅਹੁਦੇ 'ਤੇ ਚੋਣ ਸਿਰਫ਼ ਰਸਮੀ ਹੀ ਰਹਿ ਗਈ ਸੀ। ਜੇਆਈਪੀ ਪਹਿਲੇ ਹੀ ਇਹ ਐਲਾਨ ਕਰ ਚੁੱਕੀ ਹੈ ਕਿ ਉਹ ਵਫ਼ਦ 'ਚ ਸ਼ਾਮਲ ਨਹੀਂ ਹੋਵੇਗੀ। ਕੁੱਲ 465 ਸੀਟਾਂ ਵਾਲੇ ਹੇਠਲੇ ਸਦਨ 'ਚ ਬਹੁਮਤ ਦਾ ਜਾਦੂਈ ਅੰਕੜਾ 233 ਹੈ। ਸਦਨ 'ਚ ਤਾਕਾਇਚੀ ਦੀ ਪਾਰਟੀ ਐੱਲਡੀਪੀ ਕੋਲ 196 ਅਤੇ ਜੇਆਈਪੀ ਕੋਲ 35 ਸੀਟਾਂ ਹਨ। ਦੋਵਾਂ ਕੋਲ ਕੁੱਲ ਮਿਲਾ ਕੇ 231 ਸੀਟਾਂ ਹਨ। ਆਪਣੀ ਚੋਣ ਮੁਹਿੰਮ ਦੌਰਾਨ, ਤਾਕਾਇਚੀ ਨੇ ਇਹ ਵੀ ਸੰਕੇਤ ਦਿੱਤਾ ਸੀ ਕਿ ਜੇਕਰ ਉਹ ਸਰਕਾਰ ਸੰਭਾਲਦੀ ਹੈ ਤਾਂ ਉਹ ਵੱਡੀ ਗਿਣਤੀ 'ਚ ਔਰਤਾਂ ਦੀ ਨਿਯੁਕਤੀ ਕਰੇਗੀ। ਸੁਸ਼੍ਰੀ ਤਾਕਾਇਚੀ ਨੇ ਆਰਥਿਕ ਸੁਰੱਖਿਆ ਅਤੇ ਅੰਦਰੂਨੀ ਮਾਮਲਿਆਂ ਦੇ ਮੰਤਰੀ ਵਜੋਂ 30 ਸਾਲ ਤੱਕ ਸੇਵਾ ਦਿੱਤੀ ਹੈ। ਉਨ੍ਹਾਂ ਨੇ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਆਪਣੀ ਤੀਜੀ ਕੋਸ਼ਿਸ਼ 'ਚ ਐੱਲਡੀਪੀ ਦੀ ਅਗਵਾਈ ਹਾਸਲ ਕੀਤੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਡੋਨਾਲਡ ਟਰੰਪ ਨੇ ਦਿੱਤੀ ਦੀਵਾਲੀ ਦੀ ਵਧਾਈ, ਵ੍ਹਾਈਟ ਹਾਉਸ ਤੋਂ ਦਿੱਤਾ ਸ਼ਾਂਤੀ ਦਾ ਸੰਦੇਸ਼
NEXT STORY 
