ਟੋਰਾਂਟੋ— ਓਨਟਾਰੀਓ ਪੁਲਸ ਨੇ ਜਾਣਕਾਰੀ ਦਿੱਤੀ ਕਿ ਹਾਈਵੇਅ 'ਤੇ ਲੰਘਣ ਵਾਲੇ ਲੋਕਾਂ 'ਤੇ ਸਿੰਡਰ ਬਲਾਕ (ਸੀਮੰਟ ਦੀਆਂ ਵੱਡੀਆਂ ਇੱਟਾਂ) ਸੁੱਟਣ ਦੀਆਂ ਤਿੰਨ ਵਾਰਦਾਤਾਂ ਵਾਪਰੀਆਂ ਹਨ। ਪਹਿਲੀ ਘਟਨਾ ਪਿਛਲੇ ਹਫਤੇ ਉੱਤਰੀ ਅਮਰੀਕਾ ਦੇ ਹਾਈਵੇਅ 'ਤੇ ਵਾਪਰੀ, ਜਿੱਥੇ ਇਕ ਵਿਅਕਤੀ 'ਤੇ ਸਿੰਡਰ ਬਲਾਕ ਸੁੱਟੀਆਂ ਗਈਆਂ। ਇਸ ਮਗਰੋਂ ਬੁੱਧਵਾਰ ਨੂੰ ਦੋਯੋਂਗ ਸਟਰੀਟ ਅਤੇ ਹਾਈਵੇਅ ਕੋਲੋਂ ਲੰਘ ਰਹੇ ਵਿਅਕਤੀਆਂ ਨਾਲ ਵੀ ਅਜਿਹੀਆਂ ਹੀ ਵਾਰਦਾਤਾਂ ਵਾਪਰੀਆਂ।
ਇਕ ਡਰਾਈਵਰ ਨੇ ਦੱਸਿਆ ਕਿ ਜਿਸ ਸਮੇਂ ਉਸ ਦੀ ਗੱਡੀ ਦੀ ਛੱਤ ਪਾੜ ਕੇ ਇਕ ਭਾਰੀ ਲਿਫਾਫਾ ਡਿੱਗਿਆ ਤਾਂ ਉਹ ਸਮਝਿਆ ਕਿ ਜਿਵੇਂ ਉਸ 'ਤੇ ਬੰਬ ਡਿੱਗ ਗਿਆ ਹੋਵੇ। ਹਾਲਾਂਕਿ ਗੱਡੀ 'ਚ ਸਵਾਰ ਵਿਅਕਤੀ ਬਚ ਗਿਆ ਪਰ ਹੁਣ ਲੋਕਾਂ ਅੰਦਰ ਡਰ ਪੈ ਗਿਆ ਹੈ ਕਿਉਂਕਿ ਇਸ ਤਰ੍ਹਾਂ ਕਿਸੇ ਦੇ ਵਧੇਰੇ ਸੱਟ ਵੀ ਲੱਗ ਸਕਦੀ ਹੈ। ਇਕ ਘਟਨਾ ਐਤਵਾਰ ਸਵੇਰੇ 11.15 ਵਜੇ ਅਤੇ ਦੂਜੀ ਰਾਤ 10 ਵਜੇ ਵਾਪਰੀ। ਇਸ ਮਗਰੋਂ ਪੁਲਸ ਨੇ ਛਾਣ-ਬੀਣ ਸ਼ੁਰੂ ਕਰ ਦਿੱਤੀ। ਪੁਲਸ ਨੇ ਕਿਹਾ ਕਿ ਉਨ੍ਹਾਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੀਆਂ ਗੱਡੀਆਂ ਦੇ ਡੈਸ਼ਕੈਮ ਰਾਹੀਂ ਚੈੱਕ ਕਰਨ ਕਿ ਇਸ ਵਾਰਦਾਤ ਪਿੱਛੇ ਕਿਸਦਾ ਹੱਥ ਹੈ? ਤਾਂ ਕਿ ਦੋਸ਼ੀ ਨੂੰ ਗ੍ਰਿਫਤਾਰ ਕੀਤਾ ਜਾਵੇ।
ਸੀਰੀਆ ਦੀਆਂ ਸ਼ਰਨਾਰਥੀ ਔਰਤਾਂ ਨੇ ਇਸ ਢੰਗ ਨਾਲ ਕੀਤਾ ਕੈਨੇਡਾ ਦਾ ਧੰਨਵਾਦ
NEXT STORY 
