ਸਿਡਨੀ (ਸਨੀ ਚਾਂਦਪੁਰੀ): ਸਿਡਨੀ ਵਿੱਚ ਕੋਰੋਨਾ ਕਾਰਨ ਹਾਲਾਤ ਬਦਤਰ ਹੁੰਦੇ ਨਜ਼ਰ ਆ ਰਹੇ ਹਨ। ਅੱਜ ਸਿਡਨੀ ਵਿੱਚ ਕੋਰੋਨਾ ਦੇ 633 ਐਕਟਿਵ ਕੇਸ ਸਾਹਮਣੇ ਆਏ ਹਨ। ਇਹ ਅੰਕੜਾ ਲਗਾਤਾਰ ਵੱਧਦਾ ਜਾ ਰਿਹਾ ਹੈ ਜੋ ਕਿ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ । ਐਨ ਐਸ ਡਬਲਊ ਦੀ ਸੂਬਾ ਪ੍ਰੀਮੀਅਰ ਗਲੇਡਿਸ ਬੇਰੇਜਿਕਲਿਅਨ ਨੇ ਕਿਹਾ ਕਿ ਜਿਹੜੇ ਨਤੀਜੇ ਆ ਰਹੇ ਹਨ ਇਹ ਸੱਭ ਤੋ ਬੁਰੇ ਨਹੀਂ ਹਨ ਅਜੇ ਅਸੀਂ ਸੱਭ ਤੋ ਬੁਰੇ ਨਤੀਜੇ ਨਹੀਂ ਵੇਖੇ ਹਨ।ਇਹਨਾਂ ਦੀ ਰੋਕਥਾਮ ਲਈ ਅਸੀਂ ਹਰ ਸੰਭਵ ਕੋਸ਼ਿਸ਼ ਕਰ ਰਹੇ ਹਾਂ।ਇਸ ਨੂੰ ਰੋਕਣ ਲਈ ਘਰ ਰਹਿਣਾ ਬਹੁਤ ਜ਼ਰੂਰੀ ਹੈ।
ਪੜ੍ਹੋ ਇਹ ਅਹਿਮ ਖਬਰ- ਕੋਰੋਨਾ ਆਫ਼ਤ : ਆਸਟ੍ਰੇਲੀਆ 'ਚ ਮੁੜ ਸਾਹਮਣੇ ਆਏ ਰਿਕਾਰਡ ਮਾਮਲੇ
ਬੇਰੇਜਿਕਲਿਅਨ ਨੇ ਮੰਗਲਵਾਰ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਕੇਸਾਂ ਦੀ ਗਿਣਤੀ ਹੋਰ ਵਿਗੜ ਸਕਦੀ ਹੈ ਅਤੇ ਸਤੰਬਰ ਅਤੇ ਅਕਤੂਬਰ “ਸਾਡੇ ਸਭ ਤੋਂ ਮੁਸ਼ਕਲ ਮਹੀਨੇ” ਹੋਣਗੇ। ਕੋਵਿਡ -19 ਦੇ ਤਿੰਨ ਹੋਰ ਮਰੀਜ਼ਾਂ ਦੀ ਮੰਗਲਵਾਰ ਰਾਤ 24 ਘੰਟਿਆਂ ਤੋਂ ਰਾਤ 8 ਵਜੇ ਤੱਕ ਮੌਤ ਹੋ ਗਈ। ਦੋ ਆਦਮੀਆਂ, ਜਿਨ੍ਹਾਂ ਦੀ ਉਮਰ 70 ਸਾਲ ਅਤੇ ਪੱਛਮੀ ਸਿਡਨੀ ਦੇ ਸਨ, ਦੀ ਮੌਤ ਹਸਪਤਾਲ ਵਿੱਚ ਹੋਈ ਅਤੇ ਦੱਖਣ -ਪੱਛਮੀ ਸਿਡਨੀ ਦੇ 60 ਸਾਲ ਦੇ ਇੱਕ ਹੋਰ ਵਿਅਕਤੀ ਦੀ ਲਿਵਰਪੂਲ ਹਸਪਤਾਲ ਵਿੱਚ ਮੌਤ ਹੋ ਗਈ ਅਤੇ ਉੱਥੇ ਇਸ ਪ੍ਰਕੋਪ ਨਾਲ ਜੁੜੀ ਨੌਵੀਂ ਮੌਤ ਹੈ। ਪਿਛਲੇ ਚੌਵੀ ਘੰਟਿਆਂ ਵਿੱਚ 103000 ਲੋਕਾਂ ਨੇ ਕੋਰੋਨਾ ਟੈਸਟ ਕਰਵਾਏ ਸਨ, ਜਿਹਨਾਂ ਵਿੱਚੋਂ 633 ਕੇਸ ਸਾਹਮਣੇ ਆਏ ਹਨ।
ਤਾਲਿਬਾਨ ਅੱਤਵਾਦੀਆਂ ਦੇ ਸਾਹਮਣੇ ਨਹੀਂ ਝੁਕੀਆਂ ਔਰਤਾਂ, ਸੜਕ ਵਿਚਾਲੇ ਅਧਿਕਾਰਾਂ ਲਈ ਕੀਤਾ ਪ੍ਰਦਰਸ਼ਨ
NEXT STORY 
