ਕੁਆਲਾਲੰਪੁਰ (ਰਾਇਟਰ)- ਰਹੱਸਮਈ ਤਰੀਕੇ ਨਾਲ ਗਾਇਬ ਹੋਏ ਮਲੇਸ਼ੀਆਈ ਜਹਾਜ਼ ਐਮ.ਐਚ. 370 ਦੀ ਭਾਲ ਇਕ ਵਾਰ ਫਿਰ ਅਸਫਲ ਰਹੀ। 4 ਸਾਲ ਪਹਿਲਾਂ ਲਾਪਤਾ ਹੋਏ ਜਹਾਜ਼ ਬਾਰੇ ਅਜੇ ਤੱਕ ਕੋਈ ਸੁਰਾਗ ਨਹੀਂ ਮਿਲਿਆ ਹੈ। ਬੋਰਡ ਏਅਰਲਾਈਨਜ਼ ਦੀ ਫਲਾਈਟ ਐਮ.ਐਚ. 370 ਵਿਚ ਲਾਪਤਾ ਯਾਤਰੀਆਂ ਦੇ ਪਰਿਵਾਰਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਜਹਾਜ਼ ਦੇ ਗਾਇਬ ਹੋਣ ਦੀ ਜੋ ਰਿਪੋਰਟ ਦਿੱਤੀ ਗਈ ਹੈ, ਉਸ ਵਿਚ ਕੋਈ ਵੀ ਨਵੀਂ ਜਾਣਕਾਰੀ ਨਹੀਂ ਹੈ। ਇਹ ਰਿਪੋਰਟ ਨਿਜੀ ਕੰਪਨੀ ਦੇ ਜਹਾਜ਼ ਲੱਭਣ ਦੇ ਦੋ ਮਹੀਨੇ ਬਾਅਦ ਆਈ ਹੈ। ਇਹ ਜਹਾਜ਼ 8 ਮਾਰਚ 2014 ਨੂੰ 239 ਲੋਕਾਂ ਨੂੰ ਲੈ ਕੇ ਕੁਆਲਾਲੰਪੁਰ ਤੋਂ ਬੀਜਿੰਗ ਜਾਂਦੇ ਹੋਏ ਅਚਾਨਕ ਲਾਪਤਾ ਹੋ ਗਿਆ ਸੀ। ਐਮ.ਐਚ.370 ਜਹਾਜ਼ ਖੇਤਰ ਵਿਚ ਵਿਸ਼ਵ ਦਾ ਸਭ ਤੋਂ ਵੱਡਾ ਰਹੱਸ ਬਣ ਗਿਆ ਹੈ।
ਲਾਪਤਾ ਯਾਤਰੀਆਂ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਜਾਰੀ ਕੀਤੀ ਗਈ ਰਿਪੋਰਟ ਵਿਚ ਬਹੁਤ ਸਾਰੀਆਂ ਗਲਤੀਆਂ ਹਨ। ਇਨ੍ਹਾਂ ਵਿਚ ਪ੍ਰੋਟੋਕਾਲ ਅਤੇ ਦਿਸ਼ਾ-ਨਿਰਦੇਸ਼ਾਂ ਦਾ ਪਾਲਨ ਨਹੀਂ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਉਮੀਦ ਕਰਦੇ ਹਾਂ ਕਿ ਇਨ੍ਹਾਂ ਗਲਤੀਆਂ ਨੂੰ ਦੁਹਰਾਇਆ ਨਹੀਂ ਜਾਵੇਗਾ ਅਤੇ ਭਵਿੱਖ ਵਿਚ ਉਨ੍ਹਾਂ ਨੂੰ ਰੋਕਣ ਲਈ ਉਪਾਅ ਕੀਤੇ ਜਾਣਗੇ। ਮਲੇਸ਼ੀਆ ਨੇ 29 ਮਈ ਨੂੰ ਜਹਾਜ਼ ਦੀ ਭਾਲ ਕਰਨ ਦਾ ਜ਼ਿੰਮਾ ਅਮਰੀਕੀ ਫਰਮ ਓਸ਼ਨ ਇਨਫੀਨਿਟੀ ਨੂੰ ਦਿੱਤਾ ਸੀ। ਫਰਮ ਨੇ ਹਿੰਦ ਮਹਾਸਾਗਰ ਵਿਚ 1,12,000 ਵਰਗ ਕਿਮੀ ਤੱਕ ਜਹਾਜ਼ ਦੀ ਭਾਲ ਕੀਤੀ ਗਈ ਪਰ ਇਸ ਦਾ ਕੋਈ ਸਿੱਟਾ ਨਹੀਂ ਨਿਕਲਿਆ। ਆਸਟ੍ਰੇਲੀਆ, ਚੀਨ ਅਤੇ ਮਲੇਸ਼ੀਆ ਤੋਂ ਬਾਅਦ ਜਹਾਜ਼ ਦੀ ਇਹ ਦੂਜੀ ਵੱਡੀ ਖੋਜ ਸੀ, ਇਸ ਖੋਜ 'ਤੇ 147 ਮਿਲੀਅਨ ਡਾਲਰ ਖਰਚ ਕੀਤੇ ਗਏ ਸਨ।
ਐਮ.ਐਚ. 370 ਜਹਾਜ਼ ਮਾਰਚ 2014 ਵਿਚ ਕੁਆਲਾਲੰਪੁਰ ਤੋਂ ਬੀਜਿੰਗ ਜਾਂਦੇ ਹੋਏ ਲਾਪਤਾ ਹੋ ਗਿਆ ਸੀ। ਇਸ ਵਿਚ 239 ਯਾਤਰੀ ਸਵਾਰ ਸਨ। ਇਸ ਦਾ ਪਤਾ ਲਗਾਉਣ ਲਈ ਜਹਾਜ਼ ਇਤਿਹਾਸ ਦੀ ਸਭ ਤੋਂ ਵੱਡੀ ਖੋਜ ਮੁਹਿੰਮ ਸ਼ੁਰੂ ਕੀਤੀ ਗਈ ਸੀ, ਜਿਸ ਵਿਚ ਕਈ ਦੇਸ਼ ਸ਼ਾਮਲ ਸਨ। ਪਰ ਜਹਾਜ਼ ਦਾ ਕੋਈ ਸੁਰਾਗ ਨਹੀਂ ਮਿਲਿਆ। ਪਿਛਲੇ ਸਾਲ ਜਨਵਰੀ ਵਿਚ ਖੋਜ ਬੰਦ ਕਰ ਦਿੱਤੀ ਗਈ ਸੀ। ਇਸੇ ਮੁਹਿੰਮ ਦੌਰਾਨ ਆਸਟ੍ਰੇਲੀਆਈ ਖੋਜੀ ਟੀਮ ਨੂੰ 39000 ਮੀਟਰ ਡੂੰਘਾਈ ਵਿਚ ਦੋ ਥਾਵਾਂ ਤੋਂ ਕੁਝ ਟੁਕੜੇ ਅਤੇ ਮਲਬਾ ਮਿਲਿਆ ਸੀ।
ਲਾਪਤਾ ਜਹਾਜ਼ ਦੀ ਭਾਲ ਇਸ ਸਾਲ ਮਈ ਵਿਚ ਫਿਰ ਸ਼ੁਰੂ ਕੀਤੀ ਗਈ ਸੀ। ਇਸ ਵਾਰ ਇਹ ਕੰਮ ਇਕ ਨਿਜੀ ਖੋਜੀ ਕੰਪਨੀ ਕਰ ਰਹੀ ਸੀ। ਮਲੇਸ਼ੀਆ ਨੇ ਉਸ ਨੂੰ 'ਨੋ ਫਾਈਂਡ ਨੋ ਫੀ' ਦੇ ਆਧਾਰ 'ਤੇ ਕੰਮ ਦਿੱਤਾ ਸੀ। ਯਾਨੀ ਕਿ ਖੋਜ ਨਾ ਹੋਣ 'ਤੇ ਕੋਈ ਭੁਗਤਾਨ ਨਹੀਂ ਕੀਤਾ ਗਿਆ ਸੀ।
ਕੈਲੀਫੋਰਨੀਆ : ਜੰਗਲਾਂ 'ਚ ਲੱਗੀ ਅੱਗ ਨੇ ਧਾਰਿਆ ਭਿਆਨਕ ਰੂਪ, 6 ਲੋਕ ਮਰੇ
NEXT STORY 
