ਵੈਨਕੂਵਰ (ਮਲਕੀਤ ਸਿੰਘ) – ਨਿਊਫਾਊਂਡਲੈਂਡ ਰੈਜੀਮੈਂਟ ਹਾਕੀ ਟੀਮ ਨੇ ਕੇਪ ਬ੍ਰੇਟਨ ਈਗਲਜ਼ ਖ਼ਿਲਾਫ਼ 6-2 ਦੀ ਸ਼ਾਨਦਾਰ ਜਿੱਤ ਦਰਜ ਕਰਕੇ ਸੀਰੀਜ਼ ਨੂੰ ਬਰਾਬਰੀ ’ਤੇ ਲਿਆ ਦਿੱਤਾ ਹੈ।
ਜਾਣਕਾਰੀ ਅਨੁਸਾਰ ਕਿਊਬੈਕ ਮੈਰਿਟਾਈਮਜ਼ ਜੂਨੀਅਰ ਹਾਕੀ ਲੀਗ ਦੇ ਪਲੇਆਫ਼ਸ ਦੇ ਪਹਿਲੇ ਰਾਊਂਡ ਵਿੱਚ ਖੇਡੇ ਗਏ ਇਸ ਮੈਚ ਦੌਰਾਨ ਨਿਊਫਾਊਂਡਲੈਂਡ ਰੈਜੀਮੈਂਟ ਨੇ ਸ਼ੁਰੂ ਤੋਂ ਹੀ ਦਬਦਬਾ ਬਣਾਈ ਰੱਖਿਆ। ਇਹ ਮੈਚ ਸੇਂਟ ਜੌਨਜ਼ ਦੇ ਮੈਰੀ ਬ੍ਰਾਊਨਜ਼ ਸੈਂਟਰ ਵਿੱਚ ਖੇਡਿਆ ਗਿਆ। ਟੀਮ ਨੇ ਵਧੀਆ ਟੀਮ ਵਰਕ ਅਤੇ ਤੇਜ਼ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਕੇਪ ਬ੍ਰੇਟਨ ਈਗਲਜ਼ ਨੂੰ ਪਿੱਛੇ ਛੱਡ ਦਿੱਤਾ ਅਤੇ ਜਿੱਤ ਹਾਸਲ ਕੀਤੀ। ਇਸ ਜਿੱਤ ਨਾਲ ਸੀਰੀਜ਼ ਹੁਣ ਰੋਮਾਂਚਕ ਮੋੜ ’ਤੇ ਪਹੁੰਚ ਗਈ ਹੈ।
ਜਾਣਕਾਰੀ ਮੁਤਾਬਕ ਸੀਰੀਜ਼ ਦਾ ਤੀਜਾ ਮੈਚ ਮੰਗਲਵਾਰ ਨੂੰ ਨੋਵਾ ਸਕੋਸ਼ੀਆ ਦੇ ਸਿਡਨੀ ਸਥਿਤ ਸੈਂਟਰ 200 ਵਿੱਚ ਖੇਡਿਆ ਜਾਵੇਗਾ, ਜਿੱਥੇ ਦੋਵਾਂ ਟੀਮਾਂ ਮੈਦਾਨ ਵਿੱਚ ਉਤਰਣਗੀਆਂ। ਖੇਡ ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਮੈਚ ਹੋਰ ਵੀ ਸਖਤ ਮੁਕਾਬਲੇ ਵਾਲੇ ਹੋ ਸਕਦੇ ਹਨ ਕਿਉਂਕਿ ਦੋਵਾਂ ਟੀਮਾਂ ਇੱਕ-ਦੂਜੇ ਨੂੰ ਸਖਤ ਟੱਕਰ ਦੇ ਰਹੀਆਂ ਹਨ।
ਖਾਲਸਾ ਪੰਥ ਦੇ ਸਾਜਨਾ ਦਿਵਸ ਨੂੰ ਸਮਰਪਿਤ ਅਨੇਕਾਂ ਨਗਰ ਕੀਰਤਨ ਸਿੱਖ ਸੰਗਤ ਅੰਦਰ ਭਰਨਗੇ ਨਵਾਂ ਜੋਸ਼
NEXT STORY 
