ਅਬੁਜਾ- ਵਿਆਹ ਦੇ ਸਮੇਂ ਲਾੜੇ ਵਲੋਂ ਦਹੇਜ ਦੀ ਮੰਗ ਦੀਆਂ ਖਬਰਾਂ ਅਕਸਰ ਸੁਣਨ ਨੂੰ ਮਿਲਦੀਆਂ ਹਨ ਪਰ ਇਕ ਦੇਸ਼ ਅਜਿਹਾ ਹੈ ਜਿਥੇ ਲੜਕੇ ਦਾ ਪਰਿਵਾਰ ਲੜਕੀ ਵਾਲਿਆਂ ਦੀਆਂ ਮੰਗਾਂ ਪੂਰੀਆਂ ਕਰਦਾ ਹੈ। ਪਰ ਇਥੇ ਲੜਕੀ ਦੇ ਪਰਿਵਾਰ ਨੇ ਅਜਿਹੀਆਂ ਮੰਗਾਂ ਲਾੜੇ ਮੁਹਰੇ ਰੱਖ ਦਿੱਤੀਆਂ ਕਿ ਉਹ ਪਰੇਸ਼ਾਨ ਹੋ ਗਿਆ ਤੇ ਉਸ ਨੇ ਘਬਰਾ ਕੇ ਲੜਕੀ ਨਾਲ ਰਿਸ਼ਤਾ ਹੀ ਤੋੜ ਦਿੱਤਾ।
ਨਾਈਜੀਰੀਆ ਦੇ ਰਹਿਣ ਵਾਲੇ ਐਂਡਰਸਨ ਨੇ ਆਪਣੀ ਹੋਣ ਵਾਲੀ ਪਤਨੀ ਨੂੰ ਇਹ ਕਹਿ ਕੇ ਰਿਸ਼ਤਾ ਤੋੜ ਦਿੱਤਾ ਕਿ ਉਹ ਉਸ ਦੇ ਖਰਚੇ ਚੁੱਕਣ ਵਿਚ ਅਸਮਰਥ ਹੈ। ਨਾਲ ਹੀ ਉਸ ਨੇ ਪ੍ਰੇਮਿਕਾ ਨੂੰ ਅਜਿਹਾ ਲੜਕਾ ਤਲਾਸ਼ ਕਰਨ ਦੀ ਸਲਾਹ ਦਿੱਤੀ ਜੋ ਉਸ ਦੇ ਖਰਚੇ ਚੁੱਕ ਸਕੇ। ਅਸਲ ਵਿਚ ਨਾਈਜੀਰੀਆ ਵਿਚ 'ਬ੍ਰਾਈਡ ਪ੍ਰਾਈਸ' ਲੈਣ ਦਾ ਰਿਵਾਜ਼ ਹੈ। ਇਸ ਰਿਵਾਜ਼ ਮੁਤਾਬਕ ਲਾੜੇ ਨੂੰ ਵਿਆਹ ਤੋਂ ਪਹਿਲਾਂ ਹੋਣ ਵਾਲੀ ਲਾੜੀ ਨੂੰ ਕੁਝ ਭੁਗਤਾਨ ਕਰਨਾ ਹੁੰਦਾ ਹੈ। ਲਾੜੀ ਦੇ ਪਰਿਵਾਰ ਨੂੰ ਇਹ ਭੁਗਤਾਨ ਕਿਸੇ ਵੀ ਰੂਪ ਵਿਚ ਕੀਤਾ ਜਾ ਸਕਦਾ ਹੈ। ਕੁਝ ਲੋਕ ਇਸ ਨੂੰ ਇਕ ਵਾਰ ਵਿਚ ਹੀ ਦੇ ਦਿੰਦੇ ਹਨ ਤੇ ਉਥੇ ਹੀ ਕੁਝ ਲੋਕ ਕਿਸ਼ਤਾਂ ਵਿਚ ਇਸ ਦਾ ਭੁਗਤਾਨ ਕਰਦੇ ਹਨ।
ਐਂਡਰਸਨ ਦਾ ਕਹਿਣਾ ਹੈ ਕਿ ਬ੍ਰਾਈਡ ਪ੍ਰਾਈਸ ਦੇ ਰੂਪ ਵਿਚ ਉਸ ਦੇ ਸਹੁਰੇ ਵਾਲਿਆਂ ਨੇ ਸਾਮਾਨ ਦੀ ਜੋ ਲਿਸਟ ਦਿੱਤੀ ਉਸ ਨੂੰ ਦੇਖ ਕੇ ਉਸ ਦੇ ਹੋਸ਼ ਹੀ ਉਡ ਗਏ ਤੇ ਉਸ ਨਾਲ ਉਸ ਪਰਿਵਾਰ ਵਿਚ ਵਿਆਹ ਨਾ ਕਰਨ ਦਾ ਫੈਸਲਾ ਲਿਆ। ਐਂਡਰਸਨ ਨੇ ਸਹੁਰਿਆਂ ਤੋਂ ਮਿਲੀ ਇਸ ਲਿਸਟ ਦੀ ਫੋਟੋ ਖਿੱਚ ਕੇ ਸੋਸ਼ਲ ਮੀਡੀਆ 'ਤੇ ਪਾ ਦਿੱਤੀ। ਸੋਸ਼ਲ ਮੀਡੀਆ 'ਤੇ ਲਿਸਟ ਦੀ ਇਕ ਵੋਟੋ ਵੀ ਵਾਇਰਲ ਹੋ ਰਹੀ ਹੈ। ਸਾਮਾਨ ਦੀ ਲਿਸਟ ਤੋਂ ਸਾਫ ਹੈ ਕਿ ਇਸ ਵਿਚ ਸਾਰੇ ਸਾਮਾਨ ਤੋਂ ਇਲਾਵਾ ਐਂਡਰਸਨ ਨੂੰ ਲਾੜੀ ਦੀ ਮਾਂ ਨੂੰ ਵੀ ਕੁਝ ਰੁਪਏ ਦੇਣ ਦੀ ਮੰਗ ਕੀਤੀ ਗਈ ਸੀ। ਉਥੇ ਹੀ ਐਂਡਰਸਨ ਦੀ ਪ੍ਰੇਮਿਕਾ ਉਸ ਨਾਲ ਰਿਸ਼ਤਾ ਨਾ ਤੋੜਨ ਦੀ ਅਪੀਲ ਕਰ ਰਹੀ ਹੈ ਪਰ ਐਂਡਰਸਨ ਦਾ ਕਹਿਣਾ ਹੈ ਕਿ ਉਹ ਲੜਕੀ ਦੇ ਪਰਿਵਾਰ ਦੀਆਂ ਖੁਹਾਇਸ਼ਾਂ ਪੂਰੀਆਂ ਨਹੀਂ ਕਰ ਸਕਦਾ ਤੇ ਇਸ ਲਈ ਉਸ ਦੇ ਕੋਲ ਰਿਸ਼ਤਾ ਤੋੜਨ ਤੋਂ ਇਲਾਵਾ ਹੋਰ ਕੋਈ ਰਾਸਤਾ ਨਹੀਂ ਹੈ।
ਇਟਲੀ ਨੇ ਕੋਰੋਨਾਵਾਇਰਸ ਕਾਰਨ ਐਮਰਜੰਸੀ ਦਾ ਕੀਤਾ ਐਲਾਨ
NEXT STORY